¹ Mosik mik Nosok'o ngan Selamat, mik jeh tauk bahwa Pulau han nih nyonok Malta. ² bih opik asli pulau han jeh nijuk kubaik oti dik luar biasa. Sebab, balo nyo kidiap opi ngan nyamut mik sumua nih saat han mulai ujatn ngan hawa colap. ³ Pas Paulus mulua koyuh-koyuh ngan nobak'a nok tunuh Opi,Nyi olok nyipih beludak sumopok nih lotiap lalu ngoluat tongan paulus. ⁴ Ketika bih Opik asli Honong Binatang'k biso han bugatua nok tongan paulus,balo nyo podok nyik samah laingk," kai turagu agik, nyo han adalah nyo pukomek. walaupun diamp jeh selamat sok lauat,kuadel kai hok ngadu'e midiap." ⁵ Namun, paulus ngibar binatangk han nganu wah opi ngan diamp kai johok toatn oniah pun. ⁶ Balo nyo han ngira Paulus jeh bokak atau hobuk ngan kobek waktu han ti. Namun, setelah nyo oteh nungu'k ngan kai honong sesuatu dik tosat nok diamp, nyo burubah piker ngan nyonok bahwa paulus han dewa. ⁷ Suatu saat, nok sekitar ahongk han, biant poyok puk pumimpint nok pulau han dik bu odant publius, dik nyamut mik ngan namu mik ngan ramah'e selama tohuah onu. ⁸ Waktu han, ma publius guhingk nok ahongk bis nih mongiah ngan disentri. paulus monik nyak jonguak ngan ngedoa'e, lalu ngatai tongan'e nganu tunuh nyo han ngan puhik'e. ⁹ Setelah peristiwa han terjadi, balo nyo laingk nok pulau han dik jeh monamp gik'i monik nganu paulus ngan nih puhik'e. ¹⁰ Nyo pun semakin menghormati mik ngan pas mik siap bulayar, nyo nyiapkan segala sesuatu dik mik poholu. Paulus Menuju Kota Roma. ¹¹ Pas tohuah buhant dik lalu, mik bulayar nok wah sebuah kapal sok Aleksandria, dik berlabuh nok pulau han selama musim colap ngan nginyak Dioskuri sebagai lambang'e. ¹² Setelah monik nok Sirakusa mik motiak nok nyih selama tohuah onu. ¹³ sok nyih, mik bulayar nosok pantai ngan monik nok Regium. babut'e, bahat selatan momau, ngan pas onu babut'e, mik monik nok putioli. ¹⁴ nok nyih,mik budopit jalah posik seiman ngan nih ngundang nyak motiak ngan balo nyo selama juk onu. lalu, mik obu nganu Roma. ¹⁵ Ngan, balo posik-posik seiman nok nyih, ketika ngopingk tentang mik, monik sok nyih sampai ke Forum Apius ngan Tres Taberne nyak dopit'e mik. pas Paulus honong nyo, diamp busyukur nganu bai punopo ngan oti'e nih nguatkan. Paulus nok kota Roma ¹⁶ Pas mik monik nok Roma, Paulus nih perbolehkan nyak ponai diap maih, ngan seorang prajurit dik mengawal'e. ¹⁷ Tohuah onu dik jeh, Paulus ngumpulkan balo pumimpitn'e Yahudi setempat, ngan setelah nyo bupulua, diamp podok nganu nyo. '' balo posik'e, meskipun kuk kai kodi oniah pun dik lawatn bangsa yah atau adat istiadat nek moyang yah, tetapi kuk nih nyerahkan sebagai seorang tahanan sok Yerusalem nganu tongan balo nyo Roma. ¹⁸ Ketika nyo jeh meriksa kuk, nyo hok bebaskan kuk karena kadiah biatn alasan nyak hukuman mati bagi kuk. ¹⁹ Akan Tetapi, nih balo nyo Yahudi Keberatan, kuk tu paksa naik banding nganu kaisar, kai berearti kuk puk tuduhan nyak lawatn bangsa kuk. ²⁰ Jodi, han lah sebab'e, kuk jeh mitok nyak honong muk ngan yatn ngan muk nih kuk ngisiat ngan hatai tia demi pengharapan Israel.'' ²¹ Lalu, nyo nyonok nganu Paulus, ''Mik kai himok surat tentang muk sok Yudea ngan kadiah nyik pun sok balo posik-posik dik seiman dik monik nganu tia nyak nyiluk kabar atau podok sesuatu dik bek tentang muk. ²² Namun, mik hok ngopingk sok muk oniah punopit muk karena tentang sekte tia, mik tau bahwa dik nok kiah-kiah balo nyo menentang'e.'' ²³ Waktu han nyo jeh notu nyik onu nyak paulus, nyo monik nganu paulus nok ahongk nginap,e busamah serombongan nyo obia. sok maji sampai ngohimp, Paulus menjelaskan nganu nyo ngan busaksi tentang Kerajaan Bai punopo ngan buusaha yakent kan nyo tentang Yesus, baik sok Hukum Taurat Musa, maupun kitab para nabi. ²⁴ Beberapa nyo jodi yakent sok oniah dik nih nyonok Paulus, tetapi dik laingk'e kai himok nyak pucayak. ²⁵ Ketika nyo kai setuju nyik samah laingk, nyo pun obu setelah Paulus nyonok pernyataan tia, " Memang omatn oniah dik nih nyonok Roh Kudus nganu nek moyang muk nosok Nabi Yesaya, ²⁶ ' Obu maih nganu bangsa tia ngan sanok maih: Muk hok ngopingk, tetapi kai hok jeh suah pahamp, ngan muk hok honong, tetapi kai hok jeh tuhiti. ²⁷ Nih han, hati bangsa tia jeh menebal ngan kopingk'e mangah obat nyak ngopingk'e. Nyo jeh nitiap motih'e. Supaya, yiak nyo honong ngan motih nyo, ngopingk'e ngan kopingk nyo, tihiti ngan oti nyo ngan buboliak. kemudian, kuk hok puhik nyo.' ²⁸ Nih han, adung maih hal tia muk tauk bahwa keselamatan dik sok bai punopo tia jeh nih nyonok nganu bangsa- bangsa laingk ngan nyo hok ngopingk." ²⁹ [Jeh han Paulus nyonok perkataan- perkataan han, balo nyo Yahudi obu ngan obia bubeda punopit nok antara dant.] ³⁰ Paulus motiak selama du sowo lobiah nok homing dik nih nyewa'a diamp maih ngan nyamut sumua nyo dik monik nganu'e, ³¹ salek nyonok agah Kerajaan bai punopo ngan ngajar tentang Tuhan Yesus Kristus ngan penuh kubahani ngan tanpa tantangan oniah pun.