Zakheus 1 Yesus masuk ke kota Yerikho dan bejalen terus melewati kota itu. 2 Dak situ ade sorang benama Zakheus,kepala pemungut cukai,dan die seorang yang kaya. 3 Die beusaha untok nengok urang apakah Yesus itu,tapi die tide berasel kerena urang banyak,sebeb nyawanya penek. 4 Maka belompatlah die kedepan urang banyak,lalu manyit batang kayu ara untok nengok Yesus,yang akan lewat dak situ. 5 Waktu Yesus sampai ke tempat itu,Die nengok ke atas dan becakap: “Zakheus,cepatlah turun,sebab ari ika Aku arus numpang dak rumah dikau.” 6 Abis itu Zakheus segera turun dan nerima Yesus dengan sukacita. 7 Tapi semua urang yang nengok hal itu notep,katanya: “Die numpang dak rumah urang bedosa.” 8 Tapi Zakheus bediri dan becakap kepade Tuhan: “Tuhan. Setengah dari milik aku akan aku berikan kepade urang susah dan sekiranya ade sesuatu yang aku peras dari seseorang akan aku balikan empat kali lipat. 9 Kata Yesus kepadenya: “Ari ika dah tejadi keselamatan kepade rumah ika,kerena urang ika pun anak Abraham. 10 Sebeb Anak Manusia datang untok mencari dan menyelamatkan yang elang. Perumpamaan tentang duit mina 11 untok mereka yang nenger Die dak situ,Yesus melanyutkan pekataan-Nya dengan suatu perumpamaan,sebeb Die sudah dekat Yerusalem dan mereka nyanka,bahwe kerajaan Allah akan segere nampak. 12 Maka Die bekara: “Ade sorang bangsawan berangkat ke sebuah negeri yang joh untok dilantikkan nyadi raje dak situ dan setelah itu baru balik. 13 Die mangel sepuloh urang ambenya dan meri sepuloh mina kepade mereka,katanya: pakailah ika untok bedagang sampai aku datang balik. 14 Akan tapi urang-urang sebangsanya memenci die,terus ngirim utusan nyusung die untok mengatakan: kami tide nak urang ika nyadi raje atas kami. 15 Dan tejadilah,waktu die balik,setelah die dilantik nyadi raja,die nyuroh mangel ambe-ambenya,yang dah diberinya duit itu,untok tau berapa asel dagang mereka masing-masing. 16 Urang yang petama datang dan bekata: Tuan,mina tuan yang satu itu dah ngasel sepuloh mina. 17 Katanya kepade urang itu: Baik betul pebuetan dikau itu,ei ambe yang baik; dikau dah setia dalem pekara kecik,kerena itu terimalah kekuasaan atas sepuloh kota. 18 Datanglah yang kedue dan berkata: Tuan,mina tuan dah ngasel lima mina. 19 Katanya kepade urang itu: Dan dikau kuasailah lima kota. 20 Dan ambe yang ketige datang dan bekata: Tuan,ikalah mina tuan,aku dah nyimpannya dalem sapu tangan. 21 Sebeb aku takut akan tuan,kerena tuan adelah manusia yang keras; tuan ngami apa yang tide perenah tuan letak dan tuan menuai apa yang tide tuan tabur. 22 Katanya kepade urang itu: ei ambe yang jed,aku akan ngakem dikau menurut penyakap dikau seniri. Dikau sudah tau bahwe aku adelah urang penyakap dikau seniri. Dikau sudah tau bahwe aku adelah urang keras,yang ngami apa yang tide perenah aku letak dan nuai apa yang tide aku tabur. 23 Kalau macam itu,ngapa duit aku itu tide dikau berikan kepade urang yang menyalenkan duit? Maka baliknya aku dapat ngaminya sereta dengan bungannya. 24 Dah tu katanya kepade urang-urang yang bediri dak situ: Amilah mina yang satu itu dari padenya dan berikanlah kepade urang yang punya sepuloh mina itu. 25 Kata mereka kepadenya: Tuhan,die sudah punya sepuloh mina. 26 Jawabnya: Aku becakap kepade dikau: setiap orang yang punya,kepadenya akan diberi,tapi siapa yang tide punya,dari padenya akan diami,juge apa yang ade padenya. 27 Akan tapi semua musoh aku ika,yang tide suka aku nyadi rajenya,bawelah mereka ke sika dan bunohlah mereka dak depan mata aku.” Yesus di sanyung-sanyung dak Yerusalem 28 Dan setelah nyakap semuanya itu Yesus bejalen dak depan mereka dan meneruskan pejalenan-Nya ke Yerusalem. 29 Waktu Die dah dekat Betfage dan Betania,yang teletak dak gunung yang benama Bukit Zaitun,Yesus nyuroh due orang murid-Nya. 30 Dengan pesan: “pegilah kekampung yang dak depan dikau itu: pade waktu dikau masuk da distu,dikau akan nyompa sikur keledai mude terikat,yang belom perenah dinait urang. Lepaskanlah keledai itu dan bawelah ke sika. 31 Dan kalau ade urang betanya kepade dikau: Ngape dikau melepaskannya? Jaublah begika: Tuhan memerelukannya.” 32 Dah tu pegilah mereka yang disuroh itu,dan mereka dapat segale sesuatu seperti yang dah dikatakan Yesus. 33 Waktu mereka melepaskan keledai itu,bekatalah urang yang punya keledai itu: “Ngapa dikau melepaskan keledai itu?” 34 Kata mereka: “Tuhan memerlukannya.” 35 Mereka mawe keledai itu kepade Yesus,dah tu ngalasnya dengan pakaian mereka dan mantu Yesus nait ke atasnya. 36 Dan sementara Yesus nait keledai itu mereka mentang pakaiannya dak jalen. 37 Waktu Die dekat Yerusalem,dak tempat jalen turun ke Bukit Zaitun,molailah semua murid yang ngiring Die begembira dan memuji Allah dengan sora nyaring oleh kerena segale mujizat yang meraka tengok. 38 Kata mereka: “Diberkatilah Die yang datang sebagei Raje dalem nama Tuhan,damai sejahtera dak sorga dan kemuliaan dak tempat yang mahatingi!” 39 Beberapa urang Farisi yang turut urang banyak itu bekata kepade Yesus: “Guru,tegahlah murid-murid Dikau itu.” 40 Jaub-Nya: “Wahai,betapa baiknya kalau pade ari ika juge dikau ngerti apa yang perelu untok damai sejahtera dikau; tapi kiningka hal itu tesemunyi bagi mata dikau. 43 Sebeb akan datang arinya,bahwe musoh dikau akan ngeliling dikau dengon kubu,dah tu ngepong dikau dan ngapit dikau dari segale jurusan, 44 dan mereka akan meminasakan dikau besereta dengan penduduk dikau dan pade temok dikau mereka tide akan membierkan satu batu pun tingel teletak dak atas batu yang lain,kerena dikau tide tau saat,bilemana Allah melawat dikau.” Yesus menyucikan Bait Allah 45 Dah tu Yesus masok ke Bait Allah dan molailah Die ngalau semua pedangan dak situ, 46 kata-Nya kepade mereka: “Ade tetulis: Rumah- Aku adelah rumah doa. Tapi mika jadikannya sarang penyamun.” 47 Tiap-tiap ari Die mengajer dak dalem Bait Allah imam-imam kepala dan ali-ali Taurat sereta urang-urang tekemuka dari bangsa Israel berusaha untok meminasakan Die. 48 Tapi mereka tide tau,bageimana arus melakukannya,sebeb seluroh rakyat tepikat kepade-Nya dan nak menegerkan Die.