¹ Au hia' naan, kelunaan-kelunaan ngileh man Yudea dahin ngajar harin-harin na' alang pejii' iman, "Ha' ikaa' mam da' sunat kelung adat-istiadat Musa, ika' jaan hamaan da' selamat." ² Lalo, teguu' te' selisih dahin pahangal ayaa' Paulus dawaa' Barnabas dahin da' kelunaan anaan, daha' lalo nyuhuu' Paulus dahin Barnabas dahin da' kalunaan bale, harus mu'un te ha' Yerusalem jung daha' pehinaa' dahin da' rasul dahin da' penatua taviit masalah anii'. ³ Man au hia' tii', au da jemaat atar halaam ano, daha' lalo man Fenisia dahin Samaria sambil duaan dahin jelas pertobatan da' uma' bale, dahin gat anaan na' senaang laan ta daha' alaang pejii' iman. ⁴ Teguu' da ataang ha Yerusalem, daha' an da' jemaat, lim rasul, dahin da' penatua, lalo daha' megii' lim-lim gat alaang Tipang au na' lalo daha'. ⁵ Tapi, kurii' kelunaan man daha' kelunaan Farisi alaang au parsaya' te daha' dap lalo daha' duaan, "harus ta' nyunat daha' dahin nyuhuu' ngevayaa' hukum Musa!" ⁶ Lim rasul dahin penatua pehinaa' lalo duaan masalah anii'. ⁷ Man au daraa' daha' pahangal, lalo Petrus nekering dahin duaan ta daha' " Peloo' hariik, peloo' au jaam man tahari' Tipaang au milii' jii' man au ika' bahwa lalo man baa' kui, da' bangsa-bangsa bale sang ngeriing dengah injil dahin lalo parsaya. ⁸ Dahin, Tipaang alaang neranaa' kenav kelunaan, au bersaksi ta daha' dahin ma'ii Roh Kudus ta daha'', piah dahin alaang na' ta itaa', ⁹ dahin jaan hiaa' na' pedap-pedap itaa' dahin daha', hia' au na' kenav daha' jadi suci lalo iman. ¹⁰ Kre anii', haviin nun ika' nesaak Tipaang dahin mete kuk ta keraan da mured alaang, apaa hia' ti' ukuu' ayaa' ta' dahin ta' jaan kalaa' le gerii' ina'? ¹¹ Tapi, ta' parsaya' itaa' an da' selamat lalo man anugerah Tenangaan Jisus, piah lim dahin daha'. ¹² Au hiaa' nan, lim-lim kelunaan anaan temoh ngeraam dahin ngering Barnabas dahin Paulus, jaruun dawa rasul anaan duaan tada dahin mukjizat alaang Tipaang au na' lalo daha' te' haang bangsa-bangsa bale. ¹³ Teguu' daha' au duaan, Yakobus nyuee, "Peloo' harrik, ngering im akui. ¹⁴ Simon au megii' nunoo' Tipaang man taharii' au nyinaang bangsa-bangsa bale, ngayaan apii' te" haang bangsa anaan jii' umat ta' aran-Na'. ¹⁵ Dahun lim nabi setuju hal anii', kelung alaang da' tulis, ¹⁶ " Man au anii', akui sang nekulah. Dahin na' nguaa' kemah Daud alaang au tasa'. Akui sang ngebangun nguaa' puing-puing na', dahin akui sang na' ina' sayuu', ¹⁷ jung umat alaang tersisa hamaan ilo Tenangaan, dahin da' bangsa bale alaang da uvi lalo Ara'ak, alaang na' hadi anii' pah, firman Tipaang, alaang na' lim-lim anii' ¹⁸ au da' jaam man taharii zaman. ¹⁹ Jadi, halaam kenaav kui itaa' harus na' am mavaang kelunaan man bangsa bale alaang sang nekulah ta Tipaang. ²⁰ Tapi itaa' harus nulis man daha' jung daha' am jelaang man hal-hal alaang masaap kenaan berhala-berhala, dahin man dusa-dusa na' ja'ak bariik doh-lake' dahin nun gat alaang au da mesaat keraan, dahin man dahaa'. ²¹ Haviin, man generasi alaang unaa' Musa au hipuun, ha' lim kuta, kelunaan-kelunaan alaang pedengah haviin da' basa ha' sinagoge-sinagoge putung do Sabat. ²² Lalo, an da' rasul dahin penatua, dahin lim-lim jemaat inaang sayuu', milii' kelunaan ta' haang daha' jung da' utus te ha' Antiokhia pejii' dahin Paulus dahin Barnabas. Daha' nyuhuu' Yudas alaang da' uvii Barsabas, dahin Silas, lim da' kuhung man daha' alaang pejii' iman, ²³ dahin daha' nulis suraat mete' usuu' daha' dap, nunaan:"Man rasul-rasul dahin penatua-penatua, daha' hariim alaang pejii' iman, man lim hariin pejii' iman jaan da' Yahudi ha' Antiokhia, dahin Siria, dahin Kilikia, salam! ²⁴ Haviin kame' au ngering bahwa te' kurii' kelunaan man kame', alaang ta daha' jaan kame ma'ii peritah, au ngaru dahin dahun daha' alaang megoh jiwaka', ²⁵ Gat anii' kame' inaang sayuu' ta' kame', kame' au pejii' kenap, jung milii' kelunaan-kelunaan dahin ngutus daha' ta ikaa' pejii' dahin hariin ame' alaang terkasih, Barnabas dahin Paulus ²⁶ alaang au mempertaruhkan urip daha' demi araan Tenangaan ta', Kristus Jisus. ²⁷ Haviin hia' tii',kame' nyuhuu' Yudas dahin Silas, alaang daha' dap akan megii' gat-gat alaang piah. ²⁸ Haviin, sayuu' laan ta Roh Kudus dahin ta kame' ma'ii gat ha' husuun ika' alaang jaan na' bahaat man au alaang da' perlu anii', ²⁹ bahwa ika' jaan ka' ikaam jelaang dahin gat alaang da' aii man berhala, dahin dahaa', dahin gat alaang mate da' sekaak, dahin dusa ja'ak bariik doh dahin lake'. Ha' ika' inaang ika' dap maan gat-gat anii', ika' na' gat alaang sayuu'. Tee nah kame'." ³⁰ Man au daha' megii' sang lekaa', daha' lalo ngileh ha Antiokhia, lalo au anaan daha' muvii jemaat, lalo daha' maii surat-surat anaan. ³¹ Teguu' da' kelunaan alaang parsaya' basa ina', daha' senaang laan kenaan dengah sayuu' anaan. ³² Yudas dahin Silas, alaang lim dawa' anaan nabi, meneguhkan dahin menguatkan lim daha' paharin pejii' iman dahin duaan kahum. ³³ Dahin, man au anaan daha' muriip ha hia' tii' jaan na' kurii' dara', da' kelunaan-kelunaan alaang parsaya' anaan mataar daha' laap dahin sayuu' da' kelunaan alaang au ngutus daha'. ³⁴ (Tapi, da' anggap sayuu' ha' Silas melaak ha' hiaak tii'.) ³⁵ Tapi, Paulus dahin Barnabas melaak ha' Antiokhia, sambel ngajar dahin pedengah firman Tenangaan pejii' dahin kelunaan banguu' lim. ³⁶ Kurii' do au anaan, Paulus megii man Barnabas, " Te naah telo' nekulah dahin pehinaa' harin-harin ta' alaang pejii' iman ha' putung kuta, ha' ngayaan ta' pendengah firman Tanangaan dahin nginaang nuno' tun daha'." ³⁷ Barnabas sang lim gerii' Yohanes alaang da' uvii' Markus. ³⁸ Tapi, halaam kenaap Paulus jaan da' perlu gerii' kelunaan alaang au melak daha' ha' Pamfilia dahin jaan ne pejii' dahiin daha' ngayaan na' hadi anaan. ³⁹ Au hiaa' nan, daha' beselisih faham lalo daha' pano pedap-pedap. Barnabas gerii' Markus dahin belayar ha' wilayah Siprus, ⁴⁰ tapi Paulus milii' Silas lalo te, lalo an da' paharin alaang pejii' iman serah ha' halaam anugerah Tenangaan. ⁴¹ Au hiaa' naan hia' lalo man Siria dahin Kilikia sambel hia' na' teguh lim-lim jemaat.