¹ Dari Yudas, Pandeta Yesus Kristus* ing dangsanak Yakobus, lawan buhan nang dipilih ing dikasihi Allah Bapang, ing nu dipalihara ali Yesus Kristus. ² Bahara kasih, ing damai sejahtera, ing malimpah kasihNya ka buhan ikam. ³ Dangsanak - dangsanak terkasih, asianya aku bausaha karas menulis gasan ikam tantang kasalamatan kita sabarataan, aku asa marasa parlu manulis lawan ikam ing maharapan ikam supaya ikam bajuang bujur-bujur gasan iman nu ku hampai-yakan sakali sabakas gasan salawasan gasan urang-urang nu kudus. ⁴ sabab urang-urang nu tatantu tallah umpat dada tahu habar dari pa-mulaan tallah di tantu akan gasan dihukum, urang-urang intu nu dada baiman anu manyalahguna akan, barian Allah kita baya gasan mamuasakan nafsu ing manulak satu-satunya panguasa ing Tuhan kita, Yesus Kristus. ⁵ Aku handak ma-ingatan buhan ikam maskipun ikam tallah tahu sagalanya, Tuhan tallah manyalamatan warga din ing cara mangaluarakan buhannya dari tanah masir, tatapi imbahnya Apang mamati,i nu dada parcaya. ⁶ Ing Malaikat-malaikat nu dada parcaya ing dada taat ing batas-batas kakuasaan buhannya, buhannya tallah di karut ing tali rantai abadi dalam anu kaddap yang paling kaddap banar gasan di hakimi kainanya. ⁷ Sing intu jua Sodom ing Gomora ing kota-kota nu ada di sabalahnya, nu mamuasakan hidup dalam dosa seksual ing mangatjar nafsu nu dada sasuai, tallah mananggung hukuman api kakal sabagai contoh. ⁸ Sing intu jualah urang-urang intu, anu ma-andalakan mimpi-mimpi buhannya, mancamarakan bukkang, galai kekuasaan, ing mambajah anu mulia. ⁹ Mikhael haja nu Pangulu Malaikat bila wayah bakalahi ing setan* tantang bangkai Musa*, dada Wanni ba-ucap ing ucapan-ucapan nu mahujat lawan sidin, malahan baucap sing-inya ujih, Kiranya Allah Apang manyariki ikam. ¹⁰ Sing intu jua nu panyasat inyah mahujat hal-hal nu kada buhannya tahu, ing baya hinggan buhannya tahu, baya ba-asal dari naluri haja, sing binatang nu dada baisi akal. Sing ini-lah buhannya kaina dihabisakan Apang. ¹¹ calakalah buhannya !, buhannya nu tallah umpat jalan nu diulah ali Kain* ing jalan sarakah sing nu digawi ali Bileam, ing binasa ali pambarontakan sing Korah. ¹² Buhannya ini sing noda dalam parjamuan kasih, nang mulluk makanan basamaan ing dada marasa ingawan, paduli ing hidup saurang. Buhannya sing awan nu dada mambawa aying hujan, sing ditiup angin kai-tu kai - nih, buhannya sing kayu nu dada babuah pada musimnya. Mati dua kali ing dicabut hampai ka burit - buritnya. ¹³ Buhannya sing ombak nu haw-wut, nu babuyih ali kahinaan buhannya saurang. Buhannya sing bintang-bintang nu mangambara, ka nu kaddap ing dada ta-iling lagi, nu tallah disadiakan gasan salawasnya. ¹⁴ Jua tantang urang-urang inilah Henokh, katurunan ka tujuh dari adam orang nu panambaian. Bapasan, ilinglah Tuhan datng basasamaan ing urang-urang kudusnya. ¹⁵ Gasan manjalanakan hukuman atas sagalanya orang ; mahukum sagalanya urang fasik atas kalakuannya nang buhannya ulah ing cara nu fasik, dan atas sagalanya paniran nu dada baik nu tallah di sambat ali urang-urang badosa nu fasik ing Tuhan. ¹⁶ Buhannya adalah urang-urang nu tunggal bakutuk, ma-ulah-ulah kasalahan, ing umpat hawa nafsu buhannya saurang; buhannya ba mulut luwai, ing manyillap orang nu lain gasan ba-uleh kauntungan. ¹⁷ Dangsanak-dangsanak nu kukasihi, ikam harus ingat nyapa nu tallah di hampai-yakan rasul-rasul*Tuhan kita, Yesus Kristus. ¹⁸ Buhannya tallah baucap lawan ikam pada zaman akhir, ada banyak pancamooh nu hanya umpat hawa nafsu buhan nu fasik. ¹⁹ Buhannya adalah urang-urang nu maulah pamacah, umpat nafsu duniawi, ing kada baisi Roh*. ²⁰ Akan tatapi ikan dangsanak-dangsanak nu kukasihi, bagunlah hidup surang di atas iman nu paling barasih ing badualah dalam Roh Kudus*. ²¹ Palihara bukkang saurang, ing kamaras Allah sambil mahadang rahmat Tuhan kita, Yesus Kritus, anu mambaa kita ka hidup kakal. ²² Milikalah kamurahan hati ing urang nu babaya parcaya, ²³ salamatan urang nu lain ing rabut inya dari api, nang lain jua, ilingakan buhannya balas kasihan nu disarata, i rasa ingawan ing mambanci pakaian buhannya nu mancamarri hawa nafsu duniawi. ²⁴ Bagi Apang nu bakuasa manunggu,i supaya kada gugur dan manggaluarakan ikam dada cacat di muha takhta kamuliaanNya nu ganal ing sukacita ganal jua. ²⁵ Hanya sa-ikung sidin Allah, Juruselamat kita, malalu,i Kristus Yesus, Tuhan kita, kamuliaan, ka agungan, kakuatan, ing kuasa salawasannya: pamulaan, wayah ini, hampai salawa-lawasnya amin*.