Cara Hidup Nu Bujur ¹ Ingat akan bubuhannya supaya patuh lawan pemerintah wan penguasa patuh ing siap malakuakan parbuatan nu baik, ² kada mandawa siapa haja, kada batangkar, bapandir ramah wan babujur ing basikap lamah lambut wan samua urang. ³ Ali, kita dahulu jua bungul, kada taat, tasasat jalan, diparbudak ulih macam-macam nafsu wan kasukaan , hidupnya salalu babuat jahat wan hiri hati saling bamusuhan. ⁴ Akan tatapi, katika kamurahan ing kasih Allah Jurusalamat kita , diilingakan, ⁵ Sidin manyalamatakan kita, kada ali ulahan nu bujur wan kita nu lakukan, tapi ali balas kasih-Nya malalui pambasuhan di pulang ing pambaharuan Roh Kudus, ⁶ nu Sidin curahakan atas kita wan limpas malalui Kristus Yesus, Jurusalamat kita. ⁷ Jadi, imbah dibujurakan ulih anugerah-Nya, kita manjadi ahli waris sasuai wan pangharapan akan hidup nang salawasan. ⁸ Pandiran ni bujur banartantang hal ini aku hajin ikam bujur-bujur yakin supaya bubuhannya nyang talah parcaya wan Allah dapat rajin malakuakan parbuatan baik. Hal-hal ini baik ing bamanfaat wan samua urang. ⁹ Akan tatapi, jauhi pardebatan-pardebatan, cuur-cuur, balayinan pandapat ing barungkis nyang awal tantang hukum Taurat ali hal itu kada ada gunanya ing sia-sia. ¹⁰ Gasan urang nyangnmanjadi panyabab parpacahan, diingatkan inya satu atawa dua kali, satalah itu jauhilah inya. ¹¹ Sabab ikam tahu urang kaya itu talah disasatakan ing hibak dusa, inya mandatangakan hukuman atas dirinya saurang. Patunjuk Pahabisan wan Salam ¹² Satalah aku mangutus Artemasatawa Tikhikus lawan ikam, bausahalah gasan datang lawan aku di Nikapolis, karena aku talah mamutusakan gasan badiam di sana salawas musim dingin kaina. ¹³ Lawan sakuat tanaga ikam, bantulah Zenas wan ahli hukum intuh, ing Apolos nu ada dalam parjalanan supaya bubuhannya kada kakurangan apa-apa. ¹⁴ Saharusnya urang-urang kita balajar batakun dalam malakuakan gawian nyang baik supaya bubuhannya dapat mamanuhi kaparluan hidupnya saban hari ing kada hidup wan kada babuah. ¹⁵ Sagala urang nyang ada lawan aku manyampaiakan salam gasan ikam. Padahakan salam aku wan bubuhannya nyang mangasihi kami dalam iman. Anugerah manyertai ikam sabarataan.