¹ Umet Paulus, rasul Kristus Yesus,ngan pengufa Allah, kume kelunan-kelunan bue ku Epesus, kelunan-kelunan ira mengelan dalem Kristus Yesus. ² Pengelesau ngan see tawai umet Allah, Amai lu ngan umet Tuhan Yesus Kristus muyang ikam ³ Pempau Allah ngan Tuhan lu Yesus Kristus ya dalem Kristus lepek nai kume ileu ketu berkat rohani dalem sorga. ⁴ Ufan na dalem Ye Allah lepek menile' ileu kena a uyai usun tana, apan na lu bue' ngan juun penyala neng ata Ye. ⁵ Dalem pengelesau Ye lepek tetapkan ileu umet menaa' oleh Yesus Kristus untuk menjadi anak-anak A, sesuai ngan kerelaan pengufa A. ⁶ Apan na pempau pengelesau A kume ileu dalem Ye, ya Ye lesau. ⁷ Lawe ineu dalem Ye dan oleh daa A ileu un penebusan, yaiti muso penyala, menurut sinteng pengesau A, ⁸ ya nai kume ileu dalem ketu penisen umet Tuhan dan penisen kelunan. ⁹ Lawe ineu Ye lepek bara penyuuk pengufa A pala ileu, siu ngan asat ngan tiga tawai A, yaiti asat ngan tiga tawai umet taring ya Ye lepek menile dalem Krstus, ¹⁰ ku baan penaring tai nuyan waktu kume ileu pekua dalem Kristus kubaan Uleuketu ineu, tiga ira ku sorga ngiri ta ira ku usun tana. ¹¹ Aki bara dalem Kristus, ufan na dalem Ye ami ala ya dipebetep ami umet menaa dimenile ala tulat siui ngan pengufa Allah, ya dalem ketu ineu pegayeng siu tile pengufa A. ¹² Supaya ami, ya umet taring lepek nebelom pala Kristus, sinteng tai nuyan pujian kume peniga A. ¹³ Dalem Ye ikam se, karena ikam lepek sekening firman ya lan, yaiti Injil urip nyain nem - dalem Ye ikam se, daleu nem mengelan, ngedana ngan Roh Kudus, ya Ye pebetep. ¹⁴ Ngan Roh Kudus un na jaminan tulat lu pafi lu ala ketu a, yaiti belei ya uyai ileu anun Allah, kume pempau peniga A. ¹⁵ Ufan na mengiti, lepek e sekening neng jo pengelan nem dalem Tuhan Yesus dan pengelesau pala ketu kelunan murip bue. ¹⁶ Mpei e tai nteng pempau Tuhan ufan na ikam. Ngan aki bang ngetawai naam dalem sebayang e. ¹⁷ Ngan nyat pala Allah Tuhan lu Yesus Kristus, yaiti Amai lu ya tiga, apa na Ye nai kume ikam Roh penisen dan wahyu kume tisen Ye ngan lan. ¹⁸ Ngan apan A uyai mate atai nem dema, apanna nem tisen tebelom ineu ya un dalem panggilan A, yaiti: se kemuliaan ya jaau pala' mung kelunan bue', ¹⁹ Ngan ngempei jaau ayeng kume ileu ira ngelan, siu ngan ayeng kuasa A. ²⁰ Ya ye uyai dalem Kristus ngan meneti Ye nengaang kelunan matai ngan puku Ye base taau A ku sorga. ²¹ Su lebih empau neng ketu' pemerintah ngan penguasa ngan pengayeng ngan kerajaan ngan singket ngaran ya sinteng pisiu, empei bang ku usun tana ini lu, ngiri ta ku usun tana' ya ke nai ini. ²² Ngan ketu' ineu ya Ye sut nta taket Krisrus ngan Ye lepek tai kume jemaat sebagai kepala jemaat dari ketu' ya un. ²³ Jemaat yang un na use A, yaiti kepenuhan A, yang menyangan ketu' ineu ya' un.