¹ Lawe iti, aki pekatuk ikam, aki, kelunan ya' dispen ufan na Tuhan, supaya urip nem kubaan kelunan-kelunan ya dibai kua ngan tebai iti. ² Tiga naam bang liba tawai, selima tawai, ngan pedena. Bara pengelesau nem dalem kelua petulat. ³ Ngan nengayet petubo se Roh oleh kaput see tawai ngan tiga murip; ⁴ se use ngan se Roh,mengempei ufan nem dibai pala se tebelom ya un neng tebai nem. ⁵ Se Tuhan, se iman, se baptian. ⁶ Se Allah dan Amai umet Ye mung, Allah ya un ku mpau neng ketu ineu dan ufan mung dan di dalem mung. ⁷ Na pia ngiri pala ileu selepe apan lepek mencai pengelesau siu sumpang pengencai Kristus. ⁸ Lawe iti na Nas bara: "Daleu ketaa ku ufan ya sui mpau, ye ngkin dulu ira dulu ngaput, Ye tai pengencai-pengencai kume kelunan". ⁹ Ngempei "Ye lepek tai kempau" arti a, ufan na lepek tai kenta ku ufan tana ya atek base nta? ¹⁰ Ye ya lepek nai kenta, Ye pa lepek tai kempau su sui mpau neng pala ketu langit, kume menuangan ketu ineu. ¹¹ Ngan Ye ya nai tiga pa rasul-rasul ngiri ta nabi-nabi, ngiri ta penginjil-penginjil ngan gembala-gembala ngan guru-guru. ¹² Kume mapit kelunan-kelunan bue kume gayeng pelayanan, kume pedeng use Kristus. ¹³ Pafi ileu mung lepek pafi se iman ngan penisen ya siu neng jo Anak Allah, muun ya sangan, ngan uyo pengurip ya iu ngan kepenuhan Krstus. ¹⁴ Sehingga ileu juun lee anak-anak ya pulek oleh ketu naan kepo katuk, permainan baka kelunan dalem petudi ya pelingeu, ¹⁵ na pia megiti ngan ayeng ngkang ya siu dalem pengelesau ileu murip dalem ketu ineu ke arah Ye, Kristus, ya iti Uleu. ¹⁶ Umet Ye ketu use--ya tiga petempan ngan dineke, tai nuyan se lu ufan pelayanan ketu naan, siu ngan ufan gayeng singket use- un urip ngan pedeng use tengen dalem pengelesau. ¹⁷ Lawe iti aki bara ngan aki menempan ini pala ikam dalem Tuhan. nyen murip lee ku baan dite kelunan-kelunan ira juun tisen Allah ngan kimet ra ya juun tepuun ¹⁸ ngan penisen ra ya mentem, su neng urip pemung ngan Allah, ufan na pengapa ya un dalem ire ngan ufan na mayeng atai ra. ¹⁹ Perasaan ra meput, apan na ra tai use ra pala hawa nafsu ngan uyai ngan menco ketu naan pengejaat. ²⁰ Na pia mengiti mpei nem menginyi un. Ikam lepek pekalai tisen Kristus. ²¹ Karena ikam lepek sekening neng jo Ye ngan ala katuk dalem Ye kubaan peniga ya kedana dalem Yesus, ²² yaiti neng ufan na ikam, kelafit ngan pengurip nem ya menaa, harus payan kelunan nyain, ya tegu patai soon nafsu ya pelingeu, ²³ apan na ikam, dingemaring di dalem roh ngan kimet nem ²⁴ ngan un kelunan maring, ya telah diuyai kubaan pengufa Allah di dalem peniga dan pengebue ya lan. ²⁵ Ufan mengiti bet na baka dan petira ya lan se ngan se, ufan na ileu kua anggota. ²⁶ Buke ikam keto, nyen uyai penyala, nyen pele tai mate dau sampet, kena keto nem pata'. ²⁷ Ngan nyen tai awang kume iblis. ²⁸ Kelunan ya ngelasit, nyen a ngelasit lee, tiga tia pegayeng muat lu' ngan tei se gayeng ya tiga ngan usu a tengen, apan na a sinteng petulat se ineu kume ira kasip. ²⁹ Nyen un isiu ya mano nai kawang umet ba nem, na pia ngiti pakai isiu tiga kemeneti, ku mpei perlu, apan na ire ya sekening , un pengelesau. ³⁰ Ngan nyem menakit Roh Kudus Allah, ya lepek ngedana' ikam kena dau ya ngkin urip. ³¹ Ketu ira pait, kegeraman, keto, piyau ngan fitna tiga ta bet a neng ngaang ikam, ngiri ta ketu pengejaat. ³² Napia ngiti tiga naam selima se ngan se, sangan ngan pengelesau dan kelupi penyala, ngempei Allah dalem Kristus mui penyala nem.