Piraai sa haut hawi ma Dunia. ¹ Teka asalni hanyeru Firman, Firman yeru ibaya andri Alatalla, Firman yeru hanyene Alatalla. ² Teka mulani Hanye sameh-sameh andri Alatalla teka asalni. ³ Katuluh yeru haut nasanyari dayaNi. Daya amun puang dayaNi katuluh sa haut naan hang dunia yena puang sagar uweng. ⁴ Firman yeru putut pamelum, pamelum yeru ngami piraai ma murunsia. ⁵ Piraai yeru haut nyahaya hang wuang piiyeng nelang piiyeng yeru puang kaiyuh nampareni. ⁶ Hawi erang kaulun sa nautus Alatalla ngarani hi Yohanes. ⁷ Hanye hawi iwara neu piraai yeru ngampan katuluh ulun parisaya. ⁸ Kode hanye puang sa piraai yeru hanye ekat iwara ai. ⁹ Piraai satarung tuu haut nyanraai katuluh ulun sagar hawi ma dunia. 0 Piraai yeru haut naan hang wuang dunia, dunia yena haut nasanyariNI, kode dunia puang kataru hanye. 1 Hanye ngapung ulun watNI, kode ulun watNI yeru puang narime Hanye. ¹² Kude, basing here sa narime Hanye nelang parisaya ma ngaranNI naamiNI kuasa balalu jari kawan anak Alatalla. ¹³ Here nasanyari andri kabahumen Alatalla puang nakayaen teka ira atawa teka kabahumen upu andri wawei. ¹⁴ Firman yeru haut jari murunsia muneng hang penah-penah takam. Takam haut kadinung pihahanteNi, hanyeru pihante Anak Tungkan Alatalla Amah takam andri penu ahi leloni. ¹⁵ Hi Yohanes hawi jari saksi neo Hanye nelang nantiak,"Ina Hanye uluNi sa naeauku tawuk hie," Hanye na bakal hawi udi aku, kode Hanye nahuluaan aku daya Hanye naan kapihuan aku." 6 Teka kapenuanNi takam katuluh narime ahilelu teka Hanye. 7 Daya hukum Taurat haut natahampe ma takam itah hi Musa; kode ahilelu andri pikaeh hawi mitah Yesus Kristus. 8 Puang sunah erang kaulun murunsia suah kadinung Alatalla, ekat Anak Tungkan Alatalla Sanaan hang tapeaenNI sa tau nantarangNi ma takam. Kasaksian wat Yohanes (Mat 3:1-12.Mrk.1:1-8.Luk.3: 1-18.) 9 Tawuk kawan ulun Yahudi nunyu kawan imam andri ulun Lewi teka Yerusalem lepuh nunti ma hi Yohanes," Hie sa hanyuna?" 0 Yohanes mengaku anri kapinuu atei balalu kaeau,"Akuna lain Kristus." 1 Balalu here nunti ma hanye lagi," "Amun kalahie,hieneh hanyu na? Inunsa hanju hi Elia?" Hanye nuing kamulek,"Aku lain hi Elia." Inunsa hanyu nabin yeru?" Hi Yohanes nuing kamulek," Lain," 2 Udi yeru, here kaeau ma hi Yohanes,"Hie sabujurni hanyuna,daya umak laporan kami ma here sa marentah kami manalu hayuna ngampan naan kapastian neu hanyuna." 3 Balalu hi Yohanes nuing andri waraan Nabi Yesaya," Akuna erang kaulun sa haut nantiak hang penah jumpun haket nelang kaeau: Samitu lalan ma Tuhan!" ( Yesaya 40:3 ). 4 Kawan ulun sa nahuyu naba hi Yones hanyeru kawan ulun Farisi. 5 balalu here kaeyau ma hi Yohanes,"Mun hanyu lain Mesias, lain hi Elia, nelang lain pada Nabi yeru, wah inun hanyu heei membaptis?" 6 balalu hi Yohanes nyawab here,Aku membaptis anri ranu, kode hang penah naun naan minri Erangkaulun sa puang wuahtaru naun. 7 Hanyeru sa sagar hawi udi akuna. Paribasani nguka tadi tarumpahNi, aku puang patut. 8 Unengan Yohanes mambaptis yeru katuluhni hang Betania, hang sabarang hungei Yordan. 9 Makauni andrau hi Yohanes kadinung Yesus ngapung hanye, balalu hi Yohanes kaeau,"Dinung naun, iri Anak Babiri Alatalla sa mui dosa dunia! 0 Aku hie suah kaeau, "Udi aku sagar hawi Erang kaulun Hanye yiri uluni sa hante kuasani teka aku, daya kapihuaan aku Hanye haut naan." 1 Hie, aku puang kataru Hanye, kode ngampan Hanye napantaru ma kawan ulun Israel, balalu aku hawi mambaptis anri ranu." 2 Balalu hi Yohanes manarang nelang kaeau,"Aku haut kadinung Roh minau teka langit nyalah wurung Dara balalu tudi palus muneng baya Hanye. 3 Aku puang kataru Hanye, kode Hanye nunyu aku umak mambaptis anri ranu nelang pada kaeau ma aku, mun hanyu kadinung Roh minau balu muneng , Hanye yeru sa sagar mambaptis anri Roh Kudus. 4 Balalu eau Yohanes aku haut kadinung nelang karasa palus basaksi, Hanye yena Anak Alatalla." ³⁵ Makayauni anrau hi Yohanes minri lagi baya karurueh muridni, ³⁶ Dami hanye kadinung Yesus ganyah takia,balalu hi Yohanes kaeau,"Dinung aru Anak Babiri Alatalla! 7 Dami kararueh murid Yahanes karengei eauni balalu here uma naharak Yesus. 8 tawuk Yesus ikulik mawading bulu kadinung here naharak Hanye, balalu Hanye kaeau ma here,"Inun sa naantara naun?"Here balalu nuing,"Rabi (artinya Guru ) hang awe hanyu muneng?" 9 Hanye kaeau ma here,"Ayu nelang naun sagar kadinungni."Balalu here hampe nelang kadinung unengNI, bulu here pada umma muneng baya Hanye daya andrau nelang haut kakira jam kasapuluh. 0 Teka karueh murid Yohanes sa uma Yesus isa ngarani hi Andreas, pulaksanai wat Simon Petrus. 1 Kapihuaani hi Andreas haut naba hi Simon pulaksanaini, palus iwara, "Kami haut panalu Mesias ( Kristus )," 2 Udi yeru hi Andreas nginsing hi Simon naba Yesus. Yesus maneneng hi Simonpalus kaeau,"Hanyu hi Simon, anak Yohanes. Hanyu sagar naherau hi Kefas ( artini 'Petrus' atawa 'Watu' )." 3 Dami hampe kaayat uni bahum Yesus kai tulak ma Galilea, Hanye panalu anri hi Filipus nelang kaeau, "Ayu umma Aku!" 4 Hi Filipus yena ulun teka Betsaida, tumpuk uneng wat Andeas anri hi Petrus. 5 Tawuk yeru pada hi Filipus panalu anri hi Natanael nelang iwara ma hanye, "Kami haut panalu anri Hanye sa haut natulis daya Musa hang wuang Hukum Taurat anri kawan nabi, hanyeru Yesus teka Nazaret, anak Yusuf. 6 Balalu hi Natanael kaeau ma hi Filipus eauni, "Taulah sa maeh yeru hawi teka Nazaret?" Balalu pada hi Filipus kaeau ma hanye, "Amun hanyu ngaan harap kia dinung ma yaru. 7 Dami Yesus kadinung hi Natanael, balalu Hanye bapaner neo wangun wat Natanael, "Dinung naun iru erang kaulun Israel sawitu bujur hang wuang ateini!" 8 Hi Natanael nunti ma hi Yesus, "Kalaawe hanyu tau karasa neo aku ?" Balalu tuing Yesus, "Kapihuan hi Filipus nerau hanyu, Aku haut kadinung hayu tawuk basalinung hang umung kakau Ara." 9 Balalu tuing Natanael, "Rabi,(Guru) HanyuNa Anak Alatalla. HanyuNa pada Raja ulun Israel." 0 Tuing Yesus palus kaeau ma hanye, "Daya Aku kaeau ma hanyu,'Aku kading hanyu hang kapit kakau Ara', balalu hanyu parisaya? Hanyu die sagar kadinung katantuluh isa labih hanteteka yana!" 1 Balalu Nanye nampalus panerNi, "Sakapinuuni, Aku kaeau ma hanyu, hanyu bakal kadinung langit tauka nelang kawan Malaekat-malaekat Alatalla minau mamai nyanyanga (nyurungan) Anak Murunsia."