¹ Daghi Paulus, yang menjadi rasul Yesus Kristus kaghena peghinto Allah, jughu solamat kito, dan Yesus Kristus, Penghaghapan kito. ² Untuk Timotius, anak yang soh dalom iman. anugeghah, bolas kasih, dan damai sejahtegho daghi Allah Bapa kito dan Yesus Kristus, Tuhan kito. ³ Sebagaimano odan memohon kepadomu ketiko odan beghangkat ke Makedonia, totaplah tinggol di efesus supayo kau dapot monasehati bebeghapo oghang agagh megheka tidok mengjohkan ajaghan-ajaghan lain. ⁴ Atau momusatkan peghatian megheka ado dongeng-dogeng dan sisiloh-sisiloh yang tidok ado akhighnyo. itu justghu mondatangkan peghdebatan, bukannyo monjalankan tugas polayanan Allah yang dikojokan oleh iman. ⁵ Namun, tujuan daghi peghinto itu adolah kasih yang beghasal daghi hati yang murni, nuraniyang baik, seghta iman yang tughus. ⁶ bebeghapo oghang tolah monyimpang daghi tujuan ini dan teghsosat dalom pembicaghoan yang sio-sio. ⁷ Megheka ingin menjadi ahli Hukum Taurat, totapi tidok momahami apo yang megheka katokan atau hal-hal yang megheka yakini. ⁸ Akan totapi, kito tahu Hukum Taurat itu tidok baek jiko oghang menggunokannyo sebagaimano mestinyo, ⁹ Dongan kosadaghan, bahwo Hukum Taurat tidok dibuat untuk oghang bonoh, molainkan untuk polanggaghan Hukum dan pembeghontakan, oghang fasik dan oghang beghdoso, oghang yang tidok kudus dan duniawi, megheka yang mombunuh ayoh dan ibunyo sendighi, pombunuh, ¹⁰ Oghang asusila yang molakukan doso soksual, homo soksual, pencughi, pembohong, saksi dusto, dan siapo pun yang molawan ajaghan yang sehat, ¹¹ yaitu ajaghan Injil yang mulio daghi Allah sumbegh Beghkat, yang tolah dipeghcayokan kepadoku. ¹² Odan beghsyukoh kepado dio yang tolah monguatkanku,yaitu Yesus Kristus, Tuhan kito, kaghen Iyo monganggap odan setia dongan menompatkan dalom polayanan ini. ¹³ Waloupun daghulu odan seseoghang ponghujat, ponganiaya, dan oghang yang kojam, totapi odan meneghimo bolas kasih kaghena daghulu odan molakukanyo tanpo pengoghtian dan dalom ketidokpeghcayoan. ¹⁴ Tuhan memboghikan anugeghah yang molimpoh, beghsamo-samo dongan iman dan kasih dalom Yesus Kristus. ¹⁵ Peghkatoan ini dapot di peghcayo dan layok diteghima seponuhnyo bahwo Yesus Kristus datang ke dunio untuk monyelamatkan oghang-oghang beghdaso ; di antagho megheka, odanlah yang paling beghdosoh. ¹⁶ Untuk alosan inilah, odan mendapotkan bolas kasih, yaitu supayo di dalom odan, oghang yang paling beghdoso ini, Yesus Kristus menonjukkan kebosaghan-Nyo yang sempughno sobagai contoh bagi megheka yang akan peghcayo kepado-Nyo untuk mempegholeh hidup yang kokal. ¹⁷ Bagi Rajo atas segalo zaman, yang kokal, dan yang tidok kolihatan, dan komuliaan sampai selamo-lamonyo. Amin. ¹⁸ Peghinto ini kuboghikan kepado, Timotius, anakku,sosuai dongan nubuatan yang poghnah diboghikan tontang kau, dan dongan nubuatan itu boghjuanglah dalom poghjuangan yang baek. ¹⁹ Sambil pogang pado iman dan hati nughani yang baek. bebeghapo oghang tolah menolak molakukannyo sehinggo kandoslah iman megheka. ²⁰ Diantaghabyo adolah Himeneus dan Aleksander yang tolah kuseghakan kepado sotan supayo megheka belojo untuk tidok menghujat.