¹ Lepek inye Tuhan menuso’ tusu’ pulu’ murid ira’ se, sulo A soon ire due-due tai menaring Ye ku singget lebu ja’au ku’ ufan i’ Ye ufa’ ketai. ² Kenya kume ire: “Asau kadu’, ira’ ke pegayeng a kedu’ut. Buke mekinye nyat na neng tuen ia’ un asau inye, apan a Ye na’ tukeng gayeng kume asau ra’ inye. ³ Tai na, lan ale’ lu’ Aki’ so’on ikam baan dite anak domba ku’ blua’ aseu pulung. ⁴ Nyem enggin buan-buan atau tenup atau sendan, ngan nyem na’ salm kume i’-i’ a dalem asat. ⁵ Buke ikam tai dalem lamin, ia’ aring-aring ikam kume: damai sejahtera kume lamin ini. ⁶ Ngan buke un dulu ku’ lamin iti ia’ tekep ala’ damai sejahtera, maka salam iti pelek ku’ ye. Un o buke njuun salam iti nai ngluet ku’ ata ikam. ⁷ Payan na dalem lamin inye, uman ngan medu’ na ineu ia’ dulu na’ kume ikam, ufan a dulu ira’ pegayeng patut un gaji’. Nyem tai paso-paso lamin. ⁸ Ngan buke ikam tai ku’ se lebu’ ja’au ngan ikam dulu ala’ ku’ iti, uman na ineu ia’ dulu mata kume ikam, ⁹ ngan page dulu ira’ sakit ia’ un kinye ngan bara’ kume ire: Kerajaan Allah lepek dani’ kume ikam. ¹⁰ Un o, buke ikam tai ku’ dalem se lebu’ ja’au ngan emepi dulu ufa’ ala’ ikam kinye, tai na ku’ janan-janan ja’au ku kota ngan bara’ na: ¹¹ Ngan afeu ira nai met lebu' o, ira' ngendalet ko taket me', ami ka ngebue' mung neng jume o; ngentawai na, dani' na Kerajaan Surga ni. ¹² Aki’ bara’ kume ikam: Dau iti sodom lebih nyian tanggungan a dari pada kota iti.” ¹³ Bareng na iku’ Khorazim! Celakalah iku’ Betsaida! Ufan a buke ku’ Tirus ngan ku’ Sidon un penguyan ia’ lepek un neng ata belua’ ikam, lepek nyain na ire menaring urip ngan berkabung. ¹⁴ Un o, daleu penghakiman, tanggungan Tirus ngan Sidon lebih nyian neng tanggungan o’. ¹⁵ ngan iku’ Kaparnaum, mbei o ke tai penco' pafi' ko langit ti un, ku enta' ufan o, dalem lebu' dulu ira' lepek matai. ¹⁶ I’ kelunan ia’ sekening ikam, ye sekening dau E’: ngan i’ kelunan ia njuun ufa’ sekening dau nem, ye njun ufa’ sekening dau E’: ngan i’ ia’ njuun ufa’ ala’ aki’, ye menolak I’ ia’ soon aki’.” ¹⁷ O inye nai na tusu’ pulu’ murid iti nai ngluwet ngan tiga tawai ngan kume: “Tuhan, setan-setan tunuk pala’ ami’ dalem ngaran O’.” ¹⁸ O inye dau Yesus ti kume pala’ ire: “Aki naat Iblis labu’ baan dite bekilet umet langit. ¹⁹ Lan ale’ lu’ Aki’ lepek na na’ kuasa kume ikam untuk sut ncung ulai ngan jetip ngan kuasa untuk menahan ayeng musuh, sehingga empei un ineu ia’ membahayakan ikam. ²⁰ Na’ pia ngiti nyem tangen ufan a roh-roh iti tunuk ku ikam, tetapi tangen na ufan angaran o’ un ku’ surga. ²¹ Un daleu inye tangen na Yesus dalem Roh Kudus ngan kume: “Aki’ bersukur pala’ iku’, Amai, Tuhan langit ngan usun tana’, karena mung iti Iku’ nyiu’ kume kelunan ira un aken ngan tu’e, tetapi iku’ petula’ kume kelunan ira’ i’ut. Amai, inye na ia’ teneng pala’ Iku’. ²² Mung lepek un ku’ Aki’ umet Amai E’ ngan empei i’ ira’ tisen i’ Anak selain amai, ngan i’ Amai selain Anak ngan kelunan i’ ia’ Anak itu berkenan menyatakan hal itu. ²³ lepek inye Yesus pupe sile’ A ku’ ata murid-murid a tengen ngan kume: “berbahagialah mate ia’ menaat ineu ia’ ikam naat. ²⁴ Karena Aki’ bara’ kume ikam: kadu’ Nabi ngan raja ufa’ naat ia’ ikam naat, tetapi empei ra senteng naat a, ngan ufa’ sekening ineu ia’ ikam sekening, tetapi empei ra sekening.” ²⁵ Un se dau a nekedeng na se ahli taurat ufa’ menesek Yesus, kenya: “Guru’, ineu ia’ aki’ ke tei apan a e ala’ urip kekal?” ²⁶ Yesus ti mipa ye: “Ineu ia’ un dalem ukum taurat? Ineu ia iku baca ku’ iti?” ²⁷ Ken dau kelunan iti: “Kasihilah Tuhan, Allah o’, ngan ketu’ tegen kimet o’ ngan ketu’ brue o’, ngan ketu’ aken o’ ngan lesau na singket batang use kelunan ku’ baan iku’ lesau use o’ tengen.” ²⁸ Ken dau Yesus ti kume ye: “Lan ta dau o’ na; tai na uyai na mekinye, maka iku akan murip.” ²⁹ Aken kena’ teneg’ use a tengen kelunan iti bara’ kume Yesus: “I’ a’ sesama e’ kelunan?” ³⁰ Dau Yesus: “Un sekelunan nai kenta’ umet Yerusalem ku’ Yeriko; ye labu’ ku’ usu’ kelunan jaat ia’ merampok ye pe mo’o, ngan menyakit ye lepek iti tai ra lap ye. ³¹ Daleu iti un se imam nai lalau umet janan iti; ye naat kelunan iti, tetapi ye lalu kelunan iti umet dipa janan. ³² Mekinye pa se lewi nai lalu umet inye; daleu a naat kelunan iti, ye lalu umet dipa janan. ³³ Lepek inye nai na se kelunan samaria, ia dalem asat a, nai lalau kelunan iti; daleu a menaat kelunan iti, un penglesau dalem atai a,. ³⁴ Tai a pala’ ye sulo a menapen suat-suat a, lepek inye sulo a ngebue’ ye ngan minyak ngan anggur. Lepek inye ye mencok kelunan iti ku’ usun keledai a tengen sulo tai ilan ye ku’ lamin ngan petubo ye. ³⁵ Neng mesut a ti ye na’ due dinar kume ira un lamin iti, kenya kume ire: Petubo nia ngan buke iku’ belanja suwi’ neng ia’ aki’ na’ ini, aki’ akan nyaliu a, nai e ngluwet ti. ³⁶ I’ neng ata ketelu kelunan ini, menurut iku’, singket batang use umet kelunan ia’ labu’ ku’ usu’ kelunan jaat iti?” ³⁷ Ken dau kelunan iti: “Kelunan ia’ bara’ dite lesau a.” Ken dau Yesus ti kume ye: “Tai na, uyai na mekinye!” ³⁸ Daleu Yesus ngan murid-murid a dalem asat, afi’ ra neng se lebu. Se ledo ia’ ngaran a Marta ala’ Ye ku’ dalem lamin a. ³⁹ Ledo iti un senganak ia’ ngaran a Maria. Maria ni uku’ dani’ taket Tuhan ngan pesulo sekening dau katuk Yesus, ⁴⁰ Un Marta sibuk pegayeng. Ye nai dani’ Yesus ngan kume: “Tuhan, empei o’ peduli’, senganak e’ pele aki’ pegayeng tengen? Soon nia nai maap aki’.” ⁴¹ Un dau Tuhan ti mipa ye: “Marta, Marta, iku’ i’ut kimet ngan menyusahkan use o ngan kadu’ gayeng, ⁴² tetapi bang se lu’ ia’ perlu’: Maria lepek menile’ ia’ tiga, ia’ njuun dulu ala’ met ye.”