¹ Semuo oghang yang monanggung boban sobagai anak haghuslah monggap tuanyo sobagai oghang yang pantas mendapot segalo ghahmat supayo namo Allah dan pengajohan kito tidok dicola. ² Sodangkan pagha anak yang yang tuannyo adolah oghang peghcayo, janganlah mengughangi ghasa hoghmat kepado megheka kaghena adolah saudagho-saudagho seiman sebaliknyo, pagho anak haghus molayani bosnyo dongan lobih baek lagi kaghena yang meneghimo beghkat polayan adolah oghang-oghang peghcayo yang megheka kasihi. ajaghkandan nasihatkan hal-hal ini kepado megheka. ³ Jiko ado oghang yang mengajoghkan ajaghan lain dan tidok sosuai dongan peghkatoan yang bonoh daghi Tuhan kito Yesus Kristus dan tidok sosuai dongan ajaghan kosalehan. ⁴ Iyo adolah pombual dan tidok mengoghti apo-apo. Iyo hanyo teghtaghik dongan peghbantahan yang tidok sehat, yang hanyo mompeghdokatkan kato-kato yang justghu mombuat ighi hati peghpocahan, fitnah, dan kecughigaan yang jahat. ⁵ Soghta toghus-menoghus mombuat peghmusuhan antagho oghang-oghang yang pikighannyo adolah cagha untuk mendapotkan keuntungan. ⁶ Akan totapi, kosalehan yang disoghtai ghasa cukuo akan memboghikan manfaat yang bosoh. ⁷ Sobab, kito tidok membawo apo-apo ketiko kito masuk ke dunio dan kito jugo tidok biso membawo apo-apo ketiko keluogh daghi dunio ini. ⁸ Jiko sudoh ado makanan dan baju, kito akan meghaso cukup. ⁹ Oghang yang ingin menjadi kayo jatuh ke dalom pencobaan dan jobakan, seghta beghbagai nafsu yang bodoh dan membahayokan yang akan menenggolamkan oghang-oghang ke dalom kehancughan dan binaso. ¹⁰ Sobab, cinto akan duit adolah akagh daghi segalo macam kojahatan. Oghang-oghang yang membughu duit tolah menyimpang daghi iman dan menyikso dighi sendighi dongan beghbagai dukacito. ¹¹ Akan totapi, kau sobagai manusia daghi Allah, jauhkanlah dighi kau daghi semuanyo itu. Kojahlah kebonaghan, kosalehan, iman, kasih, kotabahan, dan kelombutan. ¹² Beghjuanglah dalom peghjuangan iman yang baek beghpeganglah pado hidup kokal yang untuknyo kau dipanggil ketiko kau memboghikan pengakuan yang baek di dopan banyok saksi. ¹³ Di dopan Allah yang membeghikan hidup atas segalo sosuatu dan di dopan Yesus Kristus yang memboghikan pongakuan yang baek ketiko beghadopan dongan Pontius Pilatus, odan memeghintahkan kau. ¹⁴ Kighonyo kau monjalankan peghintah ini dongan tidok beghcacat dan beghcola hinggo kodatangan Tuhan kito Kristus Yesus. ¹⁵ Pado saat yang ditontukan-Nyo, Iyo akan monampakkan dighi-Nyo sobagai satu-satunyo Penguaso, Raja atas segalo raja, dan tuan atas segalo tuan. ¹⁶ Diolah satu-satunyo yang kokal, yang tinggol dalom toghang yang tak teghampighi, yang tak seoghang pun poghnah molihat atau dapot molihat-Nyo.Bagi Dio, segalo hoghmat dan kuaso yang kokal! Amin. ¹⁷ Sementagho itu, pegintokan oghang-oghang kayo di zaman ini tidok sombong atau menaghuh haghapan pado kokayaan yang tidok pasti, totapi taghulah haghapan kepado Allah, yang dongan melimpoh menyodiokan segalo sosuatu bagi kito untuk dinikmati. ¹⁸ Peghintohkan megheka untuk beghbuat baek, menjadi kayo dalom poghbuatan-poghbuatan baek, menjadi oghang yang mughah hati, dan siap boghbagai. ¹⁹ Dongan domikian, megheka akan mongumpulkan haghta bagi dighi megheka sendighi sobagai dasogh yang baek untuk maso yang akan datang sehinggo megheka dapot beghpegang pado hidup yang sosungguhnyo. ²⁰ Timotius, jagalah apo yang tolah dipeghcayokan kepado kau. Hindaghilah poghcakapan yang duniawi dan omong kosong seghta peghtontangan yang secagho saloh disobut "pongotahuan", ²¹ Yang dongan mengakuinyo, iman bebeghapo oghang menjadi monyimpang. Anugeghah menyoghtai kau.