¹ Umet Paulus, rasul Kristus Yesus baya' isiu Tuhan, Juruselamat lu, ngan Kristus Yesus, pu'un tebelom lu. ² Pala' Timotius, anak ke' ira' lan ko dalem pengelan: pengelesau peniga, rahmat ngan damai sejahtera umet Allah Amai ngan Kristus Yesus, Tuhan lu un sedingan iku'. ³ Daleu e' ufa' ketai penco pengasate' ko ata Makedonia, aki lepek ngepeden iku' apan no' lungun ko' Epesus ngan pekatu'k kelunan- kelunan teneng, apan ra nyen pekalai katuk ira' se'. ⁴ Kadu' gayeng ngan ketena' ngan pu'un urip ira' nce' beto-beto a, ira' bang ka ngebua' puyan jaat, ngan mpei tuneng pengurip keselamatan ira' Allah mencai dalem pengelan. ⁵ Pengufa' katuk iti pengelesau ira' nai umet atai ira' buwe', umet pengelan ya' pe'jo tiga tawai. Aken un kelunan ira' nce'un pafi' pala' sedep iti ngan ira' duncau dalem pisiu ira' nce'un tepu'un. ⁷ Ire' ufa' ka jadi pekatuk hukum Taurat aken ire' tengen nce'un tisen ineu ira' ire' pisiu ngan puun-puun ira' bara'. ⁸ Ileu tisen ufan hukum Taurat iti tiga buke' teneng lu kanana. ⁹ Yaiti ngan menesen ufan hukum Taurat iti mpei kume kelunan ira' teneng lu'un aken kume' kelunan ira' mayeng uleu ngan kelunan buteng, kume' kelunannce'un ufan sekening isiu Tuhan kelunan un penyala', kelunan ira' nce'un agama(pengelan), menatai Tamen ngan menatai Sinen, menatai dulu ira' kadu'. ¹⁰ kume' kelunan apa ngan pemburit, kume' peklasit, kume' pebaka', kume' kelunan uman puro' ngan ketai ketu' ineu ira' nce'un siyu' katuk sala'. ¹¹ Ira' ngepu'un Injil umet Allah ira' atek tiga ale' bangen, kebaan ira' lepek ire mengelan pala' Aki. ¹² Aki' bangen tawai pala' Iye', ira' payeng aki', yaiti Kristus Yesus, Tuhan lu, ufana- iye' na' aki' tangen ngan mengelan gayeng ini pala' aki'. ¹³ Aki' ni ufan se' kelunan ira' jaat ngan se' kelunan petuyen ngan se' kelunan laset, aken lepek-A lesau aki, ufan munga iti lepek aki' uyai ngan nce un penisen iti mase' awang iman(pengelan). ¹⁴ Nai pengelesau tiga tawai Tuhan lu iti lepek lesau ngan suwi' pala' aki' ngan pengelan ngan lesau dalem Yesus Kristus. ¹⁵ Isiu ini lan ngan tekep lu ala' munga: "Kristus Yesus nai ko usun tana' apan menyelamatkan kelunan un penyala'," ngan ko nengaang ire' akipa ira' kadu' penyala'. ¹⁶ Aken nga lesau aki, apan dalem use' e' ni, seleket kelunan ira' ale' kadu' penyala', Yesus Kristus bara' ketu' dena' kimet -A. Ngana mengiti aki ka jadi contoh( klingai) kume' ire' ira' baya' mengelan pala' Iye' ngan ala' pengurip ira' nyain/puto. ¹⁷ Tunuk ngan peniga pafi' nyaina kume' paren ketu' Zaman, Allah ira' nyain(puto), ira' nce'un tula', ira' esa(se) Amin. ¹⁸ Gayeng ini aki na' kume iku', Timotius anakke', kuwa' ngan ineu ira' lepek dinubuatkan mengempei use'-o, apan payeng so'on nubuat iti iku' nengayet perjuangan ira' tiga ngan iman atai ya' buwe'. ¹⁹ Kura' use' kelunan lepek meka atai penawai ira' buwe' iti,ngan tuman itu pesakana pengelan ra. ²⁰ Neng aang Himeneus ngan Aleksander, ira' lepek aki mencai pala' iblis, apan jaye' ra menghujat .