¹ Ballo posik ko dik tokaseh,to jeh surat dik kodukah,dik nih konulis nyakk mo.wah saih surat kodukah to ko bousaha munyook pengertian dik murni nih tano-tano. ² Sopayo mo tingant boba dik saeekk tosona nih gok Nabi-nabi tuci ngant toringant koni porintah Ponompa gook Jurusolamant dik jeh tosobut nih gok ballo Rasul-rasul mo koni mo. ³ Dik torutama arus mo taok tolah,Libo onu-onu pongkosik sowa akan monik Pongacao-pongacao ngant gok kobiek-kobiek,e nya haeek dik midop nginyak owangk oti Nafsu,e. ⁴ Kant,balloe: "Kokeh bah pongkonik janyi haeek,e? Sobab libo nya muntuh dop tiaaant jeh kobek,sidik torunt totap odoh wah to,ejak sik libo dunia odoh nih mongki," ⁵ Dient songaja kae mauk tau,bahwa nih kuasa Ponompa ronyent jeh odoh jak sikk saeek,gok Bumi to boasal sikk piingk ngant nih piiingk. ⁶ Ngant gok nih piingk nyent,Bumi dik tiannt jeh kobis,moyamp nih piinggk Kolamu. ⁷ Baek nih kuasa nyent geeh ronyennt gok Bumi dik ntooh,e tojago sikk opi ngant nih ngona nyak onu pongkosik gok kobinasa nya dik sallo biekk. ⁸ Nyent gok ballo posik ko dik tokaseh,dik tek to kae buleh mo nomot,nto bahwa wah jowi Ponompa tek onu samoh ngant wok soribu sowa,soribu sowa samoh ngant tek onu,e. ⁹ Ponompa Kae suah lalae nupat janyi,e. sokalipun,odohnya dik nganggap,e solarat lalae,totapi domp,e sabar tohadap mo.Nih domp menghendaki yook sampae odoh dik bonasa,molaingk sopayo sidik nya bobalek ngant botobat. ¹⁰ Totapi Onu Ponompa mak jeh monik wook Ponongku,Pado onu libo ronyent moyamp, gok gaooh dik dahsyat ,ngant sidik donia pungkakk wah saih asop opi.ngant Bumi gok sidik sogalo dik odoh wah somu,e moyamp rijoop. ¹¹ Jodi mak lek sidik torunt to akan ancor wok nyent,botapa baek ngant solehnya mo arus midop. ¹² Sik mo dik roo nunguk ngant roo ncopat pongkonik onu Ponompa pado onu nyentlah ronyent akan luloh wah opi ngant sidik torunt wah dunia bah ancor nih jilaoo,e. ¹³ Tapi sosuai ngant janyi,e doop nunguk ronyent dik baooh gok Bumi dik Bauh,wah keh kobonar nyent todopat. ¹⁴ Sobab nyent,ballo posik ko dik tokaseh,samel nungguk sidk to,mo arus bousaha,sopayo mo kodopat kae bocacat ngant kae bobokas wah jowi,e.wah saih podamae ngant domp,e. ¹⁵ Anggap maeh kosabar Ponompa dop sobagae kesempatan bagimo nyak nopat kosolamant,wook geh Paulus,posik doop dik tokaseh,jeh nulis koni mo nurut hikmat domp,e dik dopat karunia ngant domp,e. ¹⁶ Hal to nih mongki wah sidik surat domp.e,apabila domp ngomongk hal-hal to,Wah saih surat-surat,e tieh odoh hal-hal dik togoh nyak tomahamp,sohinga ntoyant-ntoyant dik kae topahamp,e gook dik kae togap Iman,e.Mutarbalekkan jodi kobinasa ballo,e sonirikk,samoh wok dik geh nya kadi ngant tulisan-tulisan dik laingk. ¹⁷ Tetapi mo,Ballo Posik-posik ko dik tokaseh,mo jeh ntao hal to libo gont haeek. nih nyent Waspada maeh,sopayo mo yok tosesat koni saih kosesatan ntoyant-ntoyant dik kae ngonal ukummp,ngant yok moyammp pegangan mo dik teguh. ¹⁸ Tetapi boronak maehh wah saih kaseh karunia gok dalomp ponginal koni Ponompa gok Jurusolamant doop,Yesus Kristus.Bagi,e komuliaan,ntohh ngant sampai solama-lama,e.