¹ Dah manyak urakng barusaha nyusun barita nganaik parihal - parihal nang dah tajadi ka antara diri. ² Aya nang di nyampeatn di kabatne ka dirik koa,nang dari pamulaan saksi mata ba palayan firman. ³ Karana koa, akak aku mareksa parihalle sidi - sidi dari asal mulae,Aku naap kaputusan untuk bukuatn ia sacara taratur untuk nyu;, ⁴ Supaya kao nahuik , kadek ahe nang di ajaratn ka kao koa memang batol sidi. ⁵ Pas zaman Herodes, raja Yudea,ia imam nang badama Zakaria umpat ka rombongan Abia. sabikatn,ne uga ba asal umpat ka katurunan Harun,damae Elisabet. ⁶ ia badua koa banar ka adaapatn Allah idup nuruti samua parentah jubata iank ba cacat. ⁷ Tapi ia inak baranak , soale Elisabet koa manduk udah koa umur ia badua koa pun dah tuha. ⁸ Pas waktue pun ataknglah giliran rombongane,Zakaria ngalakuatn tugase sabagai imam ka adaapatn Jubata. ⁹ Pas di undi aya mae biasa'e untuk nantuatn 'na imam nang batugas,ia lah nang di nunjuk untuk taama'k ka daapm bait suci sakalian nunu ukupatn. ¹⁰ Samintara koa samua umat bakomo sambayang ka uas,waktu koa lah untuk nunu ukupatn. ¹¹ Maka kateatn lah di Zakaria Malaekat Jubata badiri ka sabalah kanan mesbah tampat nunu ukupatn. ¹² Neek kajadian koa ia takajut tarus jaji gaik. ¹³ Tapi malaekat pun bakata ka ia ;, ame gaik he Zakaria, karana doa nyu dah di ngabulatn, Elisabet ,sabikatn nyu mao ngalahiratn na anak laki untuk nyu tarus kao harus bare ia dama Yohanes. ¹⁴ Kao pasti karepoatn ,malah manyak urakng nang repo ia lahir koa. ¹⁵ Sabab ayak'e pun ia ka adapatn Jubata,ia bai nyocoka anggur ba arak karana ia di insik'i di roh baraseh mulai ia ka daapm buntikng uwe'e. ¹⁶ Ia akan minjawat manyak urakng Israel babalik ka Jubata,Allah kabatne ¹⁷ Ia pun akan bajaatn ngadohoik Jubata daapm roh ba kuasa Elia untuk minjawat ati bapak - bapak babalik ka anak - anak'ke tarus ati urakng durhaka jaji pikiran urakng banar, karana koa di siapatnlah umat nang pantas untuk Jubata. ¹⁸ Lalu Zakaria bakata ka Malaekat koa;'yamaw aku nauan,kadek parihal mao tajadi? sabab aku dah tuha sabikatn ku pun dah tuhan uga. ¹⁹ Malaekat koa pun nyawab katae;'Akulah Gabriel nang ngalayani Allah tarus Aku di utus untuk bakata ka kao nyampeatn'na barita nang gagas nyisn. ²⁰ Sabatole kao mo jaji awak inak bisa bakata sampe ka ari samua nyian tajadi,sabab kao inak picayak ka kata ku nang sidi jalas batol ka waktue. ²¹ Samintara koa urakng manyak nungu-nunggu Zakaria,kabatne pun heran,ngahe ia lama sidi ka daapm bait suci. ²² pas ia ka uas,ia inak bisa bakata ka kabatnetapi koa dah ngarati,kadek ia dah neek paneek'an ka daapm bait suci koa,tarus ia mare tanda ka kabatne,kadek ia koa masih awak. ²³ pas waktu jabatane abis,ia pun puakng ka rumah. ²⁴ Dah sangahe lamaElisabet,sabikatne pun babuntikng,tarus salama lima buatn ia inak neeatn diri,e.ia pun bakata; ²⁵ Nyianlah nang di ngalakuatn Jubata ka aku,tarus angkitn Ia mao ngapus aib ku ka muha urakng. ²⁶ Daapm buatn nang ka anam allah nyuruh malaekat gabriel ampus ka kota Galilea nang badama Nazaret. ²⁷ Namui nang dara nang batunangan ba yusuf umpat ka kaluarga daud;dama nang dara koa maria. ²⁸ Pas malaekat koa taama ka rumah maria ;ia bakata;"salam,hai kao nang di karuniaik,Jubata nyarataik kao" ²⁹ maria pun takajut nangar pakataatn koa, lalu batanya ka daapm atie,ahe sih arti salam koa. ³⁰ Jakata malaekat koa ka ia; ame gaik, he maria,karana kao namu kasih karunia ka adapaatn Allah. ³¹ Sabatole kao babuntikng'a ba maranakatn'na anak nang laki tarus kao bare lah Ia dama Yesus. ³² Ia jaji ayak ba akan di sabut Anak Allahnang maha tingi,Jubata Allah akan mare ka Ia tahta Daud,apak leluhure. ³³ Ia pun jaji raja atas kaum katurunan Yakub sampe salama-lamae, karajaane pun inak ba ka abisatn. ³⁴ Maria pun bakata ka malaekat koa;aya mae mungkin hal koa tajadia, soale aku nape ba laki?" ³⁵ Malaekat koa pun nyawab katae; Roh kudus mo turutn ka kao ba kuasa Allah nang maha tingi naungi kao; sabab anak nang mo kao lahiratn'na koa akan di sabut kudus, Anak Allah. ³⁶ Sabatole,Elisabet,kamaru nyu koa,ia pun babuntikng anak laki ka ari tuhae,nyian lah buatn ka anam untuk Ia,nang di nyabut manduk koa. ³⁷ Soale untu,k Allah inak ada nang mustahil; ³⁸ Maria bakata; "sabatole Aku nyian hamba Jubata;jajilah ka aku nurut pakataatn nyu koa; malaekat koa pun ninggatn ia. ³⁹ Ada sangahe lama ampuslah Maria bajaatn ka bukit nuju sabuah kota ka Yehuda. ⁴⁰ Dikoa Ia taama ka rumah Zakaria tarus mare salam ka Elisabet. ⁴¹ Pas Elisabet nangar salam Maria, bagabutlah anak nang ada ka daapm rahime tarus Elisabet pun di insi;i roh baraseh. ⁴² Lalu bakata suara nyarekng ; Di barakati lah kao ka antara samua nang bini ba di barakati uga lah buah rahim nyu. ⁴³ Sae me aku nyian sampe uwe Jubata atakng ngampusi aku? ⁴⁴ Sabab pas salam nyu sampe ka tarenyekng ku,anak nang ada ka daapm rahim ku nyian bagabut karepoatn. ⁴⁵ Repolah ia, nang dah picaya, sabab ahe nang di ngataatn ka ia umpat ka jubata, pasti tajadi. ⁴⁶ Lalu jakata Maria" jiwaku muliaatn Jubata. ⁴⁷ Ati repo karana Allah, juru salamat ku. ⁴⁸ Sabab Ia dah neek karendahatn umat,Te sabatole mulaik angkitn samua katurunan nyabut aku repo. ⁴⁹ Karana nang mahakuasa dah babuat nang ayak ka aku ba damae pun kudus. ⁵⁰ Ramate pun turutn temurun atas urakng nang gaik ka ia. ⁵¹ IA neeatn kuasae ngalalui pabuatatn kokote tarus misahatn urakng - urakng nang congkak atie. ⁵² IA nurunan urakng - urakng nang bakuasa dari tahtaetarus ngangkat urakng - urakng nang dari babah. ⁵³ Ia ngalimpahatn samua nang baik ka urakng nang kaparatn, ba nyuruh urakng nang kaya dari dikoa inak ngicakng ahe - ahe. ⁵⁴ Ia mamntuk israel,hamba'e karana Ia ingat rahmate. ⁵⁵ Sarupa nang Ia janjiatn ka enek moyang dirik, ka Abraham ba katurunan'ne untuk salamae. ⁵⁸ Maria pun diapm ba Elisabet kira - kira talu buatn lamae.baru Ia puakng agi ka rumahe. ⁵⁷ Pas ganaplah buatne Elisabet baranaka lalu ia pun maranakatn anak laki. ⁵⁶ Waktu tetangga ba kamaruk'e nangar kadek Jubata dah neeatn rahmate nang ayak sidi ka ia,repo sidilah ia ba samua kabatn'ne. ⁵⁹ Lalu atangk lah kabatne ari nang ka lapan untuk anak koa babaak lalu kabatne marea ia dama zakaria nurut dama apak'e, ⁶⁰ Tapi uwe'e bakata : "ame, la arus di bare dama Yohanes" ⁶¹ Lalu kata kabatn'ne "inak ada kamaruk nyu nang badama aya koa" ⁶² Tarus kabatn'ne mare isyarat ka apak'e untuk batanya ahe damae nang ia bareatn'na ka anak'e koa ⁶³ Ia minta batu tulis ,lalu nulis kata-kata nyian: "Damae Yohanes" kabatn'ne samua pun heran. ⁶⁴ Pas waktu koa uga tabuka lah moote ba talapas lah jiahe, ia pun bakata-kata muji Allah. ⁶⁵ Maka ka gaianan lah samua urakng nang diapm ka sakitar koa,paristiwa koa pun jaji paromongan urakng ka samua bukit yudea. ⁶⁶ Lalu samua,urakng nang nangar ,marenung tarus bakata "jajia ahe kamuda nyian ana'e"sabab kokot Jubata nyaratai ia. ⁶⁷ Lalu zakaria apa'e ba insi di roh kudus tarus banubuat,jakatae : ⁶⁸ Tapuji lah Jubata,Allah israel, sabab ia melawat umate ba ngicakng kalapasatn bagie. ⁶⁹ Ia numbuhatn sabuah tanuk kasalamatatn untuk diri ka daapm katurunan Daud,hambae koa. ⁷⁰ Sarupa nang dah di firmanan dihe dari purbakala di moot nabi-nabie nang kudus. ⁷¹ Untuk ngalapastn dirik dari munsuh-munsuh ba dari kokot samua urakng nang teget ka dirik. ⁷² Untuk nunjukatn rahmat'te ka enek moyang dirik ba ngingat janji e nang kudus ⁷³ Yakoa sumpah nang di ngataatn ka abraham, apak laluhur dirik.kade ia ngaruniai dirik ⁷⁴ Supaya dirik,talapas dari kokot munsuh dapat sambayang ka ia tampa gaik. ⁷⁵ daapm ka kudusatn ba ka banaratn ka adapatn'ne saumur idup dirik. ⁷⁶ Kau he anakku, nang akan di sabut nabi Allah nang maha tinggi. karana kao akan ngadohoi Jubata untu'k nyiapatn maraga bagi e. ⁷⁷ Untu'k mare pangaratiatn ba kasalamatatn nang badasar pangamponan dosa-dosa kabatne. ⁷⁸ Oleh rahmat ba balas kasihatn umpat ka Allah dirik ba mae lah ia akan melawat dirik mata ari aapm umpat ka tampat nang paling tinggi, ⁷⁹ Untuk narakngi kabatn'ne nang diaapm ka daapm kagalapatn ba daapm naungan maut untuk ngarahatn paha dirik ka maraga damai sejahtera.