¹ Bara Paulus, je manjadi rasul beken awi kalunen atau melalui kalunen, tapi bara Kristus Yesus dan Allah Bapa je mampelum Iye bara antara uluh matei. ² Kea, bara uras pahari seiman je haya-hayak dengan aku, akan jemaat-jemaat melai Galatia. ³ Anugrah dan damai sejahtra akammu bara Allah Bapa itah dan Tuhan Yesus Kristus, ⁴ je jadi manenga arep Ah akan dosa-dosa itah akan manyalamat itah bara zaman je jahat metuh tuh sesuai dengan kahandak Allah dan Bapa itah. ⁵ Akan Iye ih kemuliaan akan katahi-tahi. Amin ⁶ Aku heran, mias kacapat ikau malihi Iye, je mantehau ikau melalui anugrah Kristus, dan malihi akan Injil je beken. ⁷ Padahal, jatun ati Injil je beken. Namun, tege sapire uluh je limbas manderoh ikau dan handak manambalik Injil Kristus. ⁸ Bahkan, amun ikei atau ije malaikat bara surga mangesah akammu Injil je hakalawan dengan narai je jadi ikei ngesah akammu, terkutuklah iye! ⁹ Kilau je jadi ikei nyewut sahindai dan metuh aku nyewut hindai, amun tege uluh je mangesah akammu Injil je hakalawan dengan narai je jadi ikau narima, nempa iye terkutuk. ¹⁰ Naraikah metuh aku lagi manggau persetujuan kalunen atau persetujuan Allah? Atau, en aku masih mancoba mampahanjak kalunen? Sahindai aku masih mancoba mampahanjak kalunen, aku beken hamba Kristus. ¹¹ Pahari-pahari, aku handak ikau katawa bahwa Injil je jadi aku ngesah beken ih Injil je nampa kalunen. ¹² Aku dia manarima iye bara kalunen, atau aku mampalajari iye bara kalunen, tetapi aku manarima iye melalui penyataan bara Kristus Yesus. ¹³ Awi, ikau jadi manyeneh tentang cara pambelumku je tahi bara agama Yahudi, aku manganiaya ungkup Allah dengan purun dan barusaha akan manghancurkan iye. ¹⁴ Aku puna maju huang hal agama Yahudi, kejau are kamaju dibanding dengan uluh-uluh sesama intu antara bangsaku. Aku puna rajin huang mahaga adat istiadat tambi datuhiang ikei. ¹⁵ Namun, metuh Allah, je jadi mamisah aku bara huang katihin indu ku dan jadi mantehau aku melalui anugrah-Ayu, berkenan ¹⁶ menyatakan Anak-Ayu huang aku angat aku tau mangesah Iye melai antara uluh-uluh beken Yahudi, aku dia seg'ra balaku nasehat bara uluh pun. ¹⁷ Aku kea dia buhau akan kota Yerusalem akan hasundau dengan ewen je jadi manjadi rasul sahindai aku, melainkan aku seg'ra buhau akan daerah Arab dan buli ndai akan kota Damaskus. ¹⁸ Telu nyelu limbas te, aku buhau akan kota Yerusalem akan mangasene dengan Kefas dan melai umba iye katahi lime blas andau. ¹⁹ Akan kenampi, aku dia nampayah ije pun bara rasul-rasul beken, kacuali Yakobus, pahari Tuhan. ²⁰ Aku manguan ikau percaya intu taharep Allah bahwa narai je aku nulis akammu jitu beken tanjaru. ²¹ Salimbas jite, aku buhau akan daerah Siria dan Kilikia. ²² Aku hindai ikasene secara pribadi awi jemaat-jemaat huang Kristus je tege melai daerah Yudea. ²³ Ewen puna rancak mahining,"Iye, je helu manganiaya itah, metuh mangesah iman je helu iye puji coba marusak." ²⁴ Ewen mamuliakan Allah awi aku.