( Salam Jak Paulus) ¹ Jak Paulus nyo lah de jedi ko Rasul bukon kereno mendesio, meloinko melalui Kristus Yesus ngan Allah Bepa nyo membangket ko Nye jak urang mati. ² Jugo, jak segelo dolor seiman nyo besamo-samo dengan ke, ontok jemaat de Galatia. ³ Anugerah ngan damai sejahtera bage me jak Allah Bepa kite ngan Tuhan Yesus Kristus. ⁴ Nye lah memboriko diri-Nye bage doso- doso kite ontok menyelamat ko kite jak zaman nyo jahat kinie sesuoi dengan kehendak Allah ngan Bepa kite. ⁵ Bage Enye lah kemuliaon ontok selamo- lamo nye. Amin. Anyo ado sikuk Injill. ⁶ Ake heran, alangko cepat kou meninggalko Nye, nyo mantaume melalui anugerah Kristus, ngan bebelek kepodo Injil nyo loen. ⁷ padohal, piado Injil nyo loen. Hambok, ado beberape urang nyolah mengacauko kowe ngan en amat ngengeliruko Injil Kristus. ⁸ Malahon, munye kamie apo melekat deri surga memberitako Injil nyo betentangon ngan ape nyolah kami tetelako kepodome, tekotokla nye! ⁹ upanyolah kami tetelako sebolomnye ngan kinie nak ku tetelako lagi, munye urang nyo memberitako kepodome Injil Nyo betentangon ngan apenyo sodah kou terimo, uyulah nye tekotok. ¹⁰ Apekah kinie ake nak ndelok persetujuon mendesio ape persetujuon Allah? Apo, apekah ake maseh nak ndelok menyenangko mendesio? Sekironye ake nak mencubo menyenangko mendesio, ake bukonlah hamba Kristus. ¹¹ Dolor-dolor, ake nak kowe tahuko behwo Injil nyo lah kou beritako bukannyo Injil buaton mendesio. ¹² Ake pi nerimonyo deri mendesio, apo ake mempelajorinya deri mendesio, hambok ake nerimonye melalui kenyataon deri Kristus Yesus. ¹³ Sabab, ake lah mendongor tentang caro hidopke nyo lamo deri agamo Yahudi, ake menyikso jemaat Allah ngan kejam ngan berusaha ontok menghancorkonnye. ¹⁴ Ake en maju delom hal agamo Yahudi , jouh lobih maju debandeng ngan urang-urang sepenggedeon de antaro bengsoke. Ake en rajen delom memeliharo adat istiadat nenek puyangke. ¹⁵ Hambok, tekela Allah, nyelah memisahko ake sejak delom kandungon indokke ngan lah mantauke melalui anugerah-Nye, sepakot, ¹⁶ menyatoko Anak-Nye delom ake empoknyo ake depot memberitako Enye deantaro urang-urang bukon Yahudi ake hopi cepat meminta nasehat kepodo seurang pon. ¹⁷ Ake jugo hopi lari ke kota Yerusalem ontok betemu ngan rombongon iye nyo sodah menjedi rasul sebelom ake meloinko cepat lari ke wilayah Arab ngan belek lagi ke kota Damaskus. ¹⁸ Tiga tahon kemudion, ake lari ke kota Yerusalem ontok bekenalon ngan Kefas ngan tinggal bersamonye selamo lima belas hari. ¹⁹ Hambok, ake pi ngole sikok pun deri rasul-rasul loen, kecuali Yakobus, dolor Tuhan. ²⁰ Ake meyakenko kowe de hadapon Allah behwo ape nyo ake toles kepadome nie bukon pelato. ²¹ Sesodah iye, ake lari ke daerah Siria ngan Kilikia. ²² Ake bolom dekenal secaro peribadi uleh jemaat-jemaat delom Kristus nyo ado de wilayah Yudea. ²³ Mengka nye anyo recap ndongor, Nye, ngan tekaloe menyikso kite, kinie memberitako iman nyo tekelahe iyo perenah cubo hancorko. ²⁴ Rombongon memuliako Allah kereno ake.