¹ Ayan Lau Yudas Men Yudas hanyin Yesus Kristus bain pahare Yakobus Min-min helo en pili i bain mahi Allah Tamen, bain nun teme i men Yesus Kristus. ² Bare kah pengahi bain helo, tengo, ja urip kelo ³ Hare-hare ko, ako maeh lau men ika, ire ipat ja bain halo,men kere neh, ateng oh ine te bain ulun no teneng. ⁴ Bare kah ulun-ulun nun saek, ulun una re en penjara kenan na helo hala peteme pengeja Allah, bain helo em mayan mun ala laun Yesus Kristus. ⁵ Ako meki men kelo, Tuhan nun menyelamat ulun-ulun Nah men tana Mesir, barekah Iha kah nun penjara ulun nun em elan. ⁶ Anyan malaikat-malaikat em mayan elan te alem pengelan laha, bain no neteak alin laha urip, ire laha en kaput bain abit nun maka re laha ente alin no lindem, inan nah katok utong ro aya ro nun ateng imeng. ⁷ Bare keti kah Sodom bain Gomora …. ⁸ Bare kah awi ulun-ulun ineh, minah te lupe laha, petula yong, em mayan mun nun ja. ⁹ Mikhael nun pengaya malaikat, pahakat bain to, kenan meto Musa, iha em mayan makeang meki laun na pasa'eak iha, bain iha meki Tuhan kah tuto te ikah. ¹⁰ Bare kah laha nun neme sa'aek em laha tuto nu laha tuto, bain ulup tulan, nun emtuto maeh laha mele en kataha'i. ¹¹ Bareng nah helo kenan ngebawa ano Kain bain nyong hala, awi Beliam teme'i, bare kah sa'eak kenan helo nyakat awi Korah. ¹² Laha nan nyile penguman tasa laha pehelong, laha awi bua nun em tuto ngebua tasa bua ngebua, laha mate awi bua em mayan pakat. ¹³ Laha awi lupeak laut nun ngamok, nun em tuto atek pinja arep, laha awi tulan nun miho, em tuto bano atek te kuoh na. ¹⁴ Kenan laha ine nah Henokh, hulan Adam nun ke tusu tueh neme buat ja, lai i nah Tuhan ne bain malan-malan ulun ja ne. ¹⁵ Ire laha neme pejera min-min ulun, pejera min ulun fasik, ulun sa'eak nun neme kelahe sa'eak te Allah. ¹⁶ Laha ulun nun sa'eak nun mun mita hala ulun, bain beang pesa'eak ulun; peluoh ulup laha arep, laha ulu ba aya, mun kuman arep. ¹⁷ Hare-hare ko itam pelulup bain tuto nun en rasul-rasul umbah ki i laun Tuhan tam Yesus Kristus. ¹⁸ Helo umbah meki men ika, te luman nun atek nete, ne ulun sa'eak mun memuas ulup bain yong laha kere. ¹⁹ Helo nan nah nun atek te murah, bain memuas yong laha, laha em mayan roh. ²⁰ Bare kah ikam hare-hare nun ok kasih'i, ikan nyekeri'eang te uhun no ja, ulup no ja bain ikan sembayeang te alem Roh Kudus. ²¹ Em peteneng i nah yong kah te nun teneng bain mengo tuken ka kenan Yesus Kristus. ²² Hipun em ulup no teneng, te ulun no singong. ²³ Apem bain hila em laha nun atek te labu te api, peteme bain petula em ulup ja kah, bain bi'in milo puyan sa'eak. ²⁴ Beang Iha, nun pengenjam nun jaga ika te labu, bain petula ika bain yong nu tengo te unan Tuhan, bain hani bain tangen. ²⁵ Banan nah nji-nji na Allah, Juru Selamat tam, Iha nah Kristus Yesus, Tuhan tam, nu ja, tangen, maka ateng oh ine te. Amin.