¹ Teguu' hiaa' tii, tee' tahaang jemaat Antiokhia, nabi-nabi dahin guru-guru, hiaa' tii Barnabas, Simeon alaang da gii Niger, Lukius man Kirene, Menahem alaang da pekayaa' pejii Herodes, Raja wilayah, dahin Saulus. ² Jaruun kelunaan -kelunaan anee' halaam sabayaang taa' Tanangaan dahin puasa, Roh Kudus duaan," Laa' man-Akui Barnabas dahin Saulus ngayaan tugas alaang juung hiaa' tii akui auu mu'vii dahaa'." ³ Hiaa' tii nguaa', auu dahaa' puasa dahin sabayaang dahin melaa' usu'u dahaa hu'sun Barnabas dahin Saulus, dahaa' nyuhuu da'waa laap. ⁴ Heyaa' tii nguaa', teguu' daha tee he'vaan Roh Kudus, Barnabas dahin Saulus ngileh haa' Seleukia, dahin man hiaa' tii na dahaa' paharuu' tee haa' Siprus. ⁵ Teguu' dahaa' ataang haa' Salamis, dahaa' megii Tabaraa Tipaang haa' Sinagoge-sinagoge kelunaan Yahudi, lalo dahaa' lim gerii Yohanes keluung pelayaan dahaa'. ⁶ Teguu' dahaa' tee mano lim busaang ataang pafos, dahaa' nyinaang kelunaan tukang sihir, kelunaan nabi amoh Yahudi.alaang araan naa Baryesus. ⁷ Hiaa' pejii dahiin Prokonsul Sergius Paulus, kelunaan alaang mengaa' alaang akee Barnabas dahin Saulus ataang tee' heyaa' dahin sang ngeriing Tabaraa Tipaang. ⁸ Tapi, Elimas, tukang sihir hiaa' tii, kenaan nunii' nah araan naa da gii, netaang Barnabas dahin Saulus, dahin nesaa' miva' Prokonsul man kenaap naa. ⁹ tapi, Saulus alaang au da penuu dahin Roh Kudus, nyinaang Elimas, ¹⁰ Dahin duaan, " Hai ikak, alaang penuu kenaan tipu muslihat dahin lim gat jaa'. ikaa' naah anaa' Iblis, ikaa' naan pebunuu man lim gat laan, jaan kaa' ikaam nagaah pi'vaa man alaan Tanangaan alaang tuto? ¹¹ keree nii, nyinaang usuu Tanangaan ataang haa' hu'sun kaa dahin ikaa' sang jadi butaa' dahin jaan nyinaang mataan do halaam kurii jam. teguu' hiaa' tii lim langaat dahin lidaam ngileh hu'sun heyaa' dahin heyaa' tee pu'vaar ilo kelunaan juung gerii usuu naa. ¹² Lalo, Prokonsul heyaa' tii jadii pesayaa' teguu' nyinaang nun alaang au jadi kenaan hiaa' nyaan taa' ajaraan Tanangaan. ¹³ Teguu' hiaa' tii, Paulus dahin kelunaan alaang dahin naa, paharuu' man Pafos ataang haa' Perga, haa' Pamfilia, tapi Yohanes melaa' dahaa' dahin ne'kulaah haa' Yerusalem. ¹⁴ Tapi,Saulus dahin Barnabas temoh panoo man Perga dahin ataang haa Antiokhia, haa' Pisidia. Dahin, teguu' do sabat,dahaa' tee haa' Sinagoge dahin meloo' tihaa' tii. ¹⁵ Auu hiaa' tii, pembasaa Hukum Taurat dahin kitab dahaa' nabi, kuhuung ayaa' Sinagoge nyuhuu kelunaan dua'an da duaa' rasul hiaa' tii," peloo' harii' kui haa' peloo' hipun dahoo' pekisoo' man kelunaan anee', megii tu'va." ¹⁶ Heyaa' tii, Paulus biti dahin maii isyarat dahin usuu naa dahin dua'an," Hai kelunaan-kelunaan Israel dahin ikaa' alaang jaan te'vah taa' Tipaang ngering i'im! ¹⁷ Tipaang kelunaan bangsa Israel anee' auu mili'i hukuu ayaa' taa teguu' dahaa' melaa' haa' tanaa Mesir au heyaa' tii dahin la'aip alaang tejuu, hiaa' gerii dahaa' musaang man hiaa' tii. ¹⁸ Halaam paat pulu dumaan, hiaa' lemaa kenaap taa' barii' dahaa' haa' padaang belantara. ¹⁹ Dahin au hiaa' nge'peraah tusu'u bangsa haa' tanaa Kanaan, Hiaa' waris naa tanaa hiaa' tii. Lim inaa' anee' au lalo halaam 450 dumaan. ²⁰ Au hiaa' tii, Tipaang maii man dahaa' hakim-hakim ataang man masa Nabi Samuel. ²¹ Heyaa' tii waa', dahaa' akee jii kelunaan raja, dahin Tipaang maii dahaa' Saul, anaa' lake' man suku Benyamin, halaam paat pulu dumaan. ²² Au hiaa' tii, Tipaang mukeeh Saul, Tipaang mitii Daud juung jadi raja dahaa, alaang tentang heyaa' Tipaang nyinaang dahin duaan, ' Akui au pehinaa Daud, anaa' lakee Isai, kelunaan alaang gaa' kenaap -Kui, alaang sang naa lim dahoo'-Kui.' ²³ Man tekulu'ung kelunaan anee' , Tipaang, naa kurin janji-Naa, gerii man Israel kelunaan Juruselamat, hiaa' tii kaa Jisus. ²⁴ teguu' jaan paa Jisus ataang, Yohanes auu megii sebelom naa man dahaa' tentang baptisan Tu'bat man lim kelunaan Israel. ²⁵ Dahin, jaruun Yohanes ngepaah hadii naa, hiaa' temooh duaan, ' ikaa' jaam hii akuii nii? Akui ba'ng Hiaa'.tapi, nyinaang iim, Jii kelunaan anee' ataang au akui, sendal haa' tudaa' -Naa pon akuii jaan layaa' me'baat naa. ²⁶ peloo' harii', tekulung da'amin Abraham dahin kelunaan tahaang kaa dahin jaan kaa' te'vah taa' Tipaang, ,man itaa' dahoo' selamat anee' auu dahaa' pe'dengah. ²⁷ Kenaan dahaa' alaang melaa' haa' Yerusalem dahin lim ku'huung ayaa' dahaa' alaang jaan jaam neranaa' Hiaa' dahin jaan jaam dahoo' lim nabi,alaang da basaa pu'tung do Sabat, au mengenapi dahoo' lim nabi hiaa' tii dahin ngu'koom Jisus. ²⁸ Dahin, mihaa' paa jii dahaa' jaan pehinaa alasan nun ngayaam ngu'koom matee, dahaa' akee ²⁹ Pilatus juung le'matee Hiaa'. Dahin, teguu' dahaa' menggenapi lim alaang da tulis tentang Hiaa' dahaa' ngileh-Hiaa' man kayoo' saleb dahin mirii Hiaa' haa' alaam ku'bor. ³⁰ Tapi, aan Tipaang pekurip Nihaa' man tahaang kelunaan mate, ³¹ dahin halaam pehendoo, Jisus petulaa lu'ung man kelunaan alaang pejii dahin-Naa man Galilea ataang Yerusalem, alaang keree nii jadi saksi-saksi-Naa man bangsa anee'. ³² Dahin, kamee' gerii man ikaa' Deng'ah Sayuu tentang janji Tipaang man hu'kuu ayaa' taa, ³³ kenaan Tipaang auu me'kaam janji hiaa' tii man itaa' anaa'-anaa' dahaa', dahin pekurip Jisus, mee' tuun alaang da tulis halaam kitab Mazmur pasal duaa':' Ikaa' anaan Anaa'-Kui. Do anii', Akui au jadi Tamaan-Kaa. ³⁴ Tentang Tipaang alaang pekurip Jisus man tahaang kelunaan matee, jaan waa' nekulaah haa' urip peraah, Tipaang au duaan, 'Akui sang mai man ikaa' berkat alaang kudus dahin hamaan da pesayaa' alaang da aii man Daud.' ³⁵ Hiaa' tii kaa hal naa, hiaa' lim paa halaam Mazmur alaang balee, 'Ikaa jaan sang nyuhu kelunaan kudus-Ka nyinaang urip peraah.' ³⁶ Sebab, Daud, au melayani Generasi naa daap au kenaan kehendak Tipaang, lalo mate, dahin da irii tahaang huku'u ayaa' naa, dahin nyinaang urip peraah, ³⁷ tapi Jisus alaang Tipaang pekurip man tahaang kelunaan matee, jaan nyinaang urip peraah. ³⁸ Kenaan hiaa' tii, nakurin nah da jaam kenaan kaa, peloo' harii', kenaan nge'lalo Hiaa' anee' naa pengamponan hu'sun dosa-dosa da'gii man ikaa', ³⁹ dahin nge'lalo-Hiaa', lim kelunaan alaang pesayaa' da usa'ang man lim gaat naa, alaang man hiaa' ikaa' jaan hamaan da usaang man Hukum Taurat Musa. ⁴⁰ jadi, pehenaa-pehenaa nah juung hal-hal alaang da'gii haa halaam kitab lim nabi jaan gaat jadi taa' ikaa': ⁴¹ 'Nyinaang nah, hai lim tukang nguloo'! taa' jaat dahin jahaa' naa, kenaan Akui naa hadii haa zamaan kaa, jii hadii alaang jaan sang iim pesayaa', bahkan haa' kelunaan megii inaa' man ikaa'.''' ⁴² Jaruun Paulus dahin Barnabas Musaang, kelunaan-kelunaan akee asi'i juung dahaa' megii tentang firman hiaa' tii teguu' do sabat tii nguaa'. ⁴³ Au hengkuung haa sinagoge hiaa' tii paah, kahuum kelunaan Yahudi dahin lim proselit alang jaan tevaah taa' Tanangaan li'voh Paulus dahin Barnabas, alaang ngumong man dahaa' dahin ma'veh dahaa' juung temoh melaa' haa' alaam anugerah Tipaang. ⁴⁴ teguu' do sabat hiaa' tii nguaa',u'uk laan lim kelunaan haa' kota pehengkuung saang ngeriing tebaraa Tanagaan. ⁴⁵ tapi, teguu' kelunaan-kelunaan Yahudi nyinaang banguu hiaa' tii, dahaa' penuu kenaan jaa' kenaap dahin naharii netaang nun alaang a'an Paulus jaruun pejaa' heyaa. ⁴⁶ Lalo' Paulus dahin Barnabas nyu'vee dahin te'vaah dahin temoh duaan, "hal anee' penting kenaan tebaraa Tipaang harus naa a'an da gii man ikaa' unaa'. ⁴⁷ kenaan ikaa' man ikaam inaa' dahin me'gii luung kaa jaan hamaan hipuun urip alaang sayuu, nyinaang naa, kamee' nekulaah man da uma-uma balee. Kenaan nunii' na Tipaang maii peritaah man kamee': 'Akui au naa ikaa' malaah man da uma-uma balee juung ikaa' hamaan gerii keselamatan ataang haa' u'vaang tanaa idaa'." ⁴⁸ teguu' kelunaan-kelunaan jaan Yahudi hiaa' tii nge'riing hal anee' dahaa' pep'luu dahin mejuu tebaraa Tipaang. Dahin, kahuum alaang au da naa juung murip sayuu, jadi pesayaa'. ⁴⁹ hiaa' tii, tebaraa Tipaang puraah haa' lim tanaa hiaa' tii. ⁵⁰ tapi, kelunaan-kelunaan Yahudi ngasoot doh-doh saleh alaang terhormat dahin kelunaan-kelunaan penting haa' kuta, dahin pe'kurip gaat peraah taa Paulus dahin Barnabas, hiaa' tii mu'gaa davaa' haa' ha'vaa man tanaa ha'ang dahaa'. ⁵¹ tapi, jaruun me'baat asaap man tudaa' dahaa' taa' kelunaan -kelunaan Yahudi ti'haa tii, Paulus dahin Barnabas tee haa' Ikonium. ⁵² Dahin, lim mu'red da hangaan dahin pep'luu hiaa' tii dahin Roh Kudus.