¹ Mung kelunan ira' pesuun dalem ula' tiga na pekio' tuen ra tekep ke ala' ketu' (penghormatan), apan ngaran Allah ngan katuk lu nyen un kelunan ira petaro a. ² Buk tuen ra se kelunan ya' mengelan, nyen na tai ngeleem tegen ra pala' ye neng ra tai senganak dalem Kristus, masa' tiga buk ye ire petubo un nco sui' tiga lee, ye ufan na tuen ya' ala' Berkat neng penubo ra yaiti kelunan/senganak ya' mengelan ngan ya' penyelum. Pekalai nira ngan pekatuk na ketu' ira' ini. ³ Buk ke se kelunan pekatuk ira se ngan menyala' isiu ya' tiga-yaiti isiu Tuhan Yesus Kristus-ngan nce un baya' katuk ya' kua' ngan sebayang lu, ⁴ Ye iti se kelunan ira' baka' tisen aken mpey ya tisen ineu-ineu un. Penyakit ta ufa' irap jaat ngan tue petira' baka', ya' engkin jaat kimet, (cidera), pejaat, ngefaau, ⁵ Peselepi nengaang kelunan ira' nce un kimet tiga ngan ira' tai deram kimet ya' siu', ya' pekio' sebayang iti se engkin (sumber keuntungan). ⁶ Ken atek lan na buk sebanyang iti ileu tisen tegen na ke (cukup), ke engkin (keuntungan) jaau. ⁷ Ye ufan na mpey lu engkin se ineu ku' dalem usun tana' ini ngan ileu pa ence un sinteng engkin se ineu ku' awang. ⁸ Asen na un penguman ngan sapai/kelayen dite ye niti. ⁹ Aken ira' ufa' ke kaya' labu' dalem penesek, ku' dalam belieu ngan ku' dalam kadu' naan pengufa' ya' (hampa) ngan ya' ngejaat, ya' kepelence kelunan ku' dalem tampun ngan (kebinasaan). ¹⁰ Ye ufan na penari' ketu' puyan jahat yaiti ufa' uang ufan soon peselafat irap uang ta kelunan tai menyala' umet iman ngan petaru use a ngan kadu' naan kelesau. ¹¹ Aken iku' kelunan umet Allah, ngesu' na umet ketu' ira' mengiti, pafat na ya' teneng, sembayang, (kesetiaan), lesau, pedena' ngan selima' taway. ¹² Pasa na dalem pemuyan iman ya' teneng, ngan punan na urip ya' daru'. Nenga tuman Na lepek bay iku' ngan lepek noo' bara' metek kimet to' ya' teneng neng ata jume kelunan kadu'. ¹³ Ku jume Allah ya' mencay pengurip kume ketu' naan na ngan ku' jume Yesus Kristus ya' lepek nebara' tebara' ya' teneng iti mengiri pa ku jume Pontius Pilatus, E' bara' a kume ikam. ¹⁴ Baya' na katuk ini ngan nce un penyala' ngan (bercela), apan na pafi' tuken kenai Tuhan Yesus Kristus pedura' use A, ¹⁵ Yaiti tuken dau ya ye matek umet Pengaren ya' bang se lu' ngan ya' sangan kebangen, Pengaren neng usun pengaren ngan Tuen neng usun ketu' tuen. ¹⁶ Bang Ye lu' nce un sinteng tay supe' pala' (maut), ngelarung dalem kedema ya' nce un sinteng ileu ngedani'. Mpey un se kelunan lepek dite Ye ngan atek nce un kelunan sinteng menaat Ye. Bang pala' Ye lu tunuk lu ngan Pengaren seng daru' urip! Amin. ¹⁷ Bara kume kelunan-kelunan ira' kaya' ku' usun tana' ini apan ra nce empau kimet ngan nyen ra nebelom pala' ineu ra' un tepuun kebaan (kekayaan), aken pala' Allah ya' un dalem (kekayaan) Na mencay kume ileu ketu' ineu ya' ileu ke kanan. ¹⁸ Bara' ngan pekatuk ra uyai puyan ya' tiga, nay kaya' dalem pemuyan ya' tiga, tangen mencay ngan petulat ¹⁹ ngan neng dalem mengiti dite kengelepeng petenup ineu seleket lasen ya' tiga kume pengurip pa neng awang ira' kenay o iti ketay pafi pengurip ya' lan ngan teneng. ²⁰ Timotius, petubo na ineu ya lepek un pesuun kume iku'. Mengesu' neng isiu ira' nce tepuun ngan isiu jaat ngan pase peselipa umet ineu ya' ileu na' penisen iti, ²¹ ye ufan na un kelunan ira pekatuk ka ngan tuman na mengiti lepek tay menyala' umet iman. Pengelesau (karunia) muto muyang iku'!