¹ Tat Paulus, Silwanus kabunTimotius ngatoh jemaat ne'k Tesalonoka, yang na'an ne'k uhang a'lran Allah Amay kabun ne'k uhang MohonTara'k Yesus Kristus. Anugerah kabun damai mo'lriah ko'k. ² Kai bunang ngucap syukur ngatoh Mohon Tara'k kan kam nyamon, kabun mara'k ne'k uhang doa - doa kay, ³ bijoin ngingat kereja iman, usaha masi'k, kabun ketekunan pengharapannu'k ne'k uhang Mohon Tara'k to, Yesus Kristus, ne'k usuk poni'lro'k Mohon Tara'k kabun Amay to. ⁴ Isit - ale'k yang ponoasi'k Mohon Tara'k, kotouonojah bahawa Iyo bo'lrum mi'lrik ko'k. ⁵ Konuan adi, Injil* kay bea dape ngatoh ko'k ne'k uhang 'lroin ma'k, tapi nek uhang kuasa sa'k, uhang Roh Kudus*, kabun koyakinan ponu'k; ama'k yang kotu'an u'lrun - u'lrun ama'k amo ko po'h kay ki'k ne'k ihang kam, demi kopontingan ene'k. ⁶ Ko'k borum no nyodung a'lrew u'lrun - u'lrun yang noladan kay kabun Mohon Tara'k karena ko'k norima'k firman uhang sauh pomo'lro'h kabun kongadah tat Roh Kudus, ⁷ pa'k ko'k ba'lrew toladan makan jamon u'lrun pocaya'k ne'k Makedonia kabun Akhaya. ⁸ Konuan adi, tat ko'k firman Mohon Tara'k bogema bokon ne'k Makedonia kabun Akhaya, melainkan ne'k jamon ukan, iman nu'k ngatoh Allah bo'lrumno tosobar sehingga jay bea pongolu dohok anun - anun pain. ⁹ Konuan adi, e'lro kondiri'k ne'lreteo tentang kay, ma'k amo ko kam nyambut kay, kabun ma'k amo ko kam po'lraex ngatoh Allah tat borhala - borhala* kan ngolayan Allah yang mi'lrup kabun hinut, ¹⁰ kabun kan mihsn kodape Anak-O yang dape tat surga, yang bo'lrumn iyo pudu'k mo'lrupo tat ihang u'lrun matoy, iyono Yesus, yang nyelamatkan to tat kosangit ja'at yang nyah dape.