¹ Dari Paulus, rasul Yesus Kristus te dipilih ulieh kemauk Allah sesuai ngau janyi tenta idup te ado dalam Yesus Kristus. ² Ngau Timotius, anak te aku kasih. Anugerah, belas kasih, serto damai sejah tero re Allah, apai tamai Yesus kristus, Tuhan kito ³ Aku ngucap syukur ngau Allah, te aku layan ngau ati nurani serto te bersih samo upo di laku uleh inik muyang aku, selalu aku ngingat nuan dalam berdu'o siang tamai malam. ⁴ bilo aku ngenang aik mato nuan, aku mau'k merati nuan isok penuh sukacito aku. ⁵ Aku diingat uleh iman nuan te tulus, pertamo idup dalam inik nuan Lois, tamai inai nuan Eunike, aku pecayok pituk idup dalam nuan gok. ⁶ Alasan tuk aku ngigat nuan isok selampur nyebar karunio Allah te ado enta dirik nuan ngelalu tumpa jari aku. ⁷ Kebok, Allah endo merik ngau kito roh te takut, selain roh nyuruh kuat, kasih tamai nangkis dirik. ⁸ jadi, nusah malu besaksi tenta Tuhan kito atau tenta aku,tahanan-Neh.. ⁹ Neh yok ute udah nyelamat kito serto ngumai kito ngau kumai kudus, bukan uleh pempulah kito, selain uleh kemauk tamai anugerah-Neh kedirik ute udah Neh berik ngau kito dalam Yesus Kristus seapan dunio ado. ¹⁰ Pituk, hal tuk udah nyato ngelalu datai Juru Selamat kito Yesus Kristus te udah ngapus kuaso maut serto ngemaik jalai idup tamai ute kekal ngelalu injil. ¹¹ Uleh injil tuk, aku di tunyuk jadi pengkhotbah, rasul serto guru. ¹² Tuk em akibatneh, aku bangat derito pituk. tapi, aku endo malu, aku ketauk ngau sapo aku pecayok serto aku yakin Neh sangup nyago apo te udah Neh pecayok ngau aku sampai ari yok datai. ¹³ Pegai semuo ajar te sihat ute udah nuan pe'dnin re aku dalam iman tamai kasih te ado dalam Yesus Kristus. ¹⁴ Uleh Roh Kudus ute udah di pecayok ngau nuan. ¹⁵ Nuan ketauk te benar tenta semuo ute ado di asia ¹⁶ Tuhan merik karunio belas kasih ngau isik rumah Onesiforus, neh rajin datai ngingat aku piok endo malu nguso aku di penyaro. ¹⁷ lagik, watu sampai di roma, neh mantin ngegok aku lalu kami duo betemu. ¹⁸ Kiro neh Tuhan merik petunyuk isok neh nemu belas kasih Tuhan ngau ari tuk, nuan kedirik ketauk berapo pemangat pelayanan ute udah nuan berik ngau aku di Efesus.