¹ Iman iyelah jaminan hunjun segala sesuatu je itah harapkan, dengan bukti bara segala sesuatu je dia gitan. ² Sabab, awi iman ewenlah uluh-uluh pas zaman bihin memperoleh pujian. ³ Awi iman, itah mangerti bahwa alam semesta icipta gawi firman Hatalla. Jadi, narai je gitan dia inguan awi narai je igitan te keyan. ⁴ Awi iman, Habel mempersembahkan akan Hatalla kurban je labih bahalap dari pada je dipersembahkan kain. Melalui persembahan ah te, Habel mandinun kesaksian je bahalap bara Hatalla kilau uluh benar; Hatalla manenga kesaksian jituh dengan manarima kurban persembahan ah. Dengan, awi iman ah, meskipun ie matei, Habel masih tau bapander. ⁵ Awi iman, Henokh iangkat angat ie dia harus mengalami pampatei dan ie dia idinu awi Tuhan jadi maangkat iye; awi sebelum iangkat, ie mandinu kesaksian kilau uluh je mampahanjak Hatalla. ⁶ Dia mungkin mampahanjak Hatalla tanpa iman, awi eweh bewei je tukep dengan Hatalla harus percaya bahwa Hatalla tege, dan bahwa Hatalla manenga pahala akan ewen je manggau Iye. ⁷ Awi iman, limbas diperingati awi Hatalla tentang peristiwa je hindai ie ture, Nuh dengan gentar dan taat mambangun sebuah bahtera akan manyalamat keluarga ah. Dengan jituh, Nuh mahukum dunia dan manjadi pawaris kebenaran je sesuai dengan iman ah. ⁸ Awi iman, Abraham katika itehau Tuhan, taat akan buhau guang ije eka je akan inenga sebagai tempun pusaka ah. Dan, ie tulak, walaupun dia tawan guang kueh ie akan buhau. ⁹ Awi iman, ie buhau dengan melai huang petak je menjajikan kilau melai huang petak asing, iyete melai huang kemah dengan Ishak dan Yakub; kawan pewaris bara janji je sama, ¹⁰ awi Abraham sedang manunggu sebuah kota je maandak fondasi, je perancang dengan pembangun ah iyelah Hatalla. ¹¹ Awi iman, Sara manarima kemampuan akan mangandung dan manak anak, meskipun ie mandul dan jadi terlalu bakas akan manak, awi Sara manganggap Ie je jadi bajanji denga ah iyelah setia. ¹² Awi jitelah, bara ije uluh je jadi puna bakas dan hampir matei, lahir ih katurunan je kawarete kilau bintang melai langit dengan je jumlah dia tahitung kilau butiran pasir melai pantai. ¹³ Ewen uras te jadi matei huang iman dengan dia mandinu narai je dijanjikan, tapi ewen memandang dan manyambut janji-janji jite bara kejau, dengan mangatawan bahwa ewen iyelah kawan pendatang dengan uluh asing melai bumi. ¹⁴ Pander ewen je demikian jite manunjukan dengan jelas bahwa ewen sedang manggau sebuah petak danum akan ewen. ¹⁵ Awi, amun je ewen mikir yete negeri je ewen malihi sahelu ah, maka ewen tau ih haluli hindai guang kanih. ¹⁶ Namun, ewen marindukan ije negeri je labih bahalap, yete negeri surgawi. Awi jite, Hatalla dia mahamen inyewut sebagai Hatalla ewen awi Ie jadi manyadia sebuah kota akan ewen. ¹⁷ Awi iman, katika Tuhan manguji ah, Abraham manyarah Ishak sebagai kurban; ie je jadi manarima janji-janji jite rela mempersembahkan anak tunggal ah. ¹⁸ Tentang anak jite, Hatalla puji bapander,"Dengan aran Ishak ih katurunanmu akan inyewut." ¹⁹ Abraham maandak kapercaya ah akan Hatalla, bahkan ie percaya bahwa Hatalla tau mambangkit uluh matei. Ibarat ah, Abraham jadi mandinu Ishak haluli bara pampatei. ²⁰ Awi iman, Ishak mamberkati masa depan Yakub dengan Esau. ²¹ Awi iman, Yakub, manjelang pampatei ah, memberkati anak-anak Yusuf. Ie manyembah akan Hatalla dengan basandar dengan takuluk tongkat ah. ²² Awi iman, Yusuf, pada akhir pambelum ah, bapander tentang keluarga ah bangsa Israel bara Mesir dan manenga parentah sahubungan dengan tulang-tulang ah. ²³ Awi iman, Musa, katika ie lahir, inyahukan salama telu bulan awi uluh bakas ah. Ewen nanture bahwa Musa iyelah awau je sangat manis, dan ewen dia mikeh taharep parentah raja. ²⁴ Awi iman, Musa, setelah tumbuh ie dewasa, manolak inyewut anak bara putri Firaun. ²⁵ Ie labih mamilih mandarita dengan ungkup Hatalla daripada manikmati kasanangan dosa je hanya sementara, ²⁶ Ie maanggap bahwa kehinaan Kristus labih baharga daripada uras kaduit Mesir awi Musa nanture akan pahala je akan dumah. ²⁷ Awi iman, Musa malihi Mesir tanpa mikeh taharep murka Raja Firaun seolah-olah ie tau nanture Iye je dia gitan te. ²⁸ Awi iman, Musa melaksanakan Paskah dengan mamercikkan daha sahingga malaikat pampatei dia manekap bangsa Israel. ²⁹ Awi iman, bangsa Israel mananjung dimpah Laut Bahandang, seakan-akan mananjung melai petak keang. Namun, katika uluh Mesir mancoba manggawi hal je sama, ewen impaleteng. ³⁰ Awi iman, tembok Yerikho runtuh limbah ingaliling salama uju andau. ³¹ Awi iman, Rahab, pelacur jite, dia impatei dengan uluh je dia taat awi ie manarima mata-mata Israel dengan damai. ³² Dan, narai hindai je harus kumander? Aku jatun cukup waktu akan manyarita akam muh tentang Gideon, Barak, Simson,Yefta, Daud, Samuel, dan kawan nabi, ³³ je awi iman jadi manaklukkan karajaan-karajaan, manggawi kebenaran, mandinu janji-janji, dan mangatup nyama singa-singa, ³⁴ mampelep kobaran apui, talapas bara mata padang, inguat bara kalemahan ewen, gagah perkasa huang pertempuran, dengan menghalau bala tentara asing. ³⁵ Kawan bawi manarima haluli uluh-uluh matei ewen melalui kebangkitan, tapi tege kea je ianiaya dengan manolak akan manarima pembebasan angat ewen mandinu kebangkitan huang pambelum je labih bahalap. v 36 Sementara jite, tege kea je ihina dengan ikana cambuk, bahkan dibelenggu dengan ikana panjara. ³⁷ Ewen ikana rajam, ikana hagaji manjadi due, dan impatei dengan padang. Tege kea je mangembara dengan mahapan pakaian bara upak domba atawa upak kambing; ewen puna susah, ditindas, dan impahamen samena-mena. ³⁸ Dunia jituh dia pantas akan ewen, ewen mangembara melai padang gurun dengan gunung-gunung, melai eka celah gunung, dengan gua-gua melai penda petak. ³⁹ Walaupun mandinu kesaksian je bahalap awi iman je ewen mahaga, ewen dia manarima narai je inyanjikan. ⁴⁰ Awi, Hatalla manyadiakan sesuatu je labih bahalap akan itah, sahingga tanpa itah, ewen dia akan manjadi sempurna.