¹ Udah yok, bungi Imam besai ''Apo benar upo yok? ² Stepanus madah''balo menyanak penin aku Allah te mulio nganyok ke ini moyang kito, Abraham wakyu neh agik di Mesapotamia, seapan neh nugau di Haran, ³ Neh madah larikin ke tanah balo menyanak nuan, udah yok datai ke tanah Ku tunyok ngau nuan. ⁴ Udah yok Abraham nudi tanah ura Kasdim lalu nugau di Haran udah yok apai neh mati, Allah nyuruh pindah ke tanah tuk enta sidok nugau pituk. ⁵ Yok Allah endo merik reto bendo ngau neh, bah setapak tanah pun endo, tapi bejanji merik abraham hak neh keturun udah neh. Abraham apan isik empu anak. ⁶ bukan piok bungi Allah, keturun neh jadi penatai de tanah ura lain sidok de jadi budak serto di aniayo selamah empat ratus taun lamah neh, ⁷ Aso piok, Aku kok ngukum banso te ngukum sidok bungi Allah, udah yok sidok keluar re yok, semaya ngau Aku aro yok. ⁸ Lalu, Allah merik Abraham pejanji sunat, abraham jadi apai Ishak, nyunat neh waktu umur lapan ari, Ishak jadi apai yakub, udah yok Yakub, tamai keduo belas apai leluhur. ⁹ Empadai ngiri ngau Yusuf Apai leluhur kito nyual neh ke mesir. tapi Allah nyerto Yusuf, ¹⁰ Nyelamat neh re semuo derito, serto merik neh Anugerah tamai pengrerti ke muo Firaun, rajo Mesir, tenyadi ketua atas mesir semuo istana neh. ¹¹ Sekejab mato, musim lapar tejadi di tanah Mesir tamai Kanaan, nyebab derito sangat besai, sampai inik muyang endo buleh pemakai. ¹² Bukan piok, waktu Yakub menin'd bahwa ado genum di mesir, neh nyuruh inik muyang kito datai kin ngau pertamo kali. ¹³ Waktu beranau keduo kali, Yusuf madah dirik ngau balo menyadik Neh, semuo menyanak Yusuf jelas bagi Firaun. ¹⁴ Udah yok Yusuf ngirum kabar ngunda Yakub apai neh, semuo balo menyadik menyanak neh, semuo pemangat sidok 75 jiwo. ¹⁵ Yakub turun ke mesir neh mati din, besamo inik muyang kito. ¹⁶ Ari din sidok de pindah ke Sikhem, di gurien aro kubur te udah Abraham beli ngau duit anak Hemor di sikhem. ¹⁷ Bukan piok makin semak pejanji tuk, Allah padah ngau Abraham, banso betamah belipat di mesir, ¹⁸ Sampai ado Rajo telain bangkit atas mesir, endo ketauk tenta Yusuf. ¹⁹ Rajo ngemulok ngakal banso kito, piok nganiayo inik muyang kito sampai makso sidok muai balo anak biak lelaki sidok sampai endo be tan idup. ²⁰ Waktu yok Musa lahir, sangat baek bako neh di muo Allah. Musa di intu enta apai neh selamah tigo bulan. ²¹ Udah yok neh di buai, putri Firaun ngamik neh, sampai ngemesai upo anak dirik. ²² Kebok, Musa di didik dalam kepanai ura mesir, neh bekuaso re mulut sampai tebiat. ²³ Seda Musa genap umur 40 taun, pansut pemikir neh kok nguso balo menyanak neh, keturun Israel. ²⁴ Sekejab, mantau sikuk re sidok endo senunuh uleh ura ura mesir, Musa datai mangan ura te di keruyok, lalu neh munuh ura mesir yok. ²⁵ Musa ngiro balo menyanak neh, ngerti bahwa Allah selamat ngelalu neh, sidok pun lalu endo ngereti. ²⁶ Seudah ari yok Musa nguso ura israel lagik betangkap, neh encubo nenang ke sidok, lalu madah'' hai bukan kitak tuk lagi ado kait menyanak, ngapo rajin medih pangan. ²⁷ Tapi , ura te medih menyadikneh yok nangkis musa ketisi samil madah, sapo te nyuruh nuan jadi penguaso tamai pemutus pekaro atas kami? ²⁸ Apo nuan kok munuh aku upo nuan munuh ura mesir kemarik?' ²⁹ Menin'd pemadah ura yok, Musa ngelari kedirik lalu jadi penatai di tanah Midian. Din neh jadi apai re duo nebiak anak lelaki. ³⁰ Pas genap empat puluh taun, seura Malaikat mansut kedirik ngau Musa de belayan rampuk gunung sinai,dalam lidah api di belayan durik. ³¹ Waktu Musa mantau, neh iran mantau penampak yok. sekejab neh semak, lalu ngamat datai em ingan Tuhan,. ³² Akulah, Allah inik muyang kitak Allah Abraham, dan Allah Ishak,dan Allah Yakub.' Musa begetar takut endo berani ngamat Neh. ³³ Lalu, Tuhan madah neh, dudi selup re kaki ikam, aro tuk enta ikam bediri tanah suci. ³⁴ Aku benar-benar udah mantau pemedih umat-Ku te ado di mesir puas menin'd keluh sidok's, Aku udah turun kok nyelamat sidok's, pituk em boh, Aku kok ngutus ikam ke mesir. ³⁵ Musa udah di tulak sidok lalu bingan,''Sapo tenyadi penguaso tamai pemutus pekaro kami?'' Neh yokura te Allah utus ngau jadi penguaso atau penyelamat ngelalu jari malaikat te mansut kedirik ngau neh di belayan rampuk. ³⁶ Ura tuk mimpin kitak keluar, samil bisik mujizat tamai tandno-tandno ajaib di tanah mesir,di laut mirah serto belayan rampuk duri selamah empat puluh taun. ³⁷ Musa tuk em madah ngau banso Israel,''Allah kok ngebangkit ngau nuan se'ura nabi, upo akude antaro balo menyanak nuan. ³⁸ Tuk neh ura te ado antaro jema'at di belayan semak bereto makaikat ngumung ngau neh di gunung sinai,bereto inik muyang kito,neh udah nerimok Firman te idup di berik ngau kito. ³⁹ Inik muyang kito nulak nurut ngau Musa, tapi ngelari neh yok serto mau'k bekalih ke mesir dalam ati sidok. ⁴⁰ Ngumung ngau Harun, ''pulah ke kami balo jelu-jelu te tauk bejalai de muo kami uleh Musa tuk, te mimpin kami keluar re tanah mesir, kami endo ketauk apo tejadi ngau neh. ⁴¹ Waktu yok, sidok's mulah pentek anak benata, serto ngumpan ngau pentek yok, serto gago ngau pempulah jari sidok. ⁴² Bukan bereti, Allah endo merati sidok, ngisok sidok nyemah balo tentaro langit, upo ado tetulis lam kitab sidok nabi, ''Apo kitak ngemaik ke Aku benata semelih tamai pesemah selamah empat puluh taun de belayan tanah, hai umat Israel?. ⁴³ Kitak ngemaik dangau Molokh tamai binta jelu, Refan, pentek te di pulah kitak ngau di semah, Aku kok muai kitak ke sebera Babel.' ⁴⁴ Inik muyang kito empu dangau Kesaksian de belayan tanah, Upo te Allah padah waktu ngumung ngau Musa, mulah gamar samo te ngau neh pantau. ⁴⁵ Udah nerimok dangau yok inik muyang kito maik tamok berto Yosua, waktu berebut tanah sidok re banso-banso lain ,Ute Allah pacin re muo inik muyang kito, sampai waktu zaman Daud. ⁴⁶ Daud bulieh kaseih karunio de muo Allah serto bulieh aro ngau nugau bagi Allah yakub. ⁴⁷ Bukan piyok, Salomo mulah rumah Neh. ⁴⁸ Ute yok te Maha tingik endo nugau dalam rumah te di pulah jari mensio upo te di padah balo nabi, ⁴⁹ Langit yok tahtaKu , bumi yok penumpu kaki-Ku. Rumah upo keti kok kitak pulah ngau AKu? Allah berfirman Dini aro Aku betegok? ⁵⁰ Sajo jari Aku tuk te mulah semuo yok? ⁵¹ Hai kitak ura keras kepalo, ngau ati tamai penin serto endo besunat, kitak selampur ngelawan roh kudus, macam di pulah inik muyang kitak! ⁵² Nabi-nabi te ni endo di sikso, uleh inik muyang kitak sidok munuh ura seapan madah kedatai sang tebenar,tepituk nyuruh kitak kedirik jadi penghianat tamai pemunuh. ⁵³ Kitak te udah nerimok ukum taurat upo udah disampai uleh balo malaikat tapi kitak ndo nyago neh. ⁵⁴ waktu sidok menin pekaro tuk , ati sidok pedih serto gigi sidok engkertup terhadap Stefanus. ⁵⁵ Sajo piok,stefanus te dipenuhi oleh Roh Kudus nengkadah kelangit,serto mntau kemulio Allah,serto mantau Yesus bediri disepiak Kanan Allah. ⁵⁶ Bungi Stefanus,"penin ! Aku mantau langit tebukok Anak mensio bediri disepiak kanan Allah. ⁵⁷ sento,sidok mangkas mukau ngau ingat nyar'in sento nutup penin sidok,lalu sepakat nyera Stefanus. ⁵⁸ Lalu sidok nyerit neh keluar kuto lalu nikam neh gau batu.udah nyok, balo saksi mato nangal jubah sidok disura lelaki bedamo Saulus. ⁵⁹ Lalu, sidok nyiso Stefanus te mangkas lalu madah, "Tuhan Yesus terimok rohku" ⁶⁰ Udah yok belutut neh mangkas ngau ingan nyarin,"nang tango duso tuk ngau sidok!" seudah madah yok neh pun mati.