¹ Umet Paulus ngan Timotius, ira' pekalai ngan Kristus Yesus, pala' ketu' kelunan bue' murip dalem Kristus Yesus ku' Filipi, ngan mung ira' pegayeng kume jemaat ngan jok unut. ² Pengelesau ngan see' tawai ngan tiga murip umet Allah, Amai lu, ngan umet Tuhan Yesus Kristus muyang ikam. ³ Aki' bara' bangen ngan tiga taway pala' Allah e' singket luwai ye' ngetawai ikam. ⁴ Ngan singket luway ye' sebayang kume ikam mung, aki' lemuto sebayang ngan bangen taway. ⁵ Aki' bara bangen taway ye' pala' Allah- e' neng ufan pebeke tawai nem dalem pigay isiu Tuhan umet dau penaring pafi na' kini. ⁶ Dalem puyan ini aki' mengelan ale', yaiti Ye ya' menaring gayeng ya' tiga nengaang ikam, ke metuk ka pafi' pe tuken dau kenay Kristus Yesus . ⁷ Atek mengiti lan ta kimet te' pala' ikam mung, ye ufan na ikam un dalem atai ye', ufan na ikam mung un ala' tulat dalem pengelesau Tuhan ya' lepek Ye nai kume aki', tiga pa daleu we' siu' sepen, mengiri ta daleu we' mala' ngan nebara' isiu Tuhan . ⁸ Ufan na Allah ti ya menaat aki', ngempei ye ngan pengelesau dalem Kristus Yesus menawai ikam mung. ⁹ Ngan ini na sebayang nge', apan na pengelesau nem nai un nco sui' dalem penisen ya' lan ngan dalem ketu' naan penisen, ¹⁰ apan iri nem senteng menile' ineu ya' tiga, apan nem bue' ngan nce un penyala' neng kena dau Kristus, ¹¹ sangan ngan bua' peneneng ya' Yesus Kristus uyai kume peniga ngan pempau Allah. ¹² Pengufa' e', senganak-senganak, apan iri nem tisen, ineu ya' tai nuyan usun aki' ini lepek engkin se kaliu ya' un nco tiga dalem isiu Tuhan, ¹³ neng ufan iti lepek tula' pala' ketu' lamin pengaren ngan ketu' kelunan ira se, ufan na aki tay sepen ufan koon Kristus. ¹⁴ Ngan kadu' senganak dalem Tuhan lepek un pengelan neng ufan ne' tay sepen apan na un nco makang kepetira' neng jo isiu Tuhan Allah ngan nce un mentam. ¹⁵ Un ira' tai nebara' Kristus neng ufan ra miet kimet dan peselikut, aken na' pia ngiti un ta ira' tay pigai isiu Wa ngan kimet ya' tiga. ¹⁶ Ire ini tay pigai isiu Tuhan Yesus Kristus ufan pengelesau, neng ufan ra tisen, aki un ku' ini ke mala' kebue' isiu Tuhan, ¹⁷ aken ira' se neng ufan ra peteneng pengufa' ra tengen ngan sedep ya' nce un tiga, ire kekume neng ufan na mengiti ke ngebaat lempin ne' dalem lamin sepen. ¹⁸ Aken mpei ineu a un, ye ufan na na' pia menmgempei, Kristus ti ileu nebara', tiga pa dalem kimet ya' baka ngan mengiri pa dalem ya' teneng. Neng jo iti aki' bangen taway. Ngan aki' ke muto bangen taway. ¹⁹ Neng ufan ne' tisen, neng ketay koo ketu' ira' ini yaiti usun tiga pengurip pe' koon sebayang nem ngan pengelesau Roh Yesus Kristus ²⁰ Ye ufan na ya' atek aki' menawai ngan nebelom yaiti aki' dalem ketu' pemuyan mpey ye' tay see, kerbaan menaa' da, mengiri ta na kini, Kristus ya' tula' ngan lan ileu pempau dalem pengurip pe', mengiri pa dalem patay ye'. ²¹ Ye ufan tuk aki' murip Ye ta Kristus ngan matai se engkin peniga ²² Aken buk ke aki' sa' murip ku' usun tana' ini, iti dite tuk aki' ke pegayeng apan ngebua'. neng usun iti ya' empei aki' atek ke menile, empei ye' tisen un. ²³ Aki' tay pejen umet due naan: aki' ufa' ketai ngan pumung ngan Kristus--iti ya' atek un nco tiga. ²⁴ Aken un nco tiga murip ku' usun tana' ini ufan kume ikam. ²⁵ Ngan dalem pengelan ini tisen nee': aki' ke payan ngan pumung murip ngan ikam mung lee apan nem nay un nco, ngan bangen taway dalem pengelan, ²⁶ Iri apan na peniga nem dalem Kristus Yesus nay un pit ufan koon aki', buk ke aki' nai ngeluet pala' ikam. ²⁷ Iri lu' -a, tiga na pengurip nem kua' ku' kebaan isiu Kristus, apan na, buk ke aki' nay aki' dite, ngan buk ke aki' nce nai aki ke sekening, ufan nem mayeng nekedeng dalem se berue, ngan se atay penaway nengayet pegayeng kume pengelan ya' nay musang umet tebara' isiu Tuhan, ²⁸ Ngan nce un se mentam dite kenai liyung umet ayau wo'. Tuk ire mung ira' iti se kedana' patai, aken pala' iku' se kedana' pengurip tiga, ngan iti nai ya umet Allah. ²⁹ Ufan na kume ikam un pengencai Tuhan empei ya' bang mengelan pala' Kristus lu' un, aken pa ufan lu ke tuyen kume Ye. ³⁰ Dalem penuyen ya' kua' kebaan ya' aring da ikam naat pala' aki', ngan ya' na' kini ikam sekening neng jo aki'.