¹ Sulo aki menaat se' sen nai kawang umet dalem laut, un weng pulu' ngan tusu'da uleu-a; ko usun weng-wenga un pulu'da peniga urip ngan neng uleua un surat ngaran-ngaran hujat. ² Sen ira' aki' menaat iti kua' ngan kule, ngan taketa kebaan taket buang ngan ba'-a kebaan ba' lencau. Ngan naga iti mencai kume' iye' pengayenga, ngan takhtanya ngan kekuasaannya ira' jaau. ³ Nga dura' pala' iye' se' umet uleu-uleu-a kebaan suwu' suat ira' ka ngejaat uripa, aken suat ira' ka ngejaat uripa iti malit. Ketu' usun tana' malap, sulo tai baya' sen iti. ⁴ Ngan ire' tunuk naga iti, ufan Iye' mencai kekuasaan pala' sen iti. Ngan ire' tunuk sen iti, ngan daawa; "Ia' mpei ira' kua' kebaan sen ini? Ngan Ia' mpei ira' sinteng pepatai ngan Iye'?" ⁵ Ngan pala'sen iti menca' ba', ira' sangan ngan jum ngan pejaat; pala' iye' tai pa kuasa kume' uyai pat pulu' due' bulan nyaina. ⁶ Sulo a mesik ba' a ka pejaat Allah, menghujat ngaran-A ngan kemah ufan-A ngan mung ire' ira' un ko Sorga. ⁷ Ngan iye' pele' kume' sepatai ngan kelunan-kelunan buwe' ngan apan ra kala ngan ire'; ngan pala' iye' tai pengayeng usun singket lebu ' ngan umat ngan isiu ngan lebu' jaau. ⁸ Ngan mung kelunan ira' un ko usun tana' ke tunuk pala Ye, yaiti singket kelunan ira' ngaran ra nce'un surat taring usun tana' nuyan ko dalem kitab pengurip met Anak Domba, ira' lepek menebek. ⁹ Buke' i' un kelinge', tiga ra sekening! ¹⁰ Buke' i' ira' menuso' neng salut, Iye' ke salut; buke' i' ire' menuso' ke menatai ngan malat, Iye' harus menatai ngan malat. Ira' penting ko ini iyeta dena' tawai ngan pengelan kelunan-kelunan buwe'. ¹¹ Ngan aki menaat se' sen ira' se' nai kawang umet dalem tana' ngan un weng due' kua' kebaan anak domba ngan Iye' petira' kebaan se' naga. ¹² Ngan ketu' pengayeng sen ira' aring iti pasat ko jume' mate'-a. Iye' tumana ketu' usun tana ngan ketu' ira' dalemma tunuk sen ira' aring,ira' suat sengarem lepek malit. ¹³ Ngan iye' uyai kedana'-kedana' ira' palap, ngan iye' nai apui umet langit ko usun tana' ko jume' mate' mung kelunan. ¹⁴ Iye' pelingeu ire' ira' un ko usun tana' ngan kedana'-kedana' ira' lepek mencai pala' iye' apan iye' keuyai ko jume' mate' sen iti. Ngan iye' soon ire' ira' un ko usun tana' apan ire' pedeng udo' apan ke tunuk sen ira' suat koon malat, aken ira' lemuto murip iti. ¹⁵ Ngan pala' iye' na' pengayeng apan mencai beruwe' pala' udo' sen iti, apan udo' sen iti petira' pa, ngan uyai mengiti dite', apan mung kelunan, ira' nce'un tunuk udo' sen iti, ire' lematai. ¹⁶ Ngan iye' tumana, apan pala' mung kelunan, iot ngan jaau, kaya' ngan kasip, merdeka atau ula', un kedana' neng mase' taau neng pele'ka. ¹⁷ Ngan nce'un se' kelunan pa ira' un menelei atau pebelei tengen neng ire'ira' un kedana' iti; ia' iti ngaran sen iti atau bilangan ngarana. ¹⁸ Ira' penting ko ini iyeta penue: buke' i' ira' bijaksana, tiga nia tusap kura' kadu' sen iti, ufana usap iti usap se' kelunan, ngan kura' kadu'a nem ato nem pulu' nem kadu'a.