¹ Teguu' kamee' ngelalo naa' dahin selamat, kamee pun jaam bahwa nayaan anaan an daa sebut Malta. ² Penduduk laan pulau anaan nujoo' kenaap alaang sayu laan,Kenaan, dahaa' pun pekurip apii' dahin nyambot lim kamee' paah kenaan teguu' doo' anaan nahari usaan dahin dii' naa' hengaam. ³ Teguu' Paulus mehengkung de'kayo' tayuun dahin meloo' inaa' haa' usuun api anaan, tee' jii ikoh ulaar musaang taviiit lasuu' au hitii temoh ngelitar haa usuu Paulus. ⁴ Teguu' penduduk laan nyinaang tulaar alaang bisaa' anaan nekayung haa' usuu' Paulus, dahaa' pekeduaan jii' dahin alaang balee, "jaan an daa' ragu uaak, kelunaan ani' adalah alaang ikam lemate. Walaupun hiaa' au selamat man laut, Keadilan jaan membiarkan hiaa' murip.'' ⁵ Tapi, Paulus ngetaah tulaar anaan haa' alam api dahin hiaa' jaan avaa' ataang uuk. ⁶ Lim kelunaan anaan ngiraa Paulus sang betung atau legaak dahin mate teguu' doo' hiaa' lim. Tapi, setelah au daraa naa dahaa kavee' dahin jaan paa nyinaang jii pun alaang salaa' na'nun taa' hiaa', dahaa' berubah pikiran dahin duaan kenaan Paulus hiaa' tii' kaa alaang dewa. ⁷ Tee' jii doo, haa' tebeeh nayaan anaan, Tee' tanaa milik pemimpin haa' pulau anaan alaang araan naa Publius, Alaang nyambot kamee' au hitii' menjamu kamee' dahin sayuu' naa' selama teloo' doo. ⁸ Teguu' anaan, tamaan Publius mirii haa' nayaan tuduu' kenaan hiaa' medaam dahin disentri. Paulus ataang tee' nyinaang au hiti sebayaang man hiaa', au hitti an naa' tee naa' usuu naa' haa' usuun kuhung kelunaan anaan dahin naa' dahin an navaah nihaa'. ⁹ Teguu' peristiwa anaan terjadi, lim kelunaan balee' alaang haa' pulau anaan alaang medaam ataang haa' Paulus dahin an naa' navaah. ¹⁰ Lim dahaa' semakin hormat taa' kamee' dahin teguu' kamee' sang siap tee' lekaa', dahaa' pun naa' gat alaang an kame perlukan. ¹¹ Au teloo' bulaan lalo, kamee' tee' haa' alaam kapal man Aleksandria. Alaang halam ano' haa' pulau anaan selamaa' juuk unyaa' dahin metee' Dioskuri sebagai lambang naa'. ¹² Teguu' au ataang haa' Sirakusa, kamee' saan haa' tinaan selama teloo' doo. ¹³ Man hinaan, kamee' paharuk ngelalo pantai au hiti' ataang haa' Regium. ¹⁴ Tihaa' ti', kamee' pehinaa dahin dahaa' alaang seiman dahin an daa' undang juung melaak dahin dahaa' selama tusuu' doo. Au hitii' kamee' tee' haa' Roma. ¹⁵ Dahin, lim da'harik alaang seiman te'tinaan, Teguu' dahaa' ngering tentang kamee', Man hiti ataang haa' Forum Apius dahin Tres Taberne juung sang pehinaa' kamee'. Teguu' Paulus nyinaang dahaa', Hiaa' besukur haa' Tipang dahin kenaap naa' makin an da'kuatkan. ¹⁶ Teguu' kamee' ataang haa' Roma, Paulus an daa' biarkan melaak daap, dahin jii' prajurit alaang ngawal hiaa'. ¹⁷ Teloo' doo alaang ataang, Paulus mehengkung pemimpin Yahudi setempat, dahin teguu' daa' au pehengkung. Hiaa' duaan dahin dahaa', ''Pelo' harik, mihaa' paa' akui jaan na' gat nun alaang nentang bangsa taa' dahin adat istiadat bangsa taa', tapi akui an daa' serahkan nekelung kelunaan tahanan man Yerusalem haa' usuu kelunaan Roma. ¹⁸ Teguu' dahaa' auu pelegereh akui, dahaa' pun sang ngelepas akui kenaan jaan alasan daa' sang mai hukuman matee' man akui. ¹⁹ Tapi, kenaan kelunaan Yahudi jaan ikam, Akui terpaksa mu'un banding tee' haa' Kaisar, bukan bearti akui hipun tuduhan nayaan kui ngelawan daa' bangsa kui. ²⁰ Jadi, hiaa' tii' kaa' sebab naa', Akui au akee' juung bisa nyinaang ikaa' dahin duaan dahim kenaan akui an daa' ngatung metee' rantai anii' demi pengharapan Israel. ²¹ Au hiti', dahaa' duaan dahin Paulus, ''jaan kamee' terimaa' surat tentang ikaa' man Yudea dahin jaan jii' pun man dahaa' peji iman ikaam ataang haa' tinii' juung mai dahoo' atau mai daho alaang jaak tentang ikaa'. ²² Tapi, kamee' sang ngering man ikaa' nun pendapat kaa' kenaan tentang sekte anii', kamee' jaam hino hino lim kelunaan alaang nentang hia'.'' ²³ Teguu' dahaa' au nentukan doo' man Paulus, dahaa' ataang haa' paulus haa' nayaan naa' saan, pejii' dahin rombongan kelunaan kahum. man jehimaa' ataang malam, Paulus nerangkan taa' dahaa' dahin bersaksi taa' umaa' Tipang dahin usaha na' dahaa' yakin taa' Jisus, Sayu paa' man Hukum Taurat Musa, sayu paa man kitab lim para nabi, ²⁴ Tek kuri kelunaan au yakin lalo nun alaang an Paulus duaan, tapi dahaa' alaang balee jaan persayaa' ²⁵ Teguu' dahaa' jaan setuju taa' ji' dahin daa' alaang balee', Dahaa' pun lekaa' teguu' Paulus duaan dahoo' ani, ''memang laan kaa' alaang an Roh Kudus anaan duaan taa' ukuu ayaa' kaa' alaang lalo man nabi Yesaya, ²⁶ 'Tee na'im lekaa' haa' bangsa anaan au hitii' duaan: pelo akan ngering, tapi jaan pernah bisa memahami, dahin pelo akan bisa nyinaang, tapi jaan pernah bisa mengerti. ²⁷ Kenaan, kenaap dahaa' bangsa anii' au kapaal dahin apaang naa' bahaat sang ngering, Lim Dahaa' au mekap mataan naa'. hu'jung, jaan naa dahaa' nyinaang dahin mataan daa', ngering metee apaang dahaa', mengerti metee' kenaap dahaa' dahin nekulah. Au hitii', Akui alaang navaah dahaa'.' ²⁸ Kenaan hiaa' tii', hembee naa' hal ani' an pelo jaam avin keselamatan alaang man Tipang ani' au an daa' pedengah man bangsa bangsa balee' dahin dahaa' pun sang ikam ngering.'' ²⁹ [Au' Paulus nengaraan dahoo; dahoo' anaan, Lim kelunaan Yahudi lekaa' dahin kahum perbedaan pendapat man dahaa'.] ³⁰ Paulus melaak selama duaa' dumaan penuu' haa' umaa' alaang an naa' sewa dap dahin nyambut lim kelunaan alaang ataang haa' hiaa', ³¹ sambel pedengah tentang umaa' Tipang dahin ngajar tentang Tanangaan Jisus Kristus dahin tevaah tanpa rintangan nun lim.