¹ Lakadakoh, Yesus nyansana wa' ayoa', "Iko muji' da sabanara wa'imu', ani nyamani sok da agi' agutn ka diah da kati' ao' kabis sampe ayoa' mile' Karajaan Jabata utukng nige' kuasa." Yesus Samahu Musa ge' Elia ² Ge', inum ano lakadakoh, Yesus nabatn Petrus, Yakobus, ge' Yohanes, lalu minsakng ayoa' nyingahadupa' ka gunung da nyamo. Lalu, Yesus barubah rupa ka tura' ayoa'. ³ Ge', pangiak-A ngajadi bakilou ge' batol ranakng. Kati' ani tukang pangaranakng saput ka dunia aba' ngaranakng ulah dakoh. ⁴ Lalu, utukng ka tura' ayoa', Elia samahu nige' Musa, ge' ayoa' agi' sarita nige' Yesus. ⁵ Lakadakoh, Petrus nyansana ka Yesus, "Rabi, ratia, guru. Rabi, auhatnta ate kai madi kadiah. Kaeh te' umas taru dio, nyiteng ya' Dimu', byiteng ya; da Musa, ge' nyiteng ya' da Elia." ⁶ Sabab, Petrus ti' pane arus naham langkina karna ayoa' smaan buut. ⁷ Lalu, utungta rahu' nuno' ayoa', ge' gatndangahta nyiteng sarat da utukng umpatn rahu' dakoh, waatn-A, "Inilsh Anak-ku da gatnnyayang. Dangahta Kini'!" ⁸ Jangkah dakoh uga', ngalaka ayoa' ti' agi' mile' asi pu samahu ayoa' kacuali Yesus. ⁹ Ge', samantara ayoa' disah umpatn gunung, Yesus mangkatn parintah wa' ayoa' supaya kati' muji' ka asi pun jai da nga ayoa' mile', sampe Anak Talino Bangkit dari antara sok kabis. ¹⁰ Karna dakoh, ayoa' minte saratn dakoh ya' da ayoa' sadi' gae pasikatn-sikatn jai ratia kabangkitan umpatn pangkabis dakoh. ¹¹ Lalu, ayoa' mansikatn wa' Yesus, "Jailah ayo ahli Taurat muji' bahwa Elia arus uru utukng?" ¹² Lalu, Yesus nyansana ka ayoa', "Elia memang utukng labih uru' ya' ngangkabait sagala tarutn. Ge', langkina nige' da gatnnulis tentang Anak Talino bahwa Ini' arus manderita karah hal ge' gatnhina? ¹³ Namun, Iko' muji' kimu' bahwa Elia memang nga utukng, ge' ayoa' mamparlakua' sasue nige' da ayoa' ngate, ulah da gatnnulis tentang Ini'." Ayo Murid Kati' Mampu Ngarapas Roh Jahat umpatn Sook ¹⁴ Lakadakoh, jangkah Yesus, Petrus, Yakobus, ge' Yohanes ure' wa' ayo mueid, ayoa' mile' kubu' sok karah ka sakalilikng ayo murid dakoh, ge' ayo ahli Taurat agi' badabat nige' ayoa'. ¹⁵ Ge', segra ngalaka smaan kubu' sok dakoh mile' Yesus, ayoa' ngajadi takajut ge' talama-ama' ya' nyamut-A. ¹⁶ Lalu, Yesus mansikatn wa' ayoa', "Jai da agi' kupm dabat nige' ayo ahli Taurat dakoh?" ¹⁷ Ani sook umpatn kubu' dakoh naham Ini', "Guru, iko' minsakng anak areko' wa'-Akupm karna ni' karasukan roh da umasa awa'. ¹⁸ Satiap kali roh dakoh nguasa a', ini' ngampasa' ka tana ge' mungkas busa umpatn baba'a', ge' japu' a' bagaret-garet, lalu ini' jadi kejang. Iko' mahi ayo murid-Mu nguser roh dakoh, tatapi ayoa' kati' sanggup." ¹⁹ Ge', Yesus naham ayoa' ge' nyansana, "Hei', katurunan da kati' baiman! Mani tuhi' agi' Iko' arus samahu' imu'? Mani tuhi' agi' Iko' ao' batahan nige' ayo kupm? Minsakmih kangot dakoh wa'-Iko'!" ²⁰ Lalu, ayoa' minsakng kangot dakoh wa' Yesus. Ge', jangkah roh dakoh mile' Yesus, ini' lansong nguncang-nguncang kangot dakoh. Kangot dakoh jantu' ka tana' ge' tagulikng-gulikng nige; baba' da ngaluar busa. ²¹ Lakadakoh, Yesus mansikatn wa' apa' kangot dakoh, "Nga mani tuhi' hal diah tajadi kini'?" Ni'naham, "Mule umpatn inek a'. ²² Ge', roh dakoh nga sering nyangkahatn a' ka sadatn api ge' ka sadatn paitn ya' ngancur a'. Tapi', sa' Akupm kaatn umas tarutn, mase'lah wa' kai ge' nulong kai." ²³ Yesus nyansana wa'ini', "Sa' Akupm kaatn? Sagala tarutn mungkin ya' ayoa' da pacaya." ²⁴ Segra apa' kangot dakoh munse' ge' ngampak, "Iko pacaya! Tulonglah kakati'pacayaanko!" ²⁵ Jangkah Yesus mile' bahwa sok karah utukng bakubu' nige' capat, Ini' ngarato' roh dakoh gae muji' kini', "Imu' roh awa' ge' bangal, Iko' muji' kimu' boho' umpatn kangot diah ge' iya' agi' maruh kini'!" ²⁶ Ngalaka ngampak ge' nguncang-nguncang kangot dakoh sampe kuat, maka roh dakoh mungkas. Kangot dakoh ngajadi ulah sok kabis singge sok da karah dakoh nyansana, "Ini' kabis!" ²⁷ Tapi, Yesus minte barekng kangot dakoh ge' ngiasa', maka kangot dakoh agutn. ²⁸ Ge, jangkah Yesus maruh ka sadatan ramin, ayo murid-A mansikatn sacara pribadi, "Jai kai ti' aba' nguser a'?" ²⁹ Ge', Ini' muji' ka ayoa', "Jenis diah kati' aba' mungkas kacuali hanya nige' doa." Yesus Nyansana Agi' tentang Pangkabis-A ³⁰ Umpatn teetn, Yesus ge' ayo murid-A anu ge' nabo' rappo Galilea. Ge', Ini' kati' ituh ani sok da pane. ³¹ Sabab, Ini' agi' ngajar ayo murid-A ge' nyansana wa' ayoa', "Anak Talino ao' gatnnyarah ka barekng talino, ge' ayoa' ao' ngamis-A. Ge', ngalaka Ini gatnngamis, taru ano lakadakoh Ini' ao' umpat idup." ³² Tapi, ayo murid ti' paham saratn dakoh ge' buut mansikatn wa'-Ini'. Pardabatan tentang Asi da Paling ahyo ³³ Lakadakoh, Yesus ge' ayo murid-A sampe ka Kapernaum. Ge', ngalaka Yesus ani ka sadatn ramin, Ini' mansikatn wa' ayoa', "Jai da imu' nyarita ka gala' ijah?" ³⁴ Tapi, ayoa' tunguh karna sadatn pajalatna' ayoa' badabat samu adup a' tentang asi da paling ahyo. ³⁵ Lalu, Yesus unyung ge' maba' kadua balas murid. Ge', Ini' nyansana wa' ayoa', "Sa' ani nyungan ngatte jadi da uru, ini arus jadi da paling unyhi' umpatn smaana' ge' jadi palayan ya' smaana'." ³⁶ Lakadakoh, Yesus naap nyungan kangot inek ge' mana'a' agutn ka antara ayoa'. Ge', gae nakulok kangot dakoh, Ini' nyansana wa' ayoa', ³⁷ "Asi saja da nyamut nyungan kangot inek ulah diah sadatn gaatn-Ko, ini' nyamut Iko. Ge', asi saja da nyamut Iko', inya nyamut Iko', malainkan Ini' da ngutus Iko'." Sok da Nguser Sitan sadatn Gaatn Yesus ³⁸ Yohanes muji' ka Yesus, "Guru, kai mile' sok nguser sitan-sitan sadatn gaatn-Mu, ge' kai mingat a' karna ini' kati' nganang ite'." ³⁹ Tapi, Yesus nyansana, "Iya' mingat a' karna kati' ani sok da umas parbuatan ajaib sadatn gaatn-Ko, kaatn no dakoh uga' manghujat Iko'. ⁴⁰ Sabab, asi da kati' malawan ite', ani ka pihak ite'. ⁴¹ Sabab Iko' muji' da sabanara' kimu', asi saja da mangkatnmu' nyaucung paitn karna imu' pangikut Kristus, ti' ao' kahilangan upah a'. Tenyang Panyabab Duse ⁴² "Ge', asi saja da nyabab salah satu umpatn ayo kangot inek da pacaya wa'-Iko' dakoh umas duse, labih bait bagi ini' sa' nyabuah kilangan da ahyo gatnningo' wa' jangok a' ge' matatn a' ka sadatn laut. ⁴³ Ge', sa' barekngmu' ngadumu' baduse, nyantak barekngmu' dakoh. Labih bait bagi imu' maruh ka sadatn kahidupan nige' barekng da puntung daripada nige' dua barekng maruh ka naraka, ka sadatn api da ti ao' suah kabis, ⁴⁴ tampat da inokng a' ti' ao' kabis ge' api a' ti' ao' kabis, ⁴⁵ Ge', sa' kaja'mu' ngadumu' baduse, nyantak ta kaja'mu dakoh. Labih bait bagi imu' maruh ka sadatn idup nige' kaja' puntung, daripada nige' dua kaja' gatnnyangkahatn ka sadatn neraka, ⁴⁶ tampat da inokng a' ti ao' kabis ge' api a' kati ao' kabis. ⁴⁷ Ge', sa' matu'mu ngadumu baduse, nyongkelta matu' dakoh. Labih bait bagi imu' maruh ka Karajaan Jabata nige' nyiteng matu' daripada nige' dua matu' gatnnyangkahatn ka sadatn naraka, ⁴⁸ tampat da inokng a' ti' ao' kabis ge' api a' ti' ao' kabis. ⁴⁹ Sabab, satiap sok ao' gatnngasia' nige' api. ⁵⁰ Sia' memang bait, tatapi sa' sia' kahilangan rasa pade' a', langkina imu' ao' umasa' jadi pade agi'? Umpu'talah sia' ka sadatn adupmu' sadi' ge' badamailah nyungan nige' da laitn,"