¹ jik waktu adi, herodes, raja ukan, ngeringok kabar yesus. ² madi, iyo bejantuh ngatoh hamba-hamba o, ihiklah yohanes pembaptis. iyo orum bangkit tat ihang urun yang matoi tat adilah mujisat-mujisat ihik kereja nek uhang koreng-o." ³ madi, herodes orum nawan yohanes, ngonjohot iyo,dain pasok iyo ngato penjara konuan herodias, oruh filipus, isit alek herodes. ⁴ karna yohanes kalak bejantuh ngatoh yo, ''bea orong o makan kok aun o herodias,'' ⁵ madi, pun herodes kanek monjong yohanes , iyo mikoh ngatoh urun sauh karna ero dohok yohanes di nabi. ⁶ madi pun, pas dou ulang tahun herodes , anak herodias yang bawek nginyah nek usuk urun, hal adi pun pesenang songan herodes, ⁷ hampai yo pun nurit arop o kan makan anun pun yang tenamon bawek di. ⁸ tat hak, orum senyamak kenuan inyai o, bawek di bejantuh, '' makan ngatoh aku, kuhung yohanes pembaptis nek ujung talam.'' ⁹ madipun raja sedih, karna turit o, kabun urun nyangkak yang kumek haboi-habaoi dain yo, iyo pun suk rauk hak pun nakan. ¹⁰ iyo suk molong koran yohanes nek uhang penjara. ¹¹ kabun, kuhung yohanes nombin nek ujung tala, kabun adi nakan ngatoh bawek di, madi iyo pun bin o ngtoh iyai o. ¹² urik adi, murid-murid yesus dape, iduk koreng o, madi ngubur o, madi, ero pun tokak, kabun dohok ngatoh yesus. ¹³ pas yesus ngeringok o , iyo pun narik arop o tat ahak dain arut, ngatoh ukan yang sopi kedirik. kabun, urun-urun yang ngeringok ihik, ero meriah-yo dain seraoi paotat kota-kota. ¹⁴ yesus pun ahak, iyo ngemarek nyangkak urun, kabun masik ngatoh ero, urik adi nyempurih pemoroh mereka. ¹⁵ pas dou kanek marum, dorang murid-murid dape ngatoh yesus kabun bejantuh.''ukan ihik mororingoh kabun dou pun kanek marum no. suk urun sauh di tokak toh desa-desa kabun mori dorang usoh makan arop do.'' ¹⁶ madi, yesus bejantuh ngatoh ero, ''ero bea alah kak tokak. kam yang makan ero dorang usoh.'' ¹⁷ ero pun bejantuh ngatoh-yo,''dehik kai bekan dorang anun-anun, sarak tat 5 lambek roti kabun 2 koreng ojon.'' ¹⁸ madi, iyo bejantuh, ''bin tohik, makan ngatoh-aku.'' ¹⁹ urik adi, iyo suk urun sauh munduk nek ujung uru, kabun yo iduk 5 lambek roti dain 2 koreng ojon di, kabun sambil nengkarak toh haun, iyo ngucap sukur kabun ngumbok-ngumbok dorang roti adi. arum adi, iyo makan ngatoh murid-murid-o, madi murid-murid-o makan ngatoh urun sauh. ²⁰ madi, ero pun kumek nyamon do madi bosuh, urik adi ero iduk buntak dorang roti adi, naan duo belas ragak ponuk. ²¹ madi, ero yang kumek adi kira-kira naan 5.000 bakah, bea apo dorang bawek kabun dorang anak kenyam. ²² yesus nyamak dorang murid-murid-o masok ngatoh arut kabun tokak muno tat-yo ngatoh pohoi di, orum adi iyo suk urun sauh adi murik. ²³ kabun, urik tat adi yesus suk urun sauh di murik, iyo nyakoi toh ujung puduk kedirik o kabun bedoa. urik dou kanek marum, iyo kedirik nek di. ²⁴ urik adi, arut di ajuk no tat kobang, kirak-kirak kenuan gelombang karna belawan dain baheu. ²⁵ madi, jam yang ko opat adi, iyo dape ngatoh ero, seraoi nek ujung danum. ²⁶ madi dorang murid ngemarek-yo seraoi nek ujung danum, ero pun mikoh madi ngehawang, '' adi otu!'' madi ero ngehawang karna mikoh. ²⁷ urik adi , yesus bejantuh ngatoh ero, koyo, '' baaskanlah songan nuk! ihik aku, ayo mikoh.'' ²⁸ madi, petrus bejantuh ngatoh-yo, ''tuhan, kalau ahak kok, suk aku dape ngatoh-kok nek ujung danum hik,'' ²⁹ yesus bejantuh, ''tohik no!'' urik adi, petrus ahak tat arut, kabun seraoi nek ujung danum, kabun dape ngatoh yesus. ³⁰ madi, urik kitok baheu, iyo mikoh kabun tonggolam. iyo ngehawang, ''tuhan, nyelamat aku!'' ³¹ yesus pun pajong rongon-o, ogom petrus, kabun bajantuh, '' kok yang kurang iman, anun po kok ragu-ragu?'' ³² madi ero masok ngatoh uhang arut, baheu pun ngero'ot. ³³ kabun ero pun yang naan nek uhang arut di nyembah yesus kabun bejantuh, ''sesungguh o, kok no lah anak allah!'' ³⁴ urik kotah, ero pun dape nek tanak genesaret. ³⁵ kabun urun-urun nek ukan adi nyengkonok-iyo, ero dohok ngatoh nyamon daerah adi kabun binnyamon urun yang alah o ngatoh yesus. ³⁶ ero mohon ngatoh yesus pak ero tou agom ujung jubah-o kabun nyamon urun yang ogom o di jian.