¹ Nya muntuh nyaak nook dik topileh ngant onak,e dik bonar- bonar kokaseh,Kae ko maeh dik ngaseh mo,sidik jeh nginall kobonarr. ² Nih kobonarr dik jeh totap wah dop ngant dik solarrat borota dop solama,e. ³ Kaseh kurnia Rahmat ngant damae sojahtra siik Abae Ponompa dop dallommp bonarr ngant kaseh. ⁴ Sajo baeek owangkk,bahwa ko nopat soparoh siik onak-onakmo wah kobonaran,sosuai ngant porintah dik jeh nih dop torima siik Manggk. ⁵ Ntooh ko minta koni mo,Nook,- Kae seolah -olah ko nulis porintah bauhh nyak mo,tapi nurut porintah dik jeh odoh wah dop sik mula saeek-sopayo dop saling ngaseh. ⁶ Gook tolah kaseh haeek,Bahwa dop midoop nurut porintah domp,e.Ngant tolah porintah tieh,bahwa sopayo mo arus midop wah dalomp kaseh,sobagaemana dik jeh nih mon ngopinggk sik mula,e. ⁷ Obenggk ponyesat monik timoll ngant obu koni soluruh poya tona,dik kae ngangku,bahwa Yesus Kristus jeh monik sobagae monsia.Nyent haeek ponyesat ngant gook antiKristus. ⁸ Waspada maeeh sopayo mo kae moyamp oneh dik jeh nih mo ngrija,sopayo mo nopat uaphmo sobonar,e. ⁹ Nya dik kae montokk wah pongajor Kristus,tetapi dik nglangkooh koluar sik nyent,Kae nginyak Ponompa,Barong oseh montook wah ajor nyent domp nginyak Manggk maupun Onak. ¹⁰ .Jika ntoyannt monik koni mo ngant domp kae meet ajaran to,yooklah mo norima domp wah saiih rominggk mo ngant yooklah munyook salam koni,e. ¹¹ barongoseh munyook salam konie,domp akan nopat sobagi wah pongodi,e dik bieek. ¹² Obenggk hal dik arus kotulis koni mo,ko kae longgk ngkodie nginyak koritas ngant tinta,tetapi ko boaroop monik todoop koni mo gook ngomongk boradoop jowi ngant mo.sopaya baeek sompurna koowanggk dop. ¹³ Salam koni mo siik onak-onakmo dik topileh.