¹ Angkitn waktu Yesus nahui' kade' para Parisi nangar kade' ia mambaptis jaji labih manyak dari Yohanes ² ( biarpun Yesus ina' mambaptis, tapi kahe para murite ), ³ ia ningaatn Yudea lalu barangkat nuju Galilea. ⁴ Tapi arus bagie untuk ngalewati' Samaria. ⁵ Lalu ia sampe ka sote' kota nang badama Sikar, samak ka sabidang tanah nang Yakub mareatn ka anake Yusuf. ⁶ Kolam Yakub ada kanaun. Yesus kalatihatn dari pajaananE duduk ka samak kolam koa. kira - kira satangah ari Ia duduk dikoa. ⁷ Nang bini urakng Samaria atakng nyenoka' ai', Yesus bakata ka ia " Bare'lah aku sadikit ai' untuk ku nyocoka'," ⁸ Sabab para muritE kalatihatn ampus ka kota mao' malia' makanan. ⁹ Lalu jakata nangbini Samaria koa ka Ia," ayamae kita' nyian , urakng Yahudi minta ai' ka aku, urakng nangbini Samaria, minta' ai' untuk nyocoka'?. ¹⁰ Soale Yahudi ina' bahubungan ba urakng Samaria. Jakata Yesus ka ia ," kade' kao udah nahui' pamare'atn Jubata ,lalu sae nang bakata ka kao, " Bare'lah aku nyocok,' mungkin kao batanya ka Ia, lalu Ia mungkin bisa mare'i' kao ai' kaidupatn." ¹¹ Jakata nangbini koa,"Tuan, kita' ina' ba timba' soale kolam nyian daapm. Kamae kita' bisa namu ai' kaidupatn koa? ¹² Kita' ina' labih aya' apa' kami Yakub, nang udah mare'i' kami kolam,nang darie nyocok sandiri' anak - anake ba ternak - ternake. ¹³ Jawab Yesus ka ia ," satiap urakng nang nyocok sadikit ai' pasti aus agi', ¹⁴ Tapi saepun nang nyocok ai' nang aku bareatn ka ia inaa' hane ausa' agi, sabalike ai' nang aku areatn ka ia pasti jaji ai' idup kadaapm kaidupatne, nang mancar ka atas ka kaidpuatn nang kakal. ¹⁵ Nang bini koa bakata ka Ia ," Tuan, bare' ai' nyian ka aku biar aku ina' jaji aus ba ina arus atakng kadian untuk naap ai'." ¹⁶ Yesus bakata ka ia," Ampus, saru' akinyu, lalu muakng agi kadian." ¹⁷ Nang bini koa bakata ka ia ," Aku in' ba aki." Ja Yesus ," Kao bakata banar ,," Aku ina' ba aki,' ¹⁸ soale akinyu udah lima urakng, nang angkitn diapm ba kao koa buke' akinyu. pada hal nyian kao udah bakata banar." ¹⁹ Nang bini koa bakata ka Ia ," Tuan aku ngarati kita' adalah saurakng nabi. ²⁰ Apa' - apa' kami udah nyambah ka bukit nyian, tapi kita' samua bakata kade' Yerusalem adalah tampat umat arus nyambah. ²¹ Yesus bakata ka ia ," Nang bini, picayalah ka Aku, saate mao' atakng waktu kao mao' nyambah Apa' buke' ka bukit buke' uga ' ka Yerusalem. ²² Kao samue'e nyambah nang ina' dikita' tahui', kami nyambah nang kami nahui', sabab kaslamatan umpat ka urakng Yahudi. ²³ Tapi angkitn saate mao' atakng, angkitn aja ada kadian, waktu panyambah - panyambah nang banar mao' nyambaha' Apa' daapm Roh ba kabanaratn, Sabab Apa' ngaggo' umat nang ayanyian untuk jaji panyambah - panyambahE. ²⁴ Jubata Panampa' adalah Roh, lalu umat nang nyambah Ia arus nyambah daapm Roh ba kabanaratn. ²⁵ Nang bini koa bakata ka Ia," Aku nahui' kade Mesias udah atakng ( urakng nang di saru' Karistus ) waktu Ia atakng, Ia mao' jalasatn samu ka diri'. ²⁶ Yesus bakata ka Ia ,"Akulah Ia nang agi ngomong ba kao nyian,". ²⁷ Waktu koa para murite baru puakng, kabatne heran ngahe Ia bakai' nang bini ,tapi ina' seko'pun nang bakata," Ahe nang kao mao' ? " atau Ngahe bakatai' ba ia?" ²⁸ Lalu nang bini koa nurunan tapayatn ai'e, lalu muakng ka kota, ba kata ka umate. ²⁹ Ije', urakng nang udah ngingatatn aku samua nang udah aku ngarajaan,. Mungkin nyian buke' Karistus ? ³⁰ Kabatne ningaatn kota lalu atakng ka Iya. ³¹ Samentara koa, para murite nasak Ia, jakatae, " Rabi makatnlah ." ³² Tapi Ia bakata ka kabatane," Aku ada makanan nang ina kita' tahui'," ³³ Jaji para murit bakata ka nang lainne," Ina' ada seko' urakng pun nang udah ngicakng ka Ia untuk Ia makatn ge ?. ³⁴ Jakata Yesus ka kabatne," Makananku adalah malakukan kahendak Ia nang ngutus aku ba nyalasaiatn pakarajaannE. ³⁵ Buke'me kita' bakata," Ada ampat buatn agi mao' nganyia' iya atakng?. aku bakata ka kao," tee'lah ba matanyu tee'lah uma - uma koa, soale nang mao' dianyia' udah siap. ³⁶ Barangsae nang bahanyi manyak pasti namu upah nang manyak ba ngumpulatn buah untuk kaidupatn kakal. sahingga bagi nang nabur ba bagi nang manen pasti ba sukacita basama- sama. ³⁷ Sabab daapm hal nyialnlah pakataatn banar," Nang seko' nabur nang laine manen." ³⁸ Aku ngutus kao untuk nuai ahe nang ina' kao karajaatn. Urakng lain udah ngarajaatn lalu kao udah taama' ka pakarajaatn kabatne. ³⁹ Manyak urakng Samaria nang udah nangar kasaksian nang bini koa jaji picaya' ka Yesus. ⁴⁰ Waktu urakng Samaria atakng ka Ia, kabatne minta' Ia diapm ka kabatne , akhire dua ari Ia kanaun. ⁴¹ Manyak agi' nang picaya' sabab pakataatnNe. ⁴² Kabatne bakata ka nang bini koa," Kami buke' agi' picaya' ahe nang udah kao kataatn, kami sandiri' udah nangar, sabab urakng nyianlah sasungguhe nang Juruslamat dunia koa." ⁴³ Aka' koa ia umpat kanaun barangkat ka Galilea. ⁴⁴ Soale Yesus sandiri' bakata seorang Nabi ina' ada panghormatan ka kampokng sandiri'. ⁴⁵ Waktu Ia atakng ka Galilea, urakng Galilea nyambut Ia, Kabatne udah nee' ahe nang udah Ia ngarajaan waktu bagawe ka Yerusalem, soale kabatne ada uga' kanaun. ⁴⁶ Angkitn Ia ada atakng agi' ka Kana ka Galilea, tampat Ia ngarobah ai' jaji anggor, ada anak pajabat karajaan anake agi' sakit ka Kapernaum. ⁴⁷ Waktu ia nangar Yesus udah ningaatn Yudea puakng agi' ka Galilea, ia ampus ka Yesus lalu mohon ka Ia untuk turutn untuk nomoanna' anake, nang udah amper mati. ⁴⁸ Yesus bakata ka ia, " kacoali kita' samuae nee' tanda - tanda ba pambuatan ajaib, kita' ina' akan picaya'." ⁴⁹ Pagawai koa bakata ka Ia Tuan ataknglah sanape' anaku mati," ⁵⁰ Yesus bakata ka Ia," Puaknglah anaknyu idup," urakng koa picaya' ahe nang dah Yesus kataatn, iapun langsung puakng. ⁵¹ Waktu ia atakng amba - ambae batakata ka ia kade' anake idup. ⁵² Lalu ia batanya ka kabatne kamie ia mulai' tomo , siakng tumare' angate mulai' ilang. ⁵³ Lalu apa'e taringat kade' jam ayakoalah Yesus bakata," Anaknyu idup, " akhire ia ba saluruh kaluargae jaji picaya. ⁵⁴ Nyianlah tanda nang Yesus pinjawat waktu Ia kaluar dari Yudea ka Galilea.