¹ Sukun nah ika pekale nun-nun no pehengu bain katok no tengo ² La'ke-la'ke no muku ndang me'ang i'yong, ulun ja ulun ndang, tengo talam pemgela'n, no tang'gang ³ Bare, kah ro'h-ro'h aya no umbah muku petulan puyan na'no ja, em pasa'aek ulun hu'la jakan, ika pekatok bain no ja. ⁴ Nggu bekenan helo endeng pekatok ro'h-ro'h tenoh ndang mahi hawan na bain anak-anak na. ⁵ Me'ang yong, na no ja, petenang luba'ang amin ha, nyelima bain ngebaya te hawan na, ala la'ha alam muo te katok Tuhan Allah ⁶ Bare'kah pekatok ulun no'tenoh, ire laha ndang ma'ang yo'ng na . ⁷ Talam milo te'me an na, youg'ka no ja na tela'un no ja te ketu en no ja, talan katok. ⁸ Tepu'un no tenang, no hengu, ala mono te he'lo kenan laha am tu'eh meki ikut ne hala te ita la'ah ⁹ Hula-hula tekoh pala Tuan-tuan'na te alam min ikut, nyaga'it nah pehalo h'elo. ¹⁰ Edang Nako, ka'am na ulup ka no ja edang an kelan'i bain kembo'i aran Allah tam, Julong Selamat tam ¹¹ Bare'kah, Pengenje Allah no'umbah na'ne men itam umbah tenang nah men ulun min-min ¹² No endeng maeh ulup men sa'ek, bare kah ulup ulun tam men'ire tah ndang murip, ja tangen te urip kere'ne ¹³ kelun tam mengo urip no ja, no tek'ne bain Allah no aya, no pe'kurip tam. ¹⁴ I'ha ne ma'eh hiong'na utong tam bain nu'li ala tam men buat no hala bain I'ha ne mo'nyo utong hiong'na, hinget ulun pina pilihan'na no tangen neme puyan no ja ¹⁵ Pekatok i'na min-min i n'e. pekale bain an'o i'na bain min ulup no ja. Endeng anyan ulun no te ngeliba'kah.