¹ Kuk, Paulus, diri kuk maih memohon nganu muk ngan kulomut ngan kumuhah kristus-- kuk, dik kai bahani ketika buhadap jowi ngan muk, tetapi bahani ketika ojuk sok muk! ² kuk memohon nganu muk supaya ketika kuk monik, kuk kai poholu jodi bahani ngan kuyaket'n dik ngan'e kuk memperhitongkkan nyak bahani lawat'n balo nyo obia dik anggap mik midiap secara daging'k. ³ Memang, mik maseh midiap nok wah kedagingan, tetapi mik kai bujuang'k secara daging'k. ⁴ Sebab, senjata-senjata buporang'k mik kai sok daging'k, melainkan sok kukuat ilahi nyak kuhancur'e bentengk-benteng'k. ⁵ Mik koyap pumiker-pumiker ngan setiap hal omuh dik nih moki oleh kuangkuh nak sio nyak nota punginal hok bai punopo. mik nawan segala pumiker ngan nakluk'e nganu kristus, ⁶ ngan mik siap nguhukump sumua ketidaktaatan ketika ketaatan muk nih nyempurnakan. ⁷ Hanonglah nganu oniah dik biat'n nok jowi muk. lak biat'n nyo dik yaket'n diamp'e hanlah puk Kristus, adung'e diamp miker'e kembali hal tia, han sebagaimana diamp hanlah puk Kristus, mik pun demikian. ⁸ Bahkan, misal'e kuk agak bulobiah membanggakan otoritas, dik bai punopo nyiluk nganu mik nyak moki muk ngan kai nyak menghancurkan muk, kuk kai hok mongin. ⁹ Kuk kai hok mayat'n seolah-olah kuk hok Menakut-nakuti muk ngan cuhat-cuhat kuk. ¹⁰ Sebab, nyo podok, '' Cuhat-cuhat'e memang tegas ngan kohas, tetapi secara kehadiran wua, diamp lomah ngan punyonok'o kai buarti''. ¹¹ Adung'e nyo dik mahan han miker hal tia, hanlah oniah dik mik nyonok ngan cuhat jeh paji mik kai ngan muk, samah mah perbuatan mik ketika busama muk. ¹² Sebab, mik kai golak nyak mengelompokkan atau membandingkan diri mik ngan balo nyo dik memuji-muji diamp maih. Namun, ketika nyo mengukur diamp ngan diri nyo maih ngan memband_ingkan diri diamp ngan diri nyo maih, nyo han kai tupahap'm e. ¹³ Hok tetapi, mik kai hok baik owa atas hal-hal dik melampaui batasan mik,melaing'k munurut batasan sok kutetap dik bai punopo jeh nyiluk nganu mik, hanlah batasan nyak men_ jangkau moniknganu muk gik'i. ¹⁴ han lah, mik kai Melampaui batasan mik, seolah-olah mik kai menjangkau monik nganu muk. mik tialah dik paling'k tiat'n monik nganu muk ngan Injil Kristus. ¹⁵ Mik gik'i kai berbangga melampaui batasan mik ngan berbangga sok jerih lelah nyo laing'k, mulaing'k ngan pengharapan bahwa makiah maniah iman muk timuk, ahong'k kuhija mik nok antara muk ngan sumakit'n nih luas gik, ¹⁶ supaya mik dopit nyonok agah Injil nok opik-opik nok luar muk, ngan kai berbangga atas oniah dik jeh nih kosik nok ahong'k kihija nyo laing'k. ¹⁷ '' Osiah dik hok berbangga, adung'e diamp berbangga dik nok wah Punopo.'' ¹⁸ Hanlah, kai nyo dik Memuji diamp maih dik tubukti tahat'n su nguji, mulaing'k nyo dik Punopo puji.