Yesus ngokoi ampun ali nyembume ulun ye lumpuh ¹ Sa senu olo uli iro Yesus mulik tong Kapernaun maka tesiar kabar nget da desung naan te belai. ² Deo ulun sulet, dali ponu besensulet tebiduh empe beloh runa eso. ³ Desung da bepander,opat keulun mikul erai ulun lumpuh ngoit tong Yesus. ⁴ Et leka ulun desung deo, dali beloh kate nyenrani da, belalu dali ngembungkar sapo pas te moo dani Yesus. uli iro pedolui ulun lumpuh iro sendro ali lapik oko da. ⁵ Kede Yesus kite tamam bene kepercayaan dali, da ngulek tong ulun lumpuh iro,hei anak ab, kawan dosa ko apu na ampun. ⁶ Sa senu ulun ahli taurat ye rahat tuet te biro nyituk te suang ate dali. ⁷ Heei,bene ulun ihe pander nget iro.! da ngehina Allah. dase ye tau ngampun dosa, aka sa ke Allah.! ⁸ Kede iro nget Yesus ketoan pikiran dali, belalu da ngulek kone me kam nyituk nget iro te suang ate kam.? ⁹ Ye kame murah ngotus, dosa ko apu na ampuni, ali ngotus, buet,oit lapik oku ko alan malan.! ¹⁰ Et nehe ab sagar ngebukti tong ko te suang denia ihe anak meresia bekuasa ngampun dosa." Yesus ngulek tong ulun lumpuh iro. ¹¹ "Buet, jao engkat lapik oku ko alan uli.! ¹² Da buet, pelos jao ngepe lapik oku da pelos keluar na ite ene dali kawus. kawan ulun deo iro manam, ali memuliakan Allah ulek dali,beloh pini taka kite kejadian nget ihe.! ¹³ Yesus mulik eso tong diding danau Galelilea, deo ulun sulet demasu da, pelos da ngajar dali. ¹⁴ Kede Yesus malan te biro, da kite erai ulun penagih pajak be ngaran da Lewi, anak Alfius,desuang tuet te kantor pajak." Ko siut ab," ulek Yesus tong dali, maka da lewi jakat pelos de masu Yesus. ¹⁵ Kede Yesus desung man te belai Lewi, deo sulet kawan penagis pajak ali kawan ulun ye na anggap sa buen ene masyarakat siut man ali Yesus ali kawan ulun ye siut da,leka deo ke dali ye siut Yesus. ¹⁶ Sa senu ahli taurat ke kumpulan Farisi kite Yesus man sendro ali kawan penagih pajak ali kawan ulun ye na anggap sa buen iro, pelos dali nyituk tong kawan ulun ye siut Yesus," kone me guru kam man sendro ali kawan penagih pajak ali kawan ulun ye sa buen iro.? ¹⁷ Yesus keringga situkan dali iro, da ngulek," ulun ye sehat sa perlu dokter, je ulun ye sakit.Ab sulet sa laang nook ulun ye nganggap unuk da apu buen, malengkan ulun ye na anggap hina bedosa. ¹⁸ Te sindai olo kede kawan ulun ye siut Yohanes ali kawan ulun Farisi desung puasa. naan ulun sulet tong Yesus pelos nyituk, kone me ulun ye siut Yohanes ali kawan ulun Farisi puasa, et kawan ulun ye siut ko sa puasa.! ¹⁹ Yesus ngulek, te pesta peruku,se kawan tamu sa man.! aka penganten upo masih naan sendro dali, pasti dali man. ²⁰ Et sagar naan wayah ye penganten upo iro na empe ke dali,kede iro kado dali sa man. ²¹ Beloh naan ulun nambal karut boto makai biris kain kado, leka biris kain penambal iro sagar ngene bereset karut iro, empe bereset ye betambeh solai. ²² Nget iro ade beloh naan ulun ye nyuang anggur kado tong suang kantong upak ye usang, leka anggur kado iro sagar ngene kantong iro jabas. nen de ke due ye te obet anggur kado harus na ondok te kantong upak ye kado ade. ²³ Te sindai olo sabat, kede Yesus lalo erai lamar ume gandum, kawan murid ye siut da niker gandum. ²⁴ Kawan ulun Farisi ngulek tong Yesus,kone me kawan murid ye siut ko ngelangar hukum olo sabat taka,ali ngene ye beloh ahan na ene te olo sabat.? ²⁵ Yesus ngulek, se kam beloh pini me baca se ye na ene Daut ke de da ali kawan ulun ye sendro da desung beloh ali keket lauu.! ²⁶ Nget me da masuk tong belai Allah kede masa Abyatar ngejabat nget imam solai,ali man roti persembahan, ye je ahan na okan ene kawan imam, ali je ngokoi roti iro tong kawan ulun ye sendro da.! ²⁷ Uli iro Yesus ngulek eso, olo sabat na ene tong meresia, sa meresia tong olo sabat. ²⁸ Jaji, anak meresia bekuasa, eso te munan olo sabat."