¹ Susung-susung sino, Imam-imam Katua manapa ico parundingan dengan kawan tua-tua, mba ahli-ahli taurat, amun uras Sanhedrin. Mba, ilro mohtong Yesus, mangomin’E buho, mba manyarahkan’E umba Pilatus. ² Limbas jo, Pilatus mangisok umba’E, ”Inon ko raja ulrun Yahudi?” mba, Iyo mutah’e,”ko bongom jo mander’e.” ³ Umot jijo, kawan imam katua manuduh Yesus batubi-tubi. ⁴ Mba, Pilatus mangisok hino umba’E, ”Inon iko eyam mutah’e?” noto pira aro tuduhan ilro ahkan “malawanMu.” ⁵ Ahkan tapi, Yesus eyam hino mutah sahingga Pilatus heran. ⁶ Pas ondo raya paskah, Pilatus biasa mangalapas bagi ilro ico beti tahanan jo ilro nyawot. ⁷ Mba, toko ico beti arai Barabas hawi kana tahan homboh kawan pamberontak jo nguai ngamunu suang sabuah pamberontakan. ⁸ ulrun aro lromut mba napara manyawot umba Pilatus ahkan manguai kolro kebiasaan jo Iyo nguai bagi ilro. ⁹ Mba, Pilatus mutah ilro dengan bapander, ”Inon iko kani supaya aku mangalapaskan ahkammu Raja ulrun Yahudi ihi?” ¹⁰ Hawi, Iyo taai hawi kawan imam katua jadi manyarahkan Yesus hawi iri atoi. ¹¹ Ahkan tapi, imam-imam katua malah mampangaruh ulrun aro supaya manyawot Pilatus mangalapas Barabas. ¹² Limbas jo, Pilatus bapander hino umba ilro, ”jadi, inon jo harus aku nguai dengan ulrun jo iko nyewut Raja ulrun Yahudi ih?” ¹³ Mba, ilro mangalriak-ngalriak hino, ”Salibkan Iyo!” ¹⁴ Limbas, Pilatus bapander umba ilro, ”ombai? Kejahatan inon jo jadi Iyo nguai?” Tapi, ilro mangalriak-ngalriak labih nyaring hino, ”Salibkan Iyo!” ¹⁵ Metuh kani mamuaskan atoi ulrun aro, Pilatus mangalapas Barabas bagi ilro, mba umot mancambuk Yesus, Iyo manyarahkan’E ahkan kana salibkan. ¹⁶ Mba, kawan prajurit mangomin Yesus tame nuk istana, iyo jo gedung pangadilan, mba ilro manaah saluruh pasukan hakupul. ¹⁷ limbas jo, ilro mapakajan’E jubah Ungu, mba umot manjawet ico mahkota baduhi, ilro mahapa’e umba Yesus. ¹⁸ Limbas, ilro napara mamanderkan salam, umba’E, ”salam, Raja ulrun Yahudi!” ¹⁹ Mba, ilro matu kuhung’E dengan ico buluh mba ngalruca’E limbas jo sujud manyembah’E. ²⁰ Umot ilro ngalea-ngalea Yesus, ilro mangalapas jubah ungu bara Yesus, mba nahapa’e pakaian’E bongoi. Limbas jo, ilro mangomin Yesus balrua ahkan manyalibkan’E. ²¹ Mba, ilro mamaksa ulrun jo honong nakalrou, Simon ulrun Kirene, jo honong lromut bara desa, amai bara Aleksander mba Rufus, ahkan mamikul salib'E. ²² Limbas jo, ilro mangomin Yesus nuk unuk jo arai'e Golgota, jo arti'e "Unuk Tengkorak." ²³ Ilro manonga'E anggur bacampur, mur, tapi Iyo eyam mangonin'e. ²⁴ Limbas, ilro manyalibkan Iyo mba mambagi-bagi ahkan pakaian'E nuk antara ilro, sambil nyakah, undi ahkan manentukan tongai inon jo dinun kana ngonih hawi masing-masing. ²⁵ Mba, metuh jijo jam katolru metuh ilro manyalibkan'E. ²⁶ Mba, tulisan manganai tuduhan taharep Yesus tatulis, "Raja Ulrun Yahudi." ²⁷ Limbas jo, ilro manyalibkan duo ulrun ngarampas homboh dengan'E, ico beti nuk silra katoui'E, mba ico beti nuk silra kamulroi'E. ²⁸ Jadi, tagenapilah kitab suci jo manderkan, "Mba, Iyo tahitung nuk antara ulrun-ulrun durhaka." ²⁹ Limbas, ulrun-ulrun jo honong nakalro manghujat Yesus sambil mangilring kuhung ilro mba bapander, "hai!" ko jo ahkan maruntuhkan bait hatalla mba ngatomok'e halrulri suang tolru ondo. ³⁰ Salamatkanlah aropMu bongom mba muhun bara salib!" ³¹ Kolro jo kia imam-imam katua, homboh dengan kawan ahli taurat, ngalrea Yesus dengan bapander ico sama bokon, "Iyo manyalamatkan ulrun bokon, tapi Iyo eyam dinun manyalamatkan arop'E bongoi! ³² Biar noh Mesias, sang Raja Israel, wayah muhun bara salib supaya ito dinun manoto mba percaya." Ilro jo kana salibkan homboh Yesus kia iyo. ³³ as metuh jam kajahawen, tajadi unuk pindong nuk saluruh tana jijo sapai pas jam katien. ³⁴ Pas jam katien, Yesus berseru dengan suara jo nyalring, "Eloi, Eloi, Lama sabaktani, " jo arti'e "Hatalla-Ku, ombai ko manotahkan Aku?" ³⁵ Mba, sajadi mangonih'e, tongai ulrun jo tomok nuk doni'E bapander, "Noto! Iyo manaah Elia." ³⁶ Limbas jo, ico beti nakalru, mba mangisi ico spons dengan anggur mosom, mba manempatkan'e pas ico buluh, mba manonga'e umba Yesus ahkan ngorih,sambil bapander, "Biar noh ihto noto inon kah Elia ahkan lromut ahkan mamuhunkan Iyo." ³⁷ Limbas,Yesus berseru dengan suara nyaring mba ngahimbun napas teakhir'E. ³⁸ Pas jijo,tirai bait Hatalla barawit manjadi duo, bara diang hocok unuk pinda. ³⁹ Mba,metuh katua pasukan, jo tomok taharep Yesus,manoto nokolro Yesus ngahimbun napas terakhir'E, Iyo bapander, "Sungguh, ulrun ihi iyo jo Anak Hatalla!" ⁴⁰ Nuk anai kia toko tongai bawi jo manoto bara macu, nuk antara ilro toko kia Maria Magdalen, mba Maria inai Yakobus biou mba Yoses, kia Salome. ⁴¹ Metuh Yesus toko nuk wilayah Galilea, ilro manganyak Iyo mba malayani Iyo.mba,nuk anai toko alro bawi bokon'e jo lromut homboh Yesus nuk Yerusalem. ⁴² Metuh ondo jadi ngalromi, hawi ondo jijo iyo jo ondo pasiapan, iojo ondo sabat. ⁴³ Yusuf ulrun Arimatea lromut, ico beti anggota majelis hajo jo kana hormati, jo arop'e kia mananti-nantikan palromut Karajaan Hatalla, mampahanyi arop mba tulrak umba Pilatus mba manyawot beti Yesus. ⁴⁴ Pilatus takocit mangonih hawi Yesus jadi matoi. Iyo manaah katua pasukan mba mangisok umba'E, inon bujur Yesus Matoi. ⁴⁵ Sajadi Pilatus taai bara Katua pasukan, iyo manongakan mayat jijo umba Yusuf. ⁴⁶ Mba Yusuf mamolrikan kain lenan mba mamuhunkan Mayat Yesus, sajadi mambungkus'E suang kain lenan jijo, Iyo makalringkan'E nuk suang kuburan jo nuk kangalri nuk kolrong batu. mba, iyo mangalrinang ico batu unuk atop tame kuburan. ⁴⁷ Maria Magdalena mba Maria inai Yoses manoto unuk Mayat Yesus kana kalring.