Yesus masuk tong Yerusalem nget raja. ¹ Kede apu dani Yerusalem,dali empe te jaa Betfage ali Betania, te leba bukit zaitun te iro Yesus ngutus due keulun murid da one. ² Alan tong jaa ye naan tehadapan iro, ulek Yesus tong dali demih kam masuk tong jaa iro, kam sagar kite erai ke ikui anak keledai na suruk, ye beloh pini na tunggang ene ulun ugah suruk keledai iro pelos oit tong hee. ³ Aka naan ulun nyituk tong kam kone me kam pekuntis keledai iru,ulek, Tuhan perlu makai nelang da sagar jao nempuli ye. ⁴ Kedue ke ulun murid Yesus iro tulak, belalu mahan erai ikui anak keledai desung na suruk te hadapan jaweng belai te diding alan, Belalu dali pekuntis keledai iro. ⁵ Kawan ulun ye jakat te biro nyituk tong dali,Hau, se ene kam.? kone me kam pekuntis anak keledai iro.? ⁶ Dali ngulek nget ye apu na ulek ene Yesus tong dali,belalu kawan ulun iro je kite dali ngoit keledai iro. ⁷ Kede empe tong Yesus, dali ngelapik lutuk keledai iro ali jubah dali belalu Yesus mengket tong moo keledai iro. ⁸ Deo ulun ngampar jubah dali tealan ,naan ade ye natai kawan bila te butok alan ye na epe dali ke ume. ⁹ Kawan ulun ye malan te hadapan ali kawan ulun ye demasu ke udi, kawus ye ngulek ali engan wale,Hosana.! ne berkati da ye sulet suang aran Tuhan. ¹⁰ Ne berkati tong Allah,! na berkat da ye sulet te suang aran Tuhan.! ne berkati pemerintah da ye sagar sulet - pemerintah Daut, datu nini taka,Hosana Allah erai Penge moo. ¹¹ Belalu Yesus empe te Yerusalem, belalu masuk tong belai Tuhan te iro da kite tegeliling da. et leka apu dani dendem, da belalu tulak tong Betania sendro ali kedue belas keulun murid da. Yesus nyumpah tonga ara. ¹² Tepita olo, kede dali desung malan keluar ke Betania, Yesus keket lau. ¹³ Ke oro da kite erai tonga ara ye daon ye subur, belalu da tulak tong tonga ara iro laang neneng se naan bua ye et kede da empe te tonga ara iro, da beloh mahan se - se, je kawan daon da leka kede iro male musim bua ara. ¹⁴ Belalu Yesus ngulek tong tonga ara iro,"neke ke nehe beloh naan sunah erai keulun ye sagar man bua ke ko eso,! kawan murid Yesus keringa engan iro. ¹⁵ Uli iro dali empe te Yerusalem,belalu Yesus tulak eso tong belai Tuhan te biro da mulai ngusir kawus ulun ye bejualan ali moli te runa iro da ngebalik kawan meja kawan ulun ngehurup duit, sendro kawan bangku ulun je mual tempulu dara. ¹⁶ Nelang beloh sunah erai keulun na ijin da ngoit se masam lalo natar belai Tuhan iro. ¹⁷ Uli iro Yesus ngajar kawan ulun te iro da ngulek te suang firman naan te surat nget ihe ," belai ab sagar na otus belai runa bedoa tong kawus bangsa,"et kam ngene ye jaji runa sarang perampok. ¹⁸ Kawan imam kepala ali kawan ahli taurat kering engan iro maka dali belalu mulai ngeto alan dian munu Yesus dali takut ali da, leka kawus ulun madam keringa engan ajaran da. ¹⁹ Demih kakan malem, Yesus ali kawan murid da ngikah jaa iro. ²⁰ Subuh te olo pita tande, kede dali lalo tonga ara iro,dali kite tonga ara iro apu mate empe ali wakat ye. ²¹ Belalu Petrus ingat nget kejadian erai olo alem,belalu da Petrus ngulek tong Yesus," Guru,coba teau, tonga ara ye na sumpah ko iro apu pate. ²² Ken, Yesus ngejawab dali, naan iman te suang Allah. ²³ Ap ngolek ye ali sebujur ye tonng ko, "Dase-dase ye ngulek tong saing iro, ta angkat ali patumuh tong suang laut; et beloh na'an keraguan te suang ate ye, et iro se ye da ulek tan terjadi, tongko et iro tan na okoy tong ko. ²⁴ Et iro, Ap nulek tong ko, se ye, ko do'a kaweng percayalah ko apu nerima ye. Et iro tan na okoy tong ko. ²⁵ Et, ko bajakat ali ba do'a, na ampunilah mun ko ngonteh sesuatu tong ulun, di ma ko ye ye na'an te surga mengampuni penyala-penyala ko. ²⁶ Amun ko sa mengampuni, ma ko ye na'an te surga sa mengampuni penyala ko. ²⁷ Dali mulik eso tong Yerusalem kede Yesus malan bekeliling tesuang belai Tuhan kawan imam kepala kawan ahli - taurat ali kawan pemimpin yahudi sulet demasu da. ²⁸ Dali nyituk, ali kuasa se ko ngene kawus ye ihe.? dase ye ngokoi hak iro tong ko. ²⁹ Yesus ngulek," ab ade kakan nyituk tong kam ulek nende ab sagar ngulek tong kam makai hak dase ab ngene kawan hal ihe. ³⁰ Da Yohanes membaptis makai hak dase, Allah se sih meresia. ³¹ Belalu kawan imam kepala ali kawan pemimpin Yahudi mulai begerayang sameh dali, dali ngulek," Aka taka ngulek, makai hak Allah, da sagar ngulek kone me kam sa percaya tong da Yohanes. ³² Et poye ade nget ngulek, makai hak meresia, leka dali takut ali ulun deo, leka kawus ulun nganggap da Yohanes erai ulun nabi. ³³ Jaji, dali ngulek, kain sa ketoan, belalu Yesus ngulek tong dali, aka nget iro, ab sa ade kakan ngulek tong kam makai hak dase ab ngene kawus ye ihe."