¹ Men Pengya, Me enma no di'pili utung anek ma'a, no ek' ahi'i nun ja baim ako arep tuto min-min ulun kah' no njam atek lan. ² Kenan katok, ayan te' ita ateng hiran te. ³ Pengelan, tuto mahi, bain pengurip halo, men Allah ame'e bain, men Tuhan Yesus Kristus men anek milo, itam baim mahi. ⁴ Ako hani milo anek murip bain temeng, awi nun ta apat men a'me ⁵ Kere' ne ako make te ika em na' meki la'u no, mareng reh' pat tuto pepa'hi ⁶ I' neh nah pengahi kenan' na'a pat murip ngebaya laum Tuhan kenan' nah em' an mahno mahu, at murip bain nah ⁷ Kenan nah mangu ulun pelingo neh tuto te ulun tana neh laha em ngelan te Yesus Kristus bain ulun laha ulun sa'ek. ⁸ Jaga-jaga nah, kelo re'eh klo em' ayan num te pasah men pah beng pat mita na pah'reh ala nah no ja. ⁹ Ulun nen em nyelaggok laun katok Kristus, e'ha em hipun Allah. Hi no nyelanggok katok inen no hipun A'me bere' kah anek ¹⁰ Nju ayan laha ne pala ika em meki katok i'neh, nyum yioh laha. ¹¹ Hi, kereh na ulun no tetima Iha, iha pun te bali ulun no halek no' sa'ek ¹² mangu ikut mun ek tulis'i men i'ka em pako mun neme na pa te'kereta bain tinta. Ako mun penyoh petumbok bain-bain hani. ¹³ Anek-anek roh' ka nun en pili'i meki Lengah te ika.