(Pengumpulon Duet untok Urang-urang Kudus) ¹ Kinie tentang pengumpulon duit untuk urang-urang kudus, lakukolah sesuoi ngan petunjuk-petunjuk nyo ku boriko ngan jemaat de Galatia. ² Podo hari pertamo setiap minggu, masng-masing kowe menyisako sesuatu ngan menyimpanye sesuoi ngan nyo kou peroleh empuknyo jengon ketiko ake njongok beru deadoko pengumpulon. ³ Tekaloh ake njongok, ake nak mengutus mika, siapepun nyo kou setujui, desertai ngan surat-surat untuk ngunda pemborionme ke Yerusalem. ⁴ Ngan, munye sepatutnye ake jugo lari, mika nak lari besamoke. ⁵ Hambuk, ake nak njongok kepodome sesodah ake melewati Makedonia ulenyo ake bermaksud untuk melewati Makedonia. ⁶ Ngan, mungkin ake nak tinggal besamome apo menghabisko waktu selamo musim dingen empuknyo kowe depot nolungke delom perjelononke, kemonepun ake lari. ⁷ Sabab, ake hopi endok ngolehme kinie hanyo sepintas lalu. Ake berharop tinggal beberape saat denganme, munye Tuhan mengizinkonye. ⁸ Hambuk, ake nak tinggal de Efesus sampoi hari Pentakosta, ⁹ ulenyo pintu nyo lebor untuk gaweko penggaweon nyo penting lah tebuka bageke sekalipun ado lobot nyo belawanon. ¹⁰ Kinie, munye Timotius njongok, perhatikolah empuk nye hopi meraso takut ketiko besamome ulenyo nye melakuko gaweon Tuhan, samo upa ake jugo. ¹¹ Jedi, jengon ado urang nyo ngolehnye rendah. Tolunglah nye delom perjelononnye ngan damai empuk nyo depot belek kepodoke. Ake nunggukonye besamo ngan dulur-dulur desie. ¹² Kinie, tentang dolor kite Apolos, ake sajo mendoronginye untok mengonjongi kowe besamo dolor-dolor nyo loen, cuma nye samo sekali hopi endok njongo kinie. Nye nak jongo munye ado kesempaton. ¹³ Behati-hatilah, togoklah toguh delom iman. Betindaklah upa jenton-jenton ngan jedilah kuat. ¹⁴ Biarlah segelo nyo kowe gaweko, delakuko delom kaseh. ¹⁵ Ake mendesakme, Dolor-dolorke, (kowe tahu bahwa segelo isi rumah Stefanus adolah buah-buah pertamo de Akhaya, ngan mike lah mengabdiko diri mike untok pelayanon urang-urang kudus), ¹⁶ empoknyo kowe jugo tondok terhadop urang-urang upa nie ngan terhadop setiap urang nyo begawe besamo ngan bejereh lelah. ¹⁷ Ake besukacita pocok kedetongon Stefanus, Fortunatus, ngan Akhaikus ulenyo mike lah melengkapi ape nyo kurang deri kowe. ¹⁸ Sabab, mike menyegarko rohke ngan rohme. Uleh ulenyo iye, hargoilah urang-urang upa iye. ¹⁹ Jemaat-jemaat de Asia menyampoiko salam untok kowe. Akwila ngan Priskila menyampoiko salam hangot delom Tuhan kepodome, besamo ngan jemaat de rumah mike. ²⁰ Segelo dulur desie mengirim salam untukme. Ucapko salam sikok ngan nyo loin ngan cium kudus. ²¹ Ake, Paulus, menulis salam nie ngan tanganke dewek. ²² Munye ado urang nyo hopi mengasehi Tuhan, tekutuklah nye. ²³ Anugerah Tuhan Yesus menyertai kowe. ²⁴ Kasehke menyertai kowe segelo delom Yesus Kristus. Amin.