¹ Ne'k dou adi, Yesus bedoa ne'k ukan adi. Ji'k Yo tumah noh bedoa, jibah tat murid-murid-O bejantuh ngatoh-Yo, "Mohontara'k, ajarlah kai bedoa haboi macam Yohanes ngajar murid-murid o." ² Uri'k adi Yesus bejantuh ngatoh ero, "Ji'k ko'k bedoa, bedoalah macam ihi'k: 'Amai, kenguduslah aran nu'k. dapelah kerajaan-Nu'k. ³ Makanlah ngatoh kai rau'k usoh yang pas jap dou, ⁴ Kabun ampunilah dosa-dosa kai sebab kai kediri'k pun mengampuni urun yang besara'k ngatoh kai. kabun ayolah bin kai toh uhang pencobaan." ⁵ Uri'k adi Yesus bejantuh ngatoh ero, "Seandaio sara'k jibah tat kam naan jibah jerehan kabun kam toka'k toh ropou jerehan ne'k di ne'k ohun romui dain bejantuh ngatoh yo, 'Jerehan, porai aku toru koe, ⁶ Karena jibah rehanku yang benteng seraoi periat toh ropou ku, tapi'k aku bekan anun-anun ne'k ropou kan nakatku ngatoh yo.' ⁷ Mungkinkah rehan nu'k tat uhang ropou nu'k ngejawab, 'Ayo ngacau aku! Antep orum kengunci kabun aku dain anak-anakku dah ukan turuy turui noh. Aku bea tou mokat kan makan anun pun ngatoh ko'k.' ⁸ Aku dohok ngatoh ko'k bahwa meskipun rehan nu'k di bea mokat kabun makan rauk ngatoh ko'k karena ko'k jerehan no, tapi'k karena ko'k memohon nurou, iyo pasti mokat kabun makan anun yang kenerolu nu'k. ⁹ Jadi'k, Aku dohok ngatoh ko'k tamo'klah, ko'k akan nerima'k. Pagoulah, ko'k akan kenoon. ngetuko ma'k, antep nyah kenembuka'k kan ko'k. ¹⁰ Sebab abe'k pun yang tamo'k nyah nerima'k. Abe'k pun yang pagou nyah kenoon. kabun abe'k pun yang ngotuk, antep nyah kenemuka'k makan yo. ¹¹ Naankah jibah amai ne'k ihang kam yang nyah makan kehako ngatoh anako kalau iyo tamo'k ojon? ¹² atau makan yo katep kara'k, kalau yo tamo'k toruh? ¹³ Kalau ko'k yang jaat tou mamoko makan dain jian ngatoh anak-anak nu'k, apalagi'k Amai nu'k ne'k surga. Iyo nyah makan Roh Kudus ngatoh urun-urun yang tamo'k ngatoh-Yo." ¹⁴ Pas, ne'k dou adi, Yesus ngusir setan tat jibah urun bakah yang bisu'k. orum setan di aha'k, urun yang nai bisu'k di konan bejantuh kabun urun nyangka'k jadi heran. ¹⁵ Tapi'k, pepiro bah urun bejantuh, "Iyo ngusir setan dain kuasa Beelzebul, ongkon dorang setan." ¹⁶ Pepiro urun bokon kane'k ngencoba Yesus, ero tamo'k payo'k ico'k tanda tat surga. ¹⁷ Tapi'k, Yesus tuan-No anun yang kenemikir do kabun bejantuh ngatoh ero, "Jap kerajaan yang batoubok-ubok kabun haboi nyorang nyah hancur. Kabun, keluarga yang anggota-anggotao haboi bemusuh kan becerai borai. ¹⁸ Jadi'k, kalau Iblis pun batoubok-ubok kabun ngelawan aropo kediri'k, mamoko mungkin kerajaano konan tetap betahan? Aku dohok macam adi karena kam dohok bahwa Aku makai kuasa Beelzebul kan ngusir setan-setan. ¹⁹ Kalau Aku ngusir setan-setan dain Beelzebul, dain kuasa abe'k po anak-anak ne'k ngusir ero? Karena adi, erolah yang nyah jadi hakim nu'k. ²⁰ Tapi'k, kalau Aku makai kuasa Mohontara'k kan ngusir setan, kerajaan Mohontara'k orum dape toh ko'k. ²¹ Kalau naan jibah urun yang besenjata lengkap ngenjaga istana o kediri'k, penatou pengaya o pasti aman. ²² Namun, kalau naan urun yang nerobi'k baas tat yo kane'k nyorang kabun narou kano, maka urun yang nerobi'k baas adi harus ngerampas senjata-senjata yang kengandal nuan urun adi kabun ngembagi-bagikan penatou rampasano. ²³ Abe'k pun yang bea ne'k pihak-Ku, iyo ngelawan Aku. Kabun abe'k pun yang bea ngumpulkano hehaboi dain Aku, iyo mencerai beraikan." ²⁴ "Apabila riou jaat aha'k tat koreng urun, riou adi nyah bekeliling nemarou ukan-ukan yang toyah kan pagou ukan ngeroot, tapi'k yo beakan kenoono. Karena adi, iyo bejantuh, 'Aku nyah peraek toh ropou yang orum kenerootku.' ²⁵ Ji'k yo peraek, iyo kenoon ropou adi uhang keadaan senyapu beresih kabun teratur rapi. ²⁶ Uri'k adi, riou jaat ditoka'k kabun bin tuju'k riou yang nerobi'k jaat pain tat yo kan masok kabun ngeroot ne'k ropou adi sampai nyanyam urun nedi bareu aju'k nerobi'k jaat tat biasao." ²⁷ Ji'k Yesus dohok ihi'k, jibah bawe'k ne'k ihang urun nyangka'k bejantuh, "keneberkatlah tara'k yang peraon Ko'k kabun tusu'k yang petusu'k Ko'k." ²⁸ Tapi'k, Yesus bejantuh, "Berbahagialah urun-urun yang neringo'k firman Mohontara'k kabun menaatio." ²⁹ Ji'k urun-urun yang bekumpul makin nyangka'k, Yesus bejantuh, "Ponorus ihi'k iyo noh ponorus yang jaat; ero tamo'k tanda, tapi'k bekan ico'k tanda pun yang tenunju'k ngatoh ero kalu bea tanda Yunus. ³⁰ Macam Yunus yang bareu tanda makan urun-urun Niniwe, macam adilah Anak Telino nyah bareu tanda kan ponorus ihi'k. ³¹ Pas dou Kiamat, Ratu tat Selatan nyah peraek mirup hehembeh urun-urun ponorus ihi'k kabun iyo nyah ngukum ero karena iyo dape tat lambong bumi kan peteringo'k hikmat Salomo, sedangkan nehi'k naan jibah urun yang nerobi'k tongun tat Salomo. ³² Pas dou kiamat, urun-urun Niniwe nyah peraek mirup hehembeh ponorus ihi'k kabun ngukumo, karena urun-urun Niniwe betobat ji'k Yunus bekotbah me'k usuk do, sedangkan nehi'k naan jibah urun yang nerobi'k tat Yunus." ³³ "Bekan jibah urun pun yang orum pirup pelita, nyah mina'k pelita adi ne'k ukan yang teringot atau ne'k pida'k kantang. Sebaliko, ero mina'k pelita di ne'k paan pelita sehingga urun-urun yang masok konan niro'k cahayao. ³⁴ Matan iyonoh pelita koreng nu'k. Kalau matan nu'k jian, nyamon koreng nu'k pun ponu'k dain terang. Tapi'k, kalau matan nu'k jaat, Nyamon koreng nu'k pun ponu'k dodohom. ³⁵ Karena adi, jejianlah pa'k terang ne'k uhang arop nu'k bea bareu dodohom. ³⁶ Kalau koreng nu'k pomonu'k dain terang kabun bekan yang dodohom, koreng nu'k adi terang nyamon haboi macam ji'k jilambe'k pelita peterang ko'k dain cahaya o." ³⁷ Uri'k Yesus orum noh bejantuh, jibah urun Farisi bin-Yo kume'k. Iyo pun dape, poda'k munduk kabun kume'k. ³⁸ Tapi'k, urun Farisi adi heran ji'k miro'k Yesus bea behe'k rongon-O muno ji'k beapo kume'k. ³⁹ Namun, Mohontara'k bejantuh ngatoh iyo, "Urun-urun Farisi macam ko'k meresih ne'k aha'k cawan kabun pigan, tapi'k ne'k uhang koreng nu'k ponu'k dain keserakahan kabun kajaat. ⁴⁰ Hai urun-urun uong! Bokonkah Iyo yang nampa'k ne'k aha'k kabun nampa'k ne'k uhang? ⁴¹ Karena adi, bagikanlah anun yang naan ne'k uhang nu'k di kan sedekah nu'k. dain macam adi, ko'k nyah orong-orongo beresih, ⁴² Tapi'k, celakalah ko'k, urun-urun Farisi! Sebab, kam makan perpuru'k ne'k ujung hasil selasih, kabun nyamon macam beroan kobun nu'k, tapi'k kam be neringo'k keadilan kabun kasih Mohontara'k. Seharuso, ko'k nampa'k nyamon hal adi tanpa mengabaikan hal-hal yang bokon. ⁴³ Celakalah ko'k urun-urun Farisi karena ko'k nyan munduk ne'k ukan yang terjian ne'k sinagoge kabun sa'k nyan nerima'k hormat ne'k pasar. ⁴⁴ Celakalah ko'k karena ko'k macam kelabu yang bea betanda yang kengonja'k-ngonja'k urun tanpa ero sadari." ⁴⁵ Uri'k adi, sara'k jibah urun ahli Taurat bejantuh toh Yesus, "Guru, ji'k Ko'k dohok hal-hal ihi'k, Ko'k pun ngehina kai," ⁴⁶ Namun, Yesus ngenjawab o, "Celakalah ko'k, hai ahli-ahli Taurat! Sebab, ko'k mina'k beban yang bahat kan senyaan urun bokon, tapi'k arop nu'k kediri'k bea kane'k nyentuh beban adi dain ico'k anak rongon pun. ⁴⁷ Celakalah ko'k karena nampa'k kelabu kan nabi-nabi yang nonjong nuan ain ayuh nu'k. ⁴⁸ Bahkan, ko'k dohok ngatoh nyamon urun bahwa ko'k ngaku'k tebiat ain ayuh nu'k; erolah yang monjong nabi-nabi adi, tapi'k ko'k yang nampa'k kelabu o. ⁴⁹ Ihi'klah sebab o, Mohontara'k uhang hikmat-O bejantuh, 'Aku nyah ngutus nabi-nabi kabun rasul-rasul ngatoh ero, tetapi'k pepiro urun-urun yang kengutusKu di nyah nonjong kabun keneyiksa,' ⁵⁰ Pa'k daha'k nyamon nabi, yang batorubang ji'k dunia keneciptakan, konan kenetuntut tat ponorus ihi'k, ⁵¹ Mulai tat daha'k Habel tiri'k daha'k Zakharia, yang nonjong ne'k ihang altar kabun Bait Allah. Adinoh, Aku bejantuh ngatoh ko'k bahwa ponorus ihik nyah bertanggung jawab terhadap hal ihi'k. ⁵² Celakalah ko'k, hai ahli-ahli Taurat! Sebab ko'k orum du'k kunci pengetahuan, tapi'k, ko'k kediri'k bea kane'k masok kabun ngehalang urun bokon kan masok." ⁵³ Uri'k Yesus notak ukan adi, ahli-ahli Taurat kabun urun-urun Farisi mulai memusihi-Yo kabun menekan-Yo dain pepiro pertanyaan. ⁵⁴ Ero berkomplot kan nawan Yesus dain jantuh yang tendohok-O