¹ Umet Paulus, Silwanus ngan Timotius pala' jemaat kelunan-kelunan Tesalonika ya' dalem Allah Amai ngan dalem Tuhan Yesus Kristus. Pengelesau pengencai, ngan bangen, peniga unsedingan ikam. ² Ami lemuto mengucap sukur pala' Allah neng ikam mung ngan bara' ikam dalam sembayang me'. ³ Neng ufan me' lemuto ngetawai gayeng pengelan no', nengayet pengelesauo ngan ketudep ketebelom mo pala' Tuhan lu Yesus Kristus neng jume Allah ngan Amai lu. ⁴ Ngan ami tisen, a a' senganak - senganak ya' Allah ti lesau, neng ufana Ye lepek menyele' ikam. ⁵ Neng ufan na Injil (Katuk) ya' ami bara', mpei me' bara' a pala' ikam ngan daau isiu - isiu lu' un, aken pele' e ngan pengayeng so on Roh Kudus ngiripa ngan se tuken ya' tageng. Aken ikam tisen, mekempei me pegayeng nengaang ikam ufan so on ikam. ⁶ Ngan ikam lepek jadi ngebaya' ami ngan ngebaya' Tuhan; dalem pencit ya' baat ikam lepek ala' Tuhan ti ngan pengufa' ya' ufan gayeng ko on Roh Kudus, ⁷ apana ikam lepek jadi se kata kume ketu' kelunan ya' mengelan ko' ata Makedonia ngan ko' Akhaya. ⁸ Neng ufan na umet nengaang ikam isiu Tuhan ngelingo mpeia ko' Makedonia ngan Akhaya ti lu', aken kadu' ufan - ufan na lepek tai pigai isiu neng ufana pengelan nem pala' Allah, apan me' nce un petira' ineu-ineu neng pemuyan iti. ⁹ Aken ire tengen pa ngetena neng ami, mekempezi me' ikam nyelalang ngan mekempei nem nai ngeluet umet berhala-berhala nai pala' Allah ngan sedingan Allah ya' murip ngan teneng, ¹⁰ ngan dalem pekena kenai Anak A umet sorga, ya' lepek nai beti' umet nengaang kelunan matai ya' iti Yesus ya' mamung ileu umet ke ja'at ya' kenai.