¹ Yesus yang ponu'k da'in Roh Kudus Po'lrae'k Ttat Yordan. U'lri'k adi, Iyo tonomimpin konuan Roh Kudu ngatoh padang belantara ² kotahi'k 40 dow kan tononcuba konuan Iblis. Iyo bea kuman anun pun kotahi'k dow-dow adi. Kotihan tomah noh, Iyo ba'lrew butin. ³ U'lri'k adi, Iblis bojantuh ngatoh-Iyo, "Kenah ko'k anak Mohon Tara'k, suu'k noh batu ihi'k ba'lrew roti." ⁴ Yesus mutay iyo, naan tonulih, 'Tolino mi'lruf bokon tat roti ma'k."' ⁵ U'lri'k adi, Iblis bin Yesus ngatoh ukan yang hangkas kabun poti'lro'k ngatoh-Iyo jamon kerajaan pida'k dow hi'k secara sekilas. ⁶ U'lri'k adi, Iblis bojantuh ngatoh-Iyo,"Akunanah nyah makan ko'k kuasa kabun kemuliaan Tat jamon ukan adi, konuan jamon o bo'lrum nakan nakan ko'k. Kabun aku makano ngatoh abe'k ma'k yang koka'lrayku. ⁷ Jadi, Kenah ko'k menyembah aku, jamon o di nanah ba'lrew enu'k uras awun-O. ⁸ U'lri'k adi, Yesus mutay, "Naan tonulih, 'Ko'k harus nyembah Tuhan Mohon Tara'k nu'k, kabun hanya ngatoh-Iyo ma'k ko'k harus berbakti."' ⁹ U'lri'k adi, Iblis bin Yesus ngatoh Yerusalem u'lri'kadi mina'k Iyo ne'k tampuk Bait Allah. Koyo Iblis ngatoh Yesus, "Kenah ko'k Anak Mohon Tara'k, pau'k a'lrop nu'k noh jah tat ihi'k ngatoh pida'k, ¹⁰ konuan naan tonulih, 'mengenai ko'k, Mohon Tara'k nanah nyah morentah malekat-malekat-O pa'k jaga-Ko'k.' ¹¹ Kabun, 'Da'in 'lrongon do, e'lro noha'lrang-Ko'k pa'k paan-Nu'k bea tukun pangkuk batu."' ¹² Mutay Yesus ngatoh Iblis, "naan tonulih, 'Ayo ningkeh Tuhan Mohon Tara'k nu'k,'" ¹³ U'lri'k Iblis tumah ningkeh Yesus, iyo kosang notak-Iyo kabun mihan kesempatan bukon pain. ¹⁴ Yesus po'lrae'x ngatoh Galilea dain ponu'k Roh Kudus, Kabun Ta'lrung tentang-Iyo nyebar ngatoh jamon daerah ne'k dokin o. ¹⁵ U'lri'k adi Iyo nompuun payo'k ne'k sinagoge kabun jamon u'lrun memuji-Iyo. ¹⁶ U'lri'k adi Yesus naat ngatoh Nazaret, Kota ukan Iyo tonontongun. Ama'k kobiasaan-O, Yesus naat ngatoh sinagoge ne'k dow sabat kabun nongkojong pa'k mombaca. ¹⁷ Kitab Nabi Yesaya Nakan ngatoh-Iyo, U'lri'k adi Iyo muka'k kitab adi kabun nyombang bagian yang menulihkan, ¹⁸ "Roh Mohon Tara'k naan ukan-Aku, konuan Iyo bo'lrum menguraoi Aku pa'k poba'lra'k ta'lrung jian ngatoh u'lrun-u'lrun miskin. Iyo mengutus Aku pa'k poba'lra'k pembebasan ngatoh do'lrang tawanan, kabun pemulihan poni'lro'k ngatoh u'lrun-u'lrun yang ka'lron, pa'k piah u'lrun-y'lrun yang totindas, ¹⁹ kabun pa'k poba'lra'k bahawa rahmat Mohon Tara'k dape noh." ²⁰ Yesus nutup kitab adi u'lri'k adi pu'lri'k o ngatoh pejabat 'lropow ibadah, kabun u'lri'k adi Iyo munduk. Matan jamon u'lrun ne'k uhang sinagoge di terpukau ngatoh a'lrop-O. ²¹ U'lri'kadi, Yesus nompuun bojantuh ngatoh e'lro, "jidow hi'k, genap no anun yang tonulih ne'k uhang kitab suci ihi'k ji'k ko'k ngo'lringo'k iyo." ²² Kabun jamon u'lrun ngohinut -Iyo sambel toheran-heran ngatoh 'lroin indah yang aha'k tat boa'k-O. E'lro bojantuh, "Bokon da'k Iyo ihi'h anak Yusuf?" ²³ U'lri'l adi, Yesus bojantuh ngatoh e'lro, "Ko'k pasti nyah manga'k peribahasa ihi'k ngatoh-Aku,'Tabib nyompu'lrih o no jah a'lrop nu'k nunggan nu'k! Kai ngo'lringo'k tentang de'k ang-ang yang konuan no'k ne'k Kapernaum, nguan konoh jah de'k ang adi ne'k ihi'k sa'k, ne'k kota asal-Nu'k nunggan."' ²⁴ U'lri'k adi iyo bojantuh, "Aku bojantuh ngatohko'k, sesungguho bekan Nabi yang tonorima'k ne'k kota asal o nunggan. ²⁵ Uhang kohinuto, Aku dohok ngatoh ko'k, naan sa'uh ba'lru ne'k Israel ne'k zaman Elia, ketihan haun toko'op kotahi'k to'lru to'an kabun onom po'lrama'k, kotihan kobutinan nyangit nguwan jamon negeri. ²⁶ Akan tetapi, Elia bea tongutus ngatoh ape'k pun kecuali ngatoh ji'k bah ba'lru ne'k Safrat, ne'k daerah sidon. ²⁷ Kabun, naan sauh ngarot pomo'lroh kusta ²⁸ Ketihan ngo'lringo'k de'k ang-ang ihi'k, jamon u'lrun-u'lrun ne'k uhang sinagoge adi pomonu'k dain kojo'lri. ²⁹ Maka, nongkojong noh e'lro kabun nyeret Yesus ngatoh aha'k tat kota adi, u'lri'k adi bin-Iyongatoh tampuk pudu'k ukan kota do tonongkojong pa'k pau'k Iyo tat bi'lras kosi'k. ³⁰ Akan tetapi, Yesus noma'lrow tat ohun-ohun e'lro kabun ngontoang. ³¹ Yseus naat ngatoh Kapernaum, ji'k lambe'k kota ne'k wilayah Galilea, Kabun ngajar u'lrun sa'uh ne'k dow sabat. ³² E'lro kagum ngatoh pengajaran-O konuan 'lroin-O yang ponu'k dain kuasa. ³³ Ne'k sinagoge, naan ji'k bah bakah yang korasukan roh setan yang najis. U'lrun adi ngohawang dain soun yang ba'as, ³⁴ "bosua oma'k jah kay nunggan! Anun urusan-Nu'k dain kay, hai Yesus, u'lrun Nazaret? Anun poh Ko'k dape nyah numah metek kay? Aku tou abe'k poh ko'k, yang Kudus tat Mohon Tara'k ³⁵ akan tetapi, Yesus nyoregah roh setan adi, konoh-Iyo, "Tonih! Aha'k noh tat u'lrun ihi'k!" U'lri'k setan adi mingas u'lrun adi ngatoh tana'k, ne'k usuk jamon u'lrun, iyo aha'k tat ko'lreng u'lrunadi kabun bea mo'lroh iyo. ³⁶ Dain ponu'k kokaguman, jamon u'lrun yang naan ne'k adi bojantuh jibah ngatoh yang bokon, ''lroin anun poh ihi'k? konuan dain wibawa kabun kuasa, Iyo momerentah roh-roh najis adi, kabun e'lro poh aha'k." ³⁷ Kabun, Ta'lrung tentang Yesus kota'lrung ngatoh jamon ukan ne'k jamon daerah adi. ³⁸ U'lri'k adi Yesus notak 'lropow ibadat adi kabun naat ngatoh 'lropow Simon. jii'k adi, umpuk simon yang bawe'k benteng 'lroho'k nyangit, konuan adi e'lro tamo'k Yesus pa'k nyompu'lrih iyo. ³⁹ U'lrik adi, nongkojong noh Yesus dokin umpu'k Simon kabun nyoregah 'lroho'k adi, kabun pomo'lroh o poh jian. kotihan adi sa'k, umpu'k simon ngomokat kabun nompuun melayani e'lro. ⁴⁰ Kotihan matan dow nyah kane'k kojob noh, jamon u'lrun bin koluarga do yang ngarot bobagai jenis pomo'lroh ngatoh Yesus. U'lri'k adi Yesus puyah 'lrongon-O ne'k ujung e'lro masing- masing kabun nyompu'lrih e'lro. ⁴¹ Setan-setan pun aha'k tat u'lrun sauh adi sambel ngohawang, " Ko'k ihi'k noh Anak Momon Tara'k!" Akan tetapi, Tesus nyoregah e'lro, Iyo bea pohonow E'lro bojantuh konuan e'lro tou bahawa Iyo iyonoh Kristus. ⁴² Kosiap dow o noh Yesus naat ngatoh ico'k ukan yang tonih pa'kukan-O nungayo. U'lrun sa'uh manggow-Iyo, kabun kotihan e'lro nyombang-Iyo, e'lro bousaha po'lroa'k Iyo pa'k bea notak e'lro. ⁴³ Akan tetapi, Iyo bojantuh ngatoh e'lro, " Aku harus pota'lrung Injil Kerajaan Mohon Tara'k ngatoh kota-kota yang bokon sa'k konuan pa'k ihi'k noh aku tongutus." ⁴⁴ U'lri'k adi, Yesus berkotbah ne'k sinagoge-sinagoge ne'k Yudea.