Udi katuluh yeru, naan pesta kaaraiyen ulun Yahudi,Yesus mamai ma Yerusalem. hang Yerusalem, riet Manawang Gerbang Domba naan ugang amun basa Iberani naantuh Betesda, nelang naan dime kawua lalaya. hang lalaya-lalaya yeru rama ulun mankading nelang bapanyakit: ulun pehe, ulun kepa andri ulun lumpuh ( here ngandrei ranu ugang yeru miumak. Daya naan katikani malekat Tuhan tau ninau ma wuang ugang palus ngagerek ranuni. Hie ulun sa partama mitun ma wuang ugang tawuk ranu bagalumang, hanye sagar mare teka kawan penyakit sa naaretni). Hang yeru, pada naan erang kaulun haut 38 taun ngaret panyakitni. Dami Yesus kadinung ulun yeru nelang karasa neu lawahni hanye ngaret panyakitni, Yesus balalu nunti ma hanye,"Inun hanyu sinni sa nasamare?" Balalu hanye nuing, "Tuan, tawuk ranu ugang bagalumang pauweng ulun ngampinau aku, dami aku ikair ngunu minau haut naan ulun lain nahuluan aku." Balalu Yesus kaeau ma hanye,"Mindri! Enat tilamnu palus takia." Tawuk yeru jua, ulun yeru ware, hanye ngenat tilamni palus tulak. Kode andrau yeru pas andrau Sabat. 0 Daya yeru, kawan ulun Yahudi kaeau ma ulun sa haut nasamare yeru,"Taati andrau Sabat, hanyu paiyuh ngenat tilamnu." 1 Bulu tuingni,"Ulun yeru sa haut nyamare aku, Hanye kaeau ma aku, Enat tilamnu nelang palus takia." 2 Here nunti ma hanye, "Hie sa uluni kaeau ma hanyu, Enat tilamnu palus takialeh." 3 Kode ulun sa haut nasamare yeru puang kataru hie sa haut nyamare hanye, daya Yesus haut basampur ulun rama palus tulak nanan uneng yeru. 4 Udi yeru , Yesus panalu lagi andri ulun sa haut nasamare Ni hang Lewu Sumbayang nelang kaeau ma hanye, "Rengei eau Ku, hanyu haut ware. Kode ada ngulah kahalaen lagi ngampan puang timul sa bangat teka isa haut!" 5 Ulun yeru huni tulak naba kawan ulun Yahudi, hanye nyarita ma here neu Yesus sa haut nyamare hanye. 6 Daya yeru,kawan ulun Yahudi ngakasah Yesus, daya Hanye haut ngaraja katuluh yiru hang andrau Sabat. 7 Yesus kaeau ma here,"Hampe taati AmahKu magun bagawi, daya yeru Aku pada tatap bagawi." 8 Daya tuingan yeru kawan ulun Yahudi bausaha tatuu ngunu munu Yesus, puang daya ekat malangar andrau Sabat, pidiwi daya Hanye ngantuh Alatalla nyalah AmahNi sa aratini Hanye nyansameh tenga Ni andri Alatalla. Kuasa Alatalla baya Yesus 9 Tuing Yesus ma here, "Tarung tuu Aku kaeau ma naun, Anak puang tau ngaraja pagawian Amah teka tenga Ni raerai amun Hanye puang kadinung sa nagawi AmahNi,daya inun sa nagawi Amah yiru pada sa nagawi Anak Ni. 0 Daya Amah ngalelu Anak nelang nantarang hampi Anak katuluh isa haut na gawi dayaNi, nelang Hanye sagar nantarang ma Anak Ni katuluh pagawian sa tuu bangat hante ngampan naun ngawauh. 1 Daya kala, Amah haut nyamelum ulun matei palus ngami pamelum ma here, kalahie pada Anak ngami pamelum ma here sa katujuenNi. 2 Ammah puang ngampihala hie-hie, kode Hanye haut ngami kuasa ngampihala yeru ma AnakNi, 3 Ngampan katuluh ulun sagar hurumat ma Anak, sameh kala here mahurumat Ammah. Ulun isa puang mahurumat Anak, samehleh andri ulun isa puang mahurumat Ammah sahaut ngutus Hanye. 4 Sakapinuuni Aku iwara ma naun, hie sa haut karengei papaneranKu nelang parisaya ma Hanye sangutus Aku hanye haut naan welum sakalalawah, nelang puang sagar masuk ma wuang penghakiman daya hanye haut miidar teka pampatei ma pamelum sakalalawah. 5 Andri kapinuu pada Aku kaeau ma hanyu, wayahni sagar hawi nelang taati haut hawi, die kawan ulun matei sagar karengei lengan Anak Alatalla, jari basing sakarengei here sagar welum. 6 Daya nyalah Amah sa kaampun welum hang wuang tengaNi, kalahie pada Hanye ngamini ma Anak,welum hang wuang tengaNi raerai, 7 Amah pada ngami kuasa ma Anak umak malaksana neu penghakiman yeru daya Hanye anak Murunsia. 8 Ada nakawauh neu ala yena daya wayahni kai hampe, tawuk yeru katuluh ulun sa hang wuang tane sagar karengei lenganNi. 9 Balalu here sagar kaluar, ma kawan here maeh ulah gawini sagar nasamelum. Basing sa puang maeh nasamelum kode umma panghakiman. ³⁰ Amun teka Aku raerai aku puang tau inun- inun. Daya Aku jari hakim yeru mamutusni tuu-tuu adil daya kaputusan yeru puang teka kabahumenKu raeerai, kode teka Hanye sa marentah Aku." ³¹ Piwaraan neu pihawian Yesus yeru teka Alatala. ³² "Amun Aku iwara neu tenga Ku raerai, yiru Aku tau ipusu. Kode amun naan ulun lain iwara neu Aku yena, nelang aku karasa piwaraani neu aku yeru tuuni. 3 Naun haut nunyu nulun naba hi Yohanes, balalu hanye haut iwara andri katantuuni neu Aku yena. 4 Kode piwaraan sa haut natarime ku puang teka murunsia. Aku iwara neu hal yena ngampan naun kaiyuh kasalamaten. 5 Hi Yohanes yeru nyalah sum'mu andri sahaya, balalu naun sin'ni irarami erang itus ai hang wuang sahayani. 7 Nelang hi Am'mah sa haut nunyu Aku ru haut ngami kasaksian neu Aku yena. Kode naun puang suah karengei lengan-Ni atawa kadinung wariangut- Ni. 8 Andri kawan lengan-Ni puang muneng hang atei naun, daya naun puang parisaya ma Aku sa haut naparentah-Ni. 9 Naun haut mabasa neu Surat Brasis, daya pina naun dami haut mambasa bulu naun kaiyuh pamemelum sa kalalawah; padahal hang wuang Surat Barasis jeru naan sarita neu Aku, 0 kode naun puang hawi hampi Aku ngampan naun kataru bulu kaiyuh pamelumyeru. 1 Pihante Ku puang teka murunsia. 2 Kode Aku kataru naun, daya hang wuang welum naun puang uweng sinta Alatalla muneng baya naun. 3 Aku hawi hg wuang ngaran Am'mahKu, kode naun puang narime Aku.Kode mun ulun lain sa hawi nginsing ngaran here jua naun narime tatuu. 4 Kala awe naun tau parisaya, daya naun narime tawat hurumat teka sasameh murunsia,kode puang ngantara teka Alatalla sa Bakuasa. 5 Ada naun ngakira Aku hawi sagar ngampihala naun hang dahapan Am'mahKu; satau tau ngampihala naun hi Musa, daya hanye sakaharapen naun. 6 Amun naun harap ma hi Musa, mustini naun harapa pada ma Aku, daya hanyu haut nyarita neu Aku. 7 Kode amun naun puang harap sahaut natulis daya Musa, kala awe naun tau harap pada neu inun sa naeauKu?"