Teladan Abraham ¹ Jodi, oniahkoh di'k akan yah sano'k tentang'k Abraham, bapa leluhur yah menurut dagi'kng? ² Karna jika Abraham nih bonarkan so'k perbuatanngu, diapm pu'k alasan nya'k bugaya, tapi kai no'k jowi Baipunopo'k. ³ Sobab, oniah di'k nih nyono'k oleh Kitab Suci? "Abraham pucaya'k nganu Punopo'k dan Punopo'k menghitong'k hal han nganu'u subagai kubonaran." ⁴ Nganu nyo di'k kihija, upah di'k nih minyu'k nganu nyohan kailah suatu hadiah, melaing'kkan hak nyohan. ⁵ Dan, nganu di'k ka'i kihija, tapi pucaya'k nganu Baipunopo'k di'k membonarkan nyo fasik, iman nyohan nihperhitong'kkan subagai suatu kubonaran. ⁶ Bahkan Daud pun nyono'k butapa nihberkati nyi'k nyo ketika Baipunopo'k memperhitong'kkan kubonaran nganungu tanpa manang'k hal-hal di'k jeh diapm taki: ⁷ "Bubahagialah nyo di'k nih ngampun pelanggaran-pelanggaranngu, dan di'k nih nitiap dosa-dosangu. ⁸ Berbahagialah balo nyo di'k dosangu ka'i nihperhitong'kkan oleh Punopo'k!" Mazmur 32:1-2 ⁹ Oniahkoh berkat tia hanya nya'k nyo di'k nih nyunat? Ataukoh juga nya'k nyo di'k ka'i busunat? Sobab mi'k jeh nyono'k bahwa "Iman Abraham terhitong'k subagai kubonaran." ¹⁰ Lalu, makiahkoh han nih perhitong'kkan nganungu? Seguant atau jeho diapm busunat? Kai jeho diapm nihnyunat, melaing'kkan seguant diapm nihnyunat. ¹¹ Abraham nihimo'k tana sunat subagai meterai kubonaran iman seguant diapm busunat supaya diapm dopit menjodi bapa bagi sumua nyo di'k pucaya'k kai busunat sehingga kubonaran han juga nih hitong'k nganu nyohan; ¹² sukaligus menjodi bapa bagi balo nyo busunat di'k ka'i hanya busunat tapi juga bujalan wah johatn iman di'k suah nih taso'k oleh bapa yah, Abraham, suguatn diapm nih nyunat. Abraham Nihimo'k Janyi Baipunopo'k So'k Imanngu ¹³ Janyi nganu Abraham dan nganu kutuhuntngu bahwa nyohan akan pu'k suluruh bumi ka'i akan nih penuhi so'k Ukum Taurat, tapi so'k kubonaran iman. ¹⁴ Sobab, la'k nyohan di'k buasal so'k Ukum Taurat dopit menjodi ahli waris, maka iman menjodi sia-sia dan janyi Baipunopo'k nih batalkan; ¹⁵ sobab Ukum Taurat moni'kkan murka, tapi la'k kadiah Ukum Taurat, maka no'khan juga kadiah pelanggaran. ¹⁶ Tialah ngoniah janyi han buasal so'k iman, supaya janyi han budasarkan kaseh karunia sehingga janyi han juga sampai nganu suluruh kutuhunt Abraham; kai hanya di'k buasal so'k Ukum Taurat, tapi juga di'k buasal so'k iman Abraham, di'k adalah bapa yah sumua, ¹⁷ (seperti di'k tertulis, "Ku'k jeh moki mu'k bapa bagi obeh bangsa") no'k jowi Baipunopo'k, di'k diapm pucayai, yaitu Baipunopo'k di'k minyu'k pumidiap nganu nyo kobe'k dan di'k nyono'k sesuatu di'k guant odiah menjodi odiah. ¹⁸ Wah pengharapan no'k somu pengharapan diapm pucayak, sehingga diapm tau'k menjodi bapa so'k obeh bangsa susuai ngan di'k jeh nih nyono'k, "Akan menjodi demikianlah kutuhunt mu'k." ¹⁹ Dan, ngan kai menjodi lomah wah iman, meskipun diapm tau'k wuangu todiap hampir kobe'k karna umurngu kira-kira 100 sowo'k dan rahim Sara juga jeh kobe'k; ²⁰ diapm ka'i nih bimbangkan terhadap janyi Baipunopo'k oleh kutidakpurcayaan. Subolia'kngu, imanngu nih nguatkan sehingga diapm minyu'k kemuliaan nganu Baipunopo'k, ²¹ dan nginamp yaketn bahwa Baipunopo'k bukuasa melakukan oniah di'k jeh nih janyikan-Diapm. ²² Karna hanlah, imanngu "nihperhitong'kkan subagai kubonaran." ²³ Namun, hal tia ka'i hanya nih nulis demi kepentingan Abraham maih, ²⁴ tapi juga bagi yah. Hal tia akan nih perhitong'kkan nganu nyohan di'k pucaya'k nganu Diapm di'k membangkitkan Yesus, Punopo'k yah, so'k antara nyo kobek. ²⁵ Yaitu, Yesus di'k jeh nih nyerahkan nya'k kobe'k karna dosa yah, dan di'k jeh nih bangkitkan demi pembenaran yah.