Tabe teke Yudas ¹ Teke Yudas, walah Yesus Kristus dan pulaksanai Yakubus mpah reo sa na peli pada na pa,ahi Allah Uma, dan na pariku pa Yesus Kristus. ² Kira ne ahi lelu, damai sejahtra andri palelu ponu hang iko. Allah kai hukum reo sa ngulah hala ³ Pulaksanai ku sa na ku sinta, samentara aku bausaha manulis mpah iko neo keselamatan takam kahai, aku nginam perlu manulis mpah iko dan laku pakai iko bajuang tuu-tuu pakai iman na tahampe hindra ma kangohang ne mpah ulun-ulun barasis. ⁴ Daya ulun-ulun tertentu haut menyusup bakoi na sadari, iyo iro reo sa teka sali haut na ingkeh pakai na hukum, ulun-ulun sa bakoi ba iman sa ngampihala anugerah Allah takam pakai memuaskan nafsu pada bakoi narime penguasa dan Tuhan takam, Yesus Kristus. ⁵ Aku hamen ngampi itung iko biar iko haut ngantue ne sa ponu ne, Tuhan haut nyelamat umat ne andri ngoit reo kaluar teke tana mesir, udi Yiro Io nandrusak reo sa bakoi harap. ⁶ Dan, malaikat-malaikat sa bakoi harap hang batas-batas kekuasaan reo, malainkan nanan duoi reo, haut Io suruk andri rantai abadi gi huang sirom sa lewi sirom pakai panghakiman gi ondro idu di hie. ⁷ Mihie pada Sodom pada Gomora pada tumpuk-tumpuk gi sakitar ne sa ngampi puas tonga huang dosa seksual nelang notas nafsu sa bakoi wajar, haut nangung hukuman apai kekal jari suntu. ⁸ Mihie pada ulun-ulun itu, ngandal upi ulis reo, nanrusak tonga, bakoi narime kekuasaan nelang ngakupe katuluh sa mulia. ⁹ Mikhael, panghulu malaekat, hantek io kalait andri setan neo bangkai Musa, bakoi ronu ngontuh papaneran hujatan mpah io, kode hanye nyawada, kira ne Tuhan nyangit iko. ¹⁰ Kude kawan panyantawang itu menghujat hal-hal sa bakoi na katoe reo, ekat reo katoe berdasarkan naluri, nyalah situa sa bakoi uweng akal. Daya hal-hal iro leh reo kai na sanenuh. ¹¹ Salaka reo! reo haut baya lalan na etah Kain, pada notah andri sarakah khalaen sa na ulah Bileam, pada lenuh et pemberontakan Korah. ¹² Reo itu nyalah noda huang perjamuan lelunu, sa ngokan pangokan baya iko bakoi uweng takut, paduli ekat pah io raerai. Reo nyalah awan sa bakoi ngoit uran, sa na siwui riwut pa aru pa taha. Reo nyalah kayu sa bakoi mua hang musim ne, matei ruo kali, na bunat wakat-wakat ne. ¹³ Reo nyalah lomang laut sa tamam, sa nyamure ke hinaan reo raerai. Reo nyalah wiwi hiang sa bakoi tatap duoi ne, sa bagi io siro pitop sa haut na sadia pakai ka nyohang ne. ¹⁴ Pada reo ulun-ulun itu leh Henokh, katurunan ka pitu teke Adam, nahampe, "Ite, Tuhan hawi andri baribu-ribu ulun barasis ne. ¹⁵ Neo nampalus penghakiman pah kahai ulun; Nukum kahai ulun fasik gi obo gawian fasik sa reo ulah andri sara fasik. Pada gi obo antuhan kasar sa haut na antuh daya ulun-ulun badosa sa fasik gi hadapan Allah. ¹⁶ Reo ulun-ulun katuju mengeluh, ngeto kahalaen, uma hawa nafsu reo raerai; Reo bawawa idu pada nelap ulun pakai kaiyus kauntungan. Peringatan andri Nasehat ¹⁷ Pulaksanai-pulaksanai sa na palelu ku, iko harus ngitung inun sa haut na ontuh rasul-rasul Tuhan takam Yesus Kristus. ¹⁸ Reo haut nyawada mpa iko, "Hang zaman akhir, naan kawan pencemooh sa haut uma nafsu reo sa fasik. ¹⁹ Reo ulun-ulun sa ngulah perpecahan, uma nafsu duniawi, sa bakoi naan Roh. ²⁰ Kode iko pulaksanai, sa uki kalelu, buan iko raerai gi obo iman sa paling barasis pada ilako dua wuang roh. ²¹ Parilaku tonga ko huang sinta Tuhan nelang ngandrei rahmat Tuihan takam Yesus Kristus, sa ngoit pah huang wolum kekal. ²² Milikilah kemurahan ate mpah reo sa ragu-ragu, ²³ karawahleh ulun lain andri nanrabut reo teke apui. Mpah sa lain, ampi iteh leh ahi lelu na sindrah rasa takut, andri muar pama here sa na tamere hawa nafsu duniawi. Tawat Hurmat mpah Allah. ²⁴ Mpah io sa bakuasa nyaga iko bakoi lawu pada pihawian ko bakoi cacat gi muka kemuliaan -Ne andri sukacita idu. ²⁵ Mpah erai ne Allah, Juruselamat takam metah Kristus Yesus, Tuhan takam, kemuliaan, keagungan, kekuatan, pada kuasa ma kalalawahne; sali, tataha. hampe ka kohang ne. Amin