(Salam jak Paulus) ¹ Paulus, seurang rasul Kristus uleh kehendok Allah ngan Timotius, dolor kite, kepado jemaat Allah nyo ado de Korintus bersamo segelo urang kudus nyo ado de segelo Akhaya. ² Anugerah untukme ngan damai sejahtera deri Allah Bepa kite ngan Tuhan Yesus Kristus. ³ Deberkatilah Allah ngan Bepa Tuhan kita, Yesus Kristus, Bapa nyo ponoh belas kasihan ngan Allah segalo penghiboran, ⁴ nyo menghibor kite delom sagelo penderitaan kite empoknyo kite jugo pacok menghibor rombongon nyo berado delon berbagai penderitaon ngon penghiboron, nyo kami dewek dehibor uleh Allah ⁵ Sabab, samo upa penderitaon-penderitaon Kristus melimpah delom kami, demikion jugo penghiboran mike melempah malalui kristu ⁶ Empok kami menderito hal iye demi penghiboran, ngan keselamaton me, apo empok kami dehibor hal nye adolah untok penghiboranme nyo begawe dolom ketabahon atas penderitaon-pendeitaon nyo samo nyo jugo kami alami ⁷ Pengharopon kami atas kowe iye togoh karena kami tahu behwa seupamone kow imbe bageo delon penderitaon-penderitaon kami, upaiye jugo kami ambek bageon delom penghiburon kami ⁸ Dolor-dolor kami hopi endok kowe hopi mengetahui tentang penderitaon nyo kami alami de Asia. Kami sajo debohoni melobehi kekuaton kami sehingo kami potos aso untok tetap hidop. ⁹ Bahkon, kami mempunyoi hokomon mati delom diri kami dewek empokonyo kami hopi yakin ngan diri kami dewek meleonko deri Allah nyo membangkitkon urang nati. ¹⁰ Enye lah melaposko kami deri kemation nyo mengeriko iye ngan akan melapaskoh kami lagi. kepado-Nye kamie berharop bahwa nye akan menyelamatkoh kami lagi. ¹¹ Kowe jugo torot menolung kami melalui doa-doame sehinggo lobot nyo nak besokor atas namo kami ulehnyo kaseh karunia nyo deboriko kepado kami melalui doa-doa lobot urang. ¹² Nielah kebanggaon kami, nyoiye kesaksion hati nurani kami behwa kami hidop de denia nie, terutamo tehado kowe, dengan ketoloson ngan kemurnion deri Allah, bukon delom hikmat denia meloenko delom anugrah Allah. ¹³ Sebab, kamie hopi menulesko hal-hal loen kopodome seloen nyo depot kowe beco ngan tereti akan beharop kowe nak tahuko seponohnye, ¹⁴ upa jugo kowe lah memahami sebagion tentang kami, nyoiye behowe kami adolah kebanggaonme seumpamene kou jugo adolah kebanggahon kami, podo hari Tuhan Yesus. ¹⁵ delom keyakenon nie, ake bemaksod untok telobeh dehulu njongok ke tempatme nggakonyo kou boleh mendepotko anugrah untuk ke dua kalinye. ¹⁶ Ake amat mengonjongi kowe delom perjelononke ke Makedonia, mengka bekek lagi kenempat kowe setelah deri Makedonia empoknyo kowe pacok menolonke delom perjelononke ke Yudea. ¹⁷ Uleh nyo iye, apokah ngan kerauan ake merencanakonye hal nie? apo, apehkoh nyo rencanakoh ake merencanokonye secaro duniawi sehinggo bageke secaro bersamo ado"ao,au" ngan "hopi, hopi"? ¹⁸ samo upa Allah adolah setio pemboeon kami kepodome bukonyo "ao" ngan "hopi". ¹⁹ Sebab Anak Allah, Yesus Kristus, nye deberitako de antaro kowe uleh kami, tong iye uleh ake, Silas ngan Timotius,bukonyo "ao" ngan "hopi", meloenko "ao" de delomnye. ²⁰ Sebab, segalo jenji Allah adolah " ao" de delom Kristus. iyelah sebabnye, melalui enye, kami baekko "Amin" kami untok kemuliaon Allah. ²¹ ngan, Allah nyo menogohkoh kami besamo-samo ngan kou de delom Kristus, ngan yo lah memberkati kito, ²² nyo jugo lah memateraikoh kite ngan memborikoh Roh-nye delom hati kite sebagai jaminon. ²³ namun, ake mantau Allah upa saksi bage jiwoke behewo untuk menahan diri atas kou ake belom jengo lagi ke Korintus. ²⁴ Bukon karena kami nyorohko atas imane, hambuk kami adalah nyo begawe besamome untok sukacitame uleh delom imanme kowe togok togoh.