nginal Roh di'k Buasal soh Bai Punopoh ¹ Posi'k-Posi'k ku'k di'k ku'k Kaishi, yih memercayi sutiap roh, melainkan ujilah roh-roh han nyah kutauh oniahkoh dat buasal soh Bai Punopoh karana obeh nabi hokau telah moni'k koni duni. ² matelah mu'k nginal Roh Bai Punopoh: sutiap roh di'k ngakuh bahwa Yesus Kristus telah moni'k wah wujud Manusia buasal soh Bai Punopoh. ³ Sutiap roh di'k kai ngakuh Yesus, kai buasal soh Bai Punopoh. Han adalah roh anti-Kristus, di'k mu'k ngopi'k acap moni'k dan te jeh biat noh dunia te. ⁴ Na'k-Na'k ku'k, mu'k buasal soh Bai Punopoh dan jeh ngalah nabi-nabi kaiBonar han karana ia di'k biat noh wah opuh mu'k lebih doeh soh ia di'k biat noh dunia. ⁵ Nabi-nabi kaibonar han buasal soh dunia. karana han, dat ngomong soh dunia dan dunia ngopi'k dat. ⁶ Yah buasal soh Bai Punopoh. Nyo di'k nginal Bai Punopoh ngopi'k yah, tetapi nyo di'k kai buasal soh Bai Punopoh kai ngopi'k yah. Ngan te, yah tauh Roh kubonar dan roh penyesat. Ayohlah Yah Sali'k Mengasihi ⁷ Posi'k-posi'k ku'k di'k ku'k kasihi, ayohlah yah sali'k mengasihi karana buasal soh Bai Punopoh, dan sutiap nyo di'k mengasihi odiah soh Bai Punopoh dan nginal Bai Punopoh. ⁸ Nyo di'k kai mengasihi kai Kinal Bai Punopoh Karana Bai Punopoh adalah Kasih. ⁹ Matelah kasih Bai Punopoh ninyatakan noh antara yah: Bai Punopoh ngutus Na'k di'k Tunggal koni wah dunia supaya yah dopit midip melalui dipm. ¹⁰ Noh wah telah kasih han: kai yah di'k telah mengasihi Bai Punopoh, tetapi Bai Punopoh lah di'k mengasihi yah dan ngirim Na'k subagai kurban pendamaian bagi dosa-dosa yah. ¹¹ Posi'k-posi'k di'k ku'k kasihi, jika Bai Punopoh begitu mengasihi yah, yah juga harus sali'k mengasihi. ¹² guat biat nyo di'k suah ngolo Bai Punopoh. jika yah sali'k mengasihi, bai Punopoh monai noh wah yah dan kasih-Nya han nisimpurnakan noh wah yah. ¹³ Ngan hal te yah tauh bahwa yah monai noh wah Bai Punopoh dan bai Punopoh noh wah yah karana bai Punopoh jeh memberikan koni yah soh Roh-nya. ¹⁴ Dan, Mih jeh ngolo dan busaksi bahwa Ma telah mengutus Na'k-Nya Jodi Juru Selamat dunia. ¹⁵ sutiap nyo di'k ngakuh bahwa Yesus adalah Na'k Bai Punopoh, Bai Punopoh monai noh wah dipm dan dipm noh wah Bai Punopoh. ¹⁶ jadi, yah telah mengetahui dan telah pucayah Kasih di'k Bai Punopoh miliki bagi yah. Bai Punopoh adalah Kasih, dan nyo di'k monai noh wah kasih, monai noh wah Bai Punopoh dan Bai Punopoh noh wah dipm. ¹⁷ Ngan te, Kasih nisumpurnakan ngan yah supaya yah dopit puh keyakinan diri pada onu penghakiman karana samah seperti dipm, begitu juga yah noh dunia te. ¹⁸ Kai biat kugolah noh wah kasih, tetapi kasih di'k sumpurna ngamoh kugolah kara kugolah berhubungan ngan hukuman. Nyo di'k golah, guat nisumpurnakan wah kasih. ¹⁹ Yah mengasihi karana dipm lobiah tiyat mengasihi yah. ²⁰ jika biat nyo nyonoh, "Ku'k mengasihi Bai Punopoh", tetapi membenci posi'k, nyo han adalah puhokau. Sebab, nyo di'k kai dopit mengasihi posi'k di'k kolo, kai dopit mengasihi bai Punopoh di'k kai kolo. ²¹ Dan, kukuat te yah tihimoh soh Bai Punopoh: Sutiap nyo di'k mengasihi Bai Punopoh, harus mengasihi posi'k juga.