¹ Sulo beti’na ketu’ sidang iti ngan Yesus dulu engkin ngejume Pilatus. ² Ko iti ra menaring menuduh Iye, dauwa: “Lepeq tisen na me’, ufanna kelunan ini pelingeu bangsa me’ ngan penjeng dulu bayan pajak kepalaq Kaisar, ngan jo use-A Iye bara’ ufanna Iye nina Kristus, yaiti Raja.” ³ Pilatus lemuteu kepalak Iye: “Iku’ ni Raja kelunan Yahudi?” Daau Yesus Mipa: “Iku’ tengen yaq bara’a nye.” ⁴ Un daau Pilatus kepalak imam-imam kepala ngan ketu’ kelunan kadu’ iti: “Empei e’ tegu’ penyalak ineu un neng kelunan ini.” ⁵ Naq pia mengiti ire sa’ nengayet, kume: “Iye pelaset atai kelunan ngan isiu-Wa ko sukung Yudea, Iye menaring ko Galilea ngan lepeq pafi’ kini.” ⁶ Daleu Pilatus sekening iti iye lemuteu, lanta Kelunan iti se kelunan Galilea. ⁷ Ngan daleuwa tisen, ufanna Yesus se kelunan met lebu’ Herodes, ye pateu Iye tai ngejume Herodes, yaq daleu iti un pa ko Yerusalem. ⁸ Tegu’ Herodes menaat Yesus, iye bangen ale’. Tumanna lepeq nyain nia ufa’ ka dite-Ye, tumanna ye tipan sekening daau neng jo Iye, ngan lee iye nebelom ka menaat mengempei dite Yesus ti ka uyai se kedanaq. ⁹ Iye kadu’ lemuteu kepalak Yesus, un o empei Yesus mipa ineu un. ¹⁰ Kena iti imam-imam kepala ngan ahli-ahli Taurat nai ko jume ngan kadu-kudu yaq baat kume Iye. ¹¹ Nga manaringna Herodes ngan pengakanga pejaat ngan suto’ Iye, iye naq sapai daru’parenna kume-Ye sulo naq Iye ngeluwet kepalak Pilatus. ¹² Ngan dau iti pa pifona Herodes ngan Pilatus; kena iti da ire peselikut. ¹³ Sulo Pilatus kelepeng imam-imam kepala ngan pengulu’-pengulu’ sedingan kelunan kadu’ ¹⁴ ngan bara’ kepalak ire: “Ikam lepeq nai engkin kelunan ini kume Aki’ kebaanm se kelunan yaq pelingeu kelunan kadu’. Ikam naat tengen ufanna aki lepeq lemuteu-Ye, ngan met ketu’ penyalaq yaq ikam naq un palak-Ye empei un ne’ tegu’a neng-Ye. ¹⁵ Ngan Herodes pa nce un, ufanna iye naq Iye ngeluwet kepalaq ikam. Ateq lanna empei un se ineu un yaq yaq Iye tei yaq kuwaq ngan hukum patai. ¹⁶ Un o aki’ ka petuyen-Na, sulo ka lepo Iye. ¹⁷ Tumanna iye ka lepo se kelunan kume ire neng dau rame iti. ¹⁸ Naq pia mengiti ire ngelalo kuwaq-kuwaq: “Pesarap-Nia, lepona Barabas na kume ami’!” ¹⁹ Barabas ni dulu tai dalem lamin sepen ufan koon se puyan jaat yaq lepeq nuyan Ko dalem kota ngan koon puyan patai. ²⁰ Se luwai lee Pilatus petira’ ngan isiuwa yaq so kepalak ire: “Tumanna iye ka ufa’ ka lepo Yesus. ²¹ Naq pia mengiti ire ngelalo mipa-ye, un dauwa: “Salib lu’ Nia! Salib lu’ Nia!” ²² Un daau Pilatus neng yaq keteleu luwaia kepalak ire: “Pengjaat ineu yaq ateq lan lepeq yaq lepeq kelunan ini uyai? Empei un se penyalaq yaq aki tegu’ palak-Ye, yaq ka kuwaq ngan hukum patai. Un o aki’ ka petuyen-Ye, ngan sulo ka lepo-Ye.” ²³ Naq pia mengiti ngan ngelalo ire mejen ngan nyat apanna Iye ti dulu salib, ngan koowa ire menang ngan lalo ra. ²⁴ Sulo Pilatus naq keputusan, apanna pengenyat ra ti iye naq. ²⁵ Ngan iye lepopa kelunan yaq un dalem lamin sepen iti ufan koon puyan jaat ngan lematai iti kuwaq ngan pengenyat ra, naq pia mengiti iye tai Yesus kepalak ire apanna dulu petaro ngan pengufa’-pengufa’ ra. ²⁶ Daleu tai ra engkin Yesus, ire mapo se kelunan yaq ngaranna Simon met Kirena, yaq maring nai met awang kota, sulo naq salib iti ko usun liipa, apan na menyiunna ngan ngebayaq Yesus. ²⁷ Peng jaau kelunan ngebayaq Iye; neng ngaang ire kadu’ ledo yaq menange ngan menyirau Iye. ²⁸ Yesus pupe sileq palak ire ngan pisiu: “Hai ledo-ledo Yerusalem, nyen nem menyirau Aki’, nyirau na use nemna tengen ngan anak-anak nem! ²⁹ Naat o, ka nai awanga kelunan ka bara’: Bangenna ledo ira’ nce un anak ngan yaq luwan anakka nce un ka muga, ngan yaq ite’a nce un ka iteq anak. ³⁰ Nga kelunan ka menaring ka pisiu kepalak murung-murung: Mapi’na mencit ami’! ngan kepalak murung-murung iut: Menyafutna me’! ³¹ Ufanna buk kelunan ka uyai menginye ngan kayeu murip, ka unta ka nuyan ngan kayeu mengkang?” ³² Ngan tapa ra menanit due use kelunan ra’ se, yaiti due kelunan jaat yaq ufa’ dulu ka menatai kuwaq-kuwaq ngan Iye. ³³ Daleu tai ra pafi’ ke ufan yaq ngaranna ayeng uleu ti, ire menyalib Yesus ko iti ngan kedua kelunan jaat iti, yaq se ti ko mase taau-Wa ngan yaq se ti lee ko mase kafing-Nga. ³⁴ Un daau Yesus: “Aa’ Amai, ampun nira, ufanna empei ra tisen ineu yaq ire uyai.” Ngan ire bet undi ufa’ ka petulat ineu-Wa. ³⁵ Kelunan kadu’ nekedeng ko iti ngan menaat munga. Penjaau-pengjaau suto’ Iye, dauwa: “Ira’ se Iye selamatkan, ineu pia naq kini Iye selamatkan use-A tengen, buk Ye nita Mesias, kelunan yaq Allah menyileq.” ³⁶ Ngan prajurit-prajurit suto’-suto’ Iye; ire menusuk tai anggur sem kume-Ye, ³⁷ ngan petira’: “Bukke Iku’ se raja kelunan Yahudi, selamatkanna use O’ na tengen!” ³⁸ Unta pa surat ko usun uleu-O’ na: “Ini ta raja kelunan Yahudi.” ³⁹ Un se met kelunan jaat yaq dulu mentang iti menyakat Iye, un dauwa: “Iku’ nita Kristus da? Selamatkanna use-O’ na ngan ami!" ⁴⁰ Naq pia mengiti yaq se iti pisiu iye, un dauwa: “Empei yo’ un takut kepalak Allah, naq kini iku’ pa alaq hukuman yaq kuwaq? ⁴¹ Tekeb tilu ni dulu mukum, tumanna ileu ni alaq tulat yaq kuwaq ngan pemuyan lu, naq pia mengiti kelunan ini empei A uyai se ineu yaq salaq.” ⁴² Sulowa petira’: “Yesus, Ngetawai e’o, buk Iku’ nai kebaan Raja.” ⁴³ Un daau Yesus kepalak-ye: “Aki’ bara’ kume iku’ ateq lanna dau ini pa iku’ ka un kuwaq-kuwaq ngan Aki’ ko dalem Firdaus.” ⁴⁴ Daleu dau iti kira-kira jam duwe suwi’pulu’, sulo nai entem ko sukung ufan iti pafi’ jam teleu naaq, ⁴⁵ tumanna empei mate dau un dema, ngan kelirung Lamin Buweq bebese duwe. ⁴⁶ Sulo Yesus ngelalo ngan isiu so: “Aa Amai, ko dalem usu’-O Aki’ naq beruwe-E’.” Ngan o A pisiu menginye Iye tai beruwe-A. ⁴⁷ Tegu’ kepala pasukan menaat ineu yaq nuyan, iye pempau Allah, un dauwa: “Lanta, kelunan ini ta kelunan teneng!” ⁴⁸ Ngan o ketu’ kelunan kadu’ yaq nai kelepeng ko iti kume pemuyan iti, menaat ineu yaq nuyan iti, tai ra uliq ngan meban-meban use ra tengen. ⁴⁹ Ketu’ kelunan yaq tisen Yesus ti, menginye pa ledo-ledo yaq ngebayaq Iye met Galilea, mengedeng su’-su’ ngan menaat ketu’a iti. ⁵⁰ Un se kelunan yaq ngaranna Yusuf. Iye ti se Majelis Jaau, ngan se kelunan yaq tiga ngan teneng. ⁵¹ Empeia ufa’ ngan sepeket ngan puyan Majelis iti. Iye nai met Arimatea, se kota Yahudi ngan iye pekena-pekena Kerajaan Allah. ⁵² Iye tai ngejume Pilatus ngan nyat kelusan Yesus. ⁵³ Ngan owa alaq kelusan iti kentaq, iye meninowa ngan belasu’ lenan, sulo pekenna ko dalem liang yaq dulu mekat ko dalem murung bateu, yaq met kena empei dulu tai pegen kelusan lu’ pa. ⁵⁴ Dai iti se dau yaq ufan petenup ngan sabat loo ka nai. ⁵⁵ Ngan ledo-ledo yaq nai kuwaq-kuwaq sedingan Yesus met Galilea, nai sedingan ngan ire menaat liang iti ngan mengempei dite kelusan-Na dulu pegen. ⁵⁶ (a) Ngan lepeq nai ra uli’ ire pa petenup rempa-rempa ngan ninyak mur. (b) Ngan tegu’ dau Sabat ire ngeline’ kebaan daau Hukum Taurat,