( Salam Ngan Pujion Ontok Gayus) ¹ Jak penatua de tonjoko ngan Gayus tekaseh, tong ku kasehi delom kebonoron. ² Dolorku tong ku kasehi ake berdoa emponyo kowe beik- beik bae delom segelo hal, semoga badan me sehat upa jiwo me jugo sehat. ³ Sabab, ake en sajo bersukacito ketika dolor- dolor jongo ngan besaksi tentang kebonoron upamone tekaloe kowe hidop delom kebonoron. ⁴ Ake hopi memiliki sukacito nyo lobeh godong pado dongor behwa anak-anak ke bejelon delom kebonoron. ⁵ Dolor ku nyo kekaseh, kowe betindak dengan setia delom segelo usaha me bage dolor- dolor meskipon nye urang aseng. ⁶ Nye lah bersaksi tentang kaseh-Nye dehadopon jemaat, lakukolah tong beik dengan nolong rombongon iye delom pejelonon dengan caro nyo bekenan ngan kehendak Allah. ⁷ Sabab, mike lah meninggalko demi namo iye, tanpo nerimo ape pun jak urang- urang nyo hopi pecayo. ( Diotrefes Ngan Demetrius) ⁸ Mangkonyo, kite harus nolung urang- urang upa nyo empoknyo kite menjedi kanti pelayanon bage kebonoron. ⁹ Ake lah menolis surat ngan jemaat, hambok Diotrefes nyo endok menonjok ko diri deantaro nyo, pindok on nerimo kami. ¹⁰ Uleh sabab iye, munye ke jongok, ake nak ngingotko nye atas tindakon nye, nye lah mererundungko kami ngan kehato pi beik! bukon anyo iyoi bae, nye jugo pindok nerimo dolor- dolor nyo jongok ngan melarong urang nak endok nerimo dolor- dolor iye sereta jouhi urang lah pecayo beiman delom kristus. ¹¹ Dolorku nyo kukasehi, Jengon meniru tong jahat, melaionko lakukolah tong beik. Urang nyo berbuat beik asalnye jak Allah, nyo berbuat jahat, bolum ngoleh Allah. ¹² urang lah bersaksi nyo beik tentang Demetrius, bahkan kebonoron bersaksi demikian. kamie jugo bersaksi, ngan kowe tahu ko bahwa kesaksion kamie bonor. ¹³ Sebonornye en neman tong nak ku tolisko dengan me, hambok ake pindok nolisko nye lewat surat bae. ¹⁴ Ake berharop secepatnye betomu betatap moka ngan kowe dengan boek secaro langsung. ¹⁵ Damai Sejahtera bage me. kanti- kanti desie ngiremko salam ontok me. sampoi ko jugo kamie ngan dolor kite desane.