Salapm dan Punyonok Syukur Paulus ¹ So'k Paulus, Silwanus, dan Timotius kanu jemaat no'k Tesalonika, di'k biatn wah Bai Punopo'k dan wah Punopo'k Yesus Kristus. Anugerah dan damai menyertai mu'k. ² Mi'k selalu ngucap syukur kanu Bai Punopo'k nyak mu'k sumua, dan nyobut mu'k wah doa-doa mi'k, ³ selalu nyiant kihija iman, usaha kaseh, dan ketekunan pengharapan mu'k no'k wah Punopo'k yah, Yesus Kristus, no'k joi Bai Punopo'k dan Ma yah. ⁴ Posik-posik di'k ningaseh Bai Punopo'k, ketahuilah bahwa Diamp jeh miliah mu'k. ⁵ Sobab, Injil* mi'k kai monik kanu wah punyonok-punyonok maih, tetapi pun wah kuasa, wah Roh Kudus*, dan ngan kuyaketn punung'k; mah di'k mu'k tauk nyo-nyo mah oniahkah mi'k tia no'k antara mu'k, demi kupontekngmu'k. ⁶ Mu'k jeh jodi nyo-nyo di'k meneladani mi'k dan Punopo'k karena mu'k nihimo'k firman obia no'k wah penderitaan ngan sukacita so'k Roh Kudus, ⁷ gatn mu'k jodi teladan bagi sumua nyo pucayak no'k Makedonia dan Akhaya. ⁸ Sobab, so'kmu'k firman Punopo'k bugema kai hanya so'k Makedonia dan Akhaya, melainkan juga no'k setiap ahokng, imanmu'k kanu BaiPunopo'k jeh tusebar hingga mi'k kai porolu nyono'k oniah-oniah agik. ⁹ Sobab, datn maih cihito tentangk mi'k, makiahmah'a mu'k nyamut mi'k, dan makiahmah'a mu'k boliak kanu BaiPunopo'k so'k buhala-buhala* nyak ngelayatn BaiPunopo'k di'k midiap dan omant, ¹⁰ dan nyak nunguk kumonik Nak-Ngi so'k surga, di'k jeh Diapm bangkitkan so'k antara nyo kobek, yaitu Yesus, di'k nyelamatkan yah so'k dohuh di'k hu'k monik.