1
Salam jak Yakobus, pelayan Allah ngan Tuhan Yesusu Kristus, kepado kedua belas suku nyo tesebar de segelo denia.
(Ujion Iman Menghaselko Ketabahon)
2
Dolor-Dolorke, anggaplah sebagai suatu sukacita munye kowe titek kedelom berbagai pencobaon *.
3
Sabab, kowe tahu bahwa ujion tehadop imanme menghaselko ketabahon.
4
Biarlah Ketabahon memboriko hasel nyo ponoh empoknyo kowe menjedi sempurno ngan utoh, hopi kekurangon apo-apo.
5
Cuma hambok, munye deantaro kowe ado nyo kekurangon hilmat, hendoklah enye mintaknye kepodo Allah, nyo ngan murah hati membori kepodo segelo urang tanpo mencela, ngan iye nak deboriko kepadonye.
6
Hambok, enye haros mintaknye ngan iman ngan hopi bimbang ulenyo urang nyo bimbang adolah upa gelombang lout, detiop angen kion-kemai.
7
Urang upa iye jengonlah mengiro nak menerimo sesuatu deri Tuhan.
8
Urang nyo mendua hati hopi nak tenang delom segelo jelon hidopnye.
9
Biarlah dulor nyo hidop sederhana bangga saat ye detinggiko,
10
ngan urang kayo saat ye detempatko pado keadaaon nyo rendah ulenyo upa bunga rompot, ye nak lenyap.
11
Sabab, matohari timbol ngan hangotnye nyo semaken trik, ngan melayuko rompot, bunganye gogor ngan keindhonye pon lenyap. Demikion jugo, urang sogeh nak lenyap de tangah-tangah usahanye.
12
Deberkatilah urang nyo tabah delom pencobaon ulenyo setelah enye tebukti tahan uji, enye nak menerimo mahkota kehidopon nyo dejediko kepodo nyo mengasehi enye.
13
Munye seseurang decuboi, jengonalh enye buek," Ake sedang decuboi Allah." Sabab, Allah hopi depot decuboi ule si Jahat ngan ye dewek hopi mencuboi siape pun.
14
Hambok, setiap urang decoboi tekalo ye deseret ngan depikot ule keendokoonye dewek.
15
Ketika keendokonye debuahi, ye nak melaherko doso ngan ketika doso menjedi masok, ye nak melaherko maut.
16
Dolor-dolor nyo kukasehi, jengon sosot.
17
Setiap pemborion nyo beik ngan setiap pemborion nyo sempurna jongok deri pocok, detoronko deri Bepa segelo tarang, pado-Nye hopi ado perubahon apo petukoron bayongon.
18
Pucok kehendok-Nye dewek, Ye menjediko kite ngan firman *kebonoron empoknye kite menjedi buah pertamo deri deri segelo ciptaon-Nye.
19
Dolor-dolor nyo kukasehi, perhatikolah nie: hendoklah tiap-tiap urang cepat untok mendongor, cuma lambot untok buek, ngan lambot untok bemarah.
20
Sabab, amarah mendesio hopi gaweko kebonoron Allah.
21
Ulenyo iye, campoklah kehopi sucion ngan nemanye kejahaton, ngan teriolah ngan kelamah lombuton firman Allah nyo lah tertanom de delomme, nyo sanggop menyelamatko jiwome.
22
Jedilah pelaku firman ngan bukon anyo pendongor bae; munye hopi, kowe menipu diri dewek.
23
Sabab, munye urang mendongor firman, cuma hopi melakukonnye, ye upa urang nyo sedangngelek mokannye de kaco.
24
Sesodah ngelek dirinye ngan lari, ye langsong piteringot upa ape mokannye tadi.
25
Hambok, urang nyo meneliti hokom nyo sempurna, yaitu hokom nyo merdekeko, ngan betekonde delomnye, ye hopi menjedi pendongor nyo piteringot, cuma menjedi plaku firman. Ye nak deberkati atas ape nyo delakukonnye.
26
Munye seseurang mengiro bahwa ye adoah urang nyo taat kompolon, cuma nye hopi depot megendaliko lidahnye, ye menipu hatinyo dewek. Ketaatonyo iye sio-sio.
27
Kompolon nyo murni ngan hopi tecela de hadopon Allah ngan Bepa kite adolah mengunjungi anak-anak yatem piatu ngan jendo-jendo delom penderitaon rombongon, ngan menjago dirinye dwek empoknyo hopi decemari uleh dunia.