¹ Teopilus, alam bukuk te petama te aku tulis, madah ke semua nama te udah de pulah ngau ajar ke Yesus, ² sampai ari Ia teangkat naik. Tuk tau jadi piak rama Ia udah merik perintah ngelalu Roh Kudus ngau bala rasul-rasul te dah de pilih Ia. ³ Udah Ia sisa, Ia nampil ke dirik te idup ngau sidak, ngau bukti te nyuruh sidak matang yakin. Sepanyai empat puluh ari empat puluh malam Ia mansut ke dirik ngau sidak, udik Ia bekarang te de padah Kerajaan Allah. ⁴ Rama Ia betugung ngau sidak, Ia madah ke sidak bayah nudi ke Yerusalem, tapi tunguk na janyi ari Bapa, tentang amak tuk, Ia dah bekarang, "Kitak udah ninga ari Aku ⁵ kalau Yohanes mempemanik ngau aik, tapi kitak di pemanik ngau Roh Kudus alam dua tiga ari agik. ⁶ Rama sidak betugung sama diak, sidak betanyak ngau Ia, "Petara, tuk kah waktu e Nuan kak nyemaik Kerajaan Israel ?" ⁷ Ia bekarang ngau sidak, "Kitak nai sah ketau ari sebila te udah de tentu ke Allah ngau Kuasa Ia kedirik. ⁸ Tapi nuan bakal bulih Kuasa, rama Roh Kudus de turun katau nuan, udik nuan te nyadi saksi Aku, baik ntang Yerusalem, ngau de seluruh Yudea, Samaria udah yak ke sekamat jenia. ⁹ Rama Petara Yesus udah madah ke pengajar tuk, ketengah sidak ngupuk katau, Ia udah tekatung, udik awan ngelimuh Ia ari pemedak sidak. ¹⁰ Ketengah sidak ngupuk ke Surga rama Ia tekatung, tiba-tiba dua urang udah bediri damping sidak ngau pengau werna putih. ¹¹ Sidak bekarang, "kitak urang-urang Galilea nama nok kitak bediri dituk ngupuk ke Surga ? Yesus te tekatung ke Surga bakal bekalih upa kitak medak Ia naik ke Surga. ¹² Udak yak sidak bekalih ke Yerusalem ari bukit Zaitun, te damping ke Yerusalem, sepenyauh penyalai ari Sabat. ¹³ Rama sidak datai, sidak naik ke bilik datau, pengkerang sidak nugau. Sidak yak Petrus, Yohanes, Yakobus, Andreas, Filipus, Tomas, Bertolomeus, Matius, Yakobus anak bakas Alfeus, Simon urang zelot, ngau Yudas anak bakas Yakobus. ¹⁴ Sidak semua betugung diak, upa sidak runih alam besampi. Temasuk bala inuk, Maria inai Yesus, ngau bala menyadik Yesus. ¹⁵ Rama ari yak Petrus bediri de tengah bala sebilik ia , sekitar seratus dua puluh urang, udah yak ia bekarang, ¹⁶ "Bala sebilik, saja pentin benar nyukup ke Firman utai te de tulis. Empadai Roh Kudus udah banai ngelalu mulut Daud tentang Yudas Iskariot, te udah ngemaik sidak te kak nangkap Yesus. ¹⁷ Empadai ia subak temasuk salah sikuk ari kita, ngau udah bulih untung pemagi ari pelayanan tuk." ¹⁸ (Pitok urang tok meli tanah ngau asil te ia perulih ari penyaik ia, diak me ia jatuk tentak sunsang, ngau tubuh tebelah, ngau bala isik perut teberuncai. ¹⁹ Semua te idup tang Yerusalem udah ninga tentang hal tuk, empadai yak mek sidak nelah uma yak jekuk bahasa sidak "Hakal-Dama," te reti e "Tanah Darah.") ²¹ Empadai yak me, matang arus, salah sikuk ari sidak te udah bekamuh ngau kita pelamak tuk, rama Petara Yesus isik tamai kita, ²² mulai ari rama mempemanik Yohanes sampai ari Ia de katung dentara kita, matang kalah nyadi saksi bereta ngau kita bekenak ngau pemangkit Ia. ²³ Sidak ngaju ke dua urang, Yusuf te di telah Barsabas, te nama lain ia ugak Yustus , ngau Matias. ²⁴ Sidak besampi ngau banai, "Nuan, Petara te ketau bala ati s'mua urang, padah ke, ni ari entara sedua tuk, te Nuan pilih, ²⁵ ngau nganti ke pengkerang pelayanan tuk ngau kerasulan te udah Yudas Iskariot langar isak ia angkat ke pengkerang te udah empu ia. ²⁶ Sidak nyabut undi ngau milih sedua; undi yak jatuk ngau Matias isak ia tau tebilang dentara kesebelas rasul.